Matju 5:42 - Bal cehec je haun

⁴² Oso ninihecebfi eu ceteh utugale. Oso cesultagale hecebfi cain hibemdogaun, cesuldogale,” aden.

Matju 5:42 ပူးပေါင်းရင်းမြစ်များ

Matju 5:41

Oso uqaca nuecnu kilomita osol ihoc lecnu ninichecebfi hina kilomita leciscadoc belesiale.

Me Je i Luk Jaqen 11:41

Euqa cel ceteh oso agena gabin bohca dunuh bilia eu sawen adeiga. Odocob agena dewenega ganacca wawagaca cunug eu soidoc biligian,” don.

Pol Uqa Jaqec Je Oso Rom Tamanec Jaqiaden 12:20

Euqa loo je jaqec odi madena: “Hinana cad uqa wen docobfi hina sab utugale. Uqa wa gab docobfi wa utugale. Eunu hina odi odocomfi eu hina ja sogca ilona haudocwe megan, odocob uqa kobol me qee odonnu majag dugian,” ena. (Sindaun 25.21-22)

Hibru 13:16

Odimeig age dana cajaca kobol mena meme madecnu cain dahiniga celeiaun. Odocob ceteh ageca bilina eu dana cetehca qee eundec cesuladeiga. Anut uqa ihanec eundec geh bahic gale dona.

Hibru 6:10

Ge, Anut uqa dana me qee qee, eunu uqa age cabi cunug oin eunu qee dahig celeiaun. Qee bahic. Eu odiha age dana cajaca qagoc cesuladein euna age Anutnu nalug megina eu ihacadein. Odocob age qila odi odogina.

Jems 1:27

Cuha fec eu ege memige Anut amegna eu soidoc bahic nijeceb odocob gegehinca qee eu odi bilina. Age mel leih anagail memegailca cal mein eundec caja wij cuhanuc bilegina eu ageha culumen gahidocnu cesuladeigale. Ceteh osoha. Maha inadec kobol wawaga gegehin cain qoiaun. Odocob age agena jic coboc cofdu cuhadudu coboiga.