Matju 27:50 - Bal cehec je haun

⁵⁰ Odocobil Jisas haun co suli u utaimei kis umei cal men.

Matju 27:50 ပူးပေါင်းရင်းမြစ်များ

Matju 20:28

Ge, Dana Melah ha dana age ija cewel utuqagan imei qee toni nel. Qeeo. Dana Melah uqa dana cajaca cewel uadecnu toni nen. Uqa ijana cebac bilec eu dana cajaca mati besiadec fajadecnu culigen imei eunu toni nen,” aden.

Matju 27:49

Euqa leih madein, “Sumuduga. Culecem ege uqa Ilaija humei cahahadugianfo, qeefo ec feqan,” ein.

Me Je i Mak Jaqen 15:37

Odocob Jisas gehca utai kis umei cal men.

Me Je i Luk Jaqen 23:46

Odocob Jisas jejeg suli u utaii madon, “O Mei! Ija doloni hina ebenna migina!” don. Uqa eu odi dih madimei kis umei cal men.

Me Je i Jon Jaqen 10:11

Ija sipsip cofadec me. Cofadec me uqa uqana cebac bilec uqana sipsipnu culina.

Me Je i Jon Jaqen 19:29

Boh oso wain gulihinca am bec eu ono bilen. Eunu age gege oso umeig eu bohna wain gulihinca tanumeig na oso, ijan hisop, euna gihacdumeig sulecebil ti uqa cona mein.

Me Je i Jon Jaqen 19:30

Odocob Jisas uqa wain eu sugudu jimei maden, “Eu qee meia,” en. Odimei uqa ilo du qahimei kis umei cal men.

Hibru 2:14

Mel sim eu age dana dewenega golanagaca coboginawe Jisas uqaha dana deweg golacca odi bahic umei coboloi. Uqa cal migiannu eu odi odon. Odocob uqa cal mec euna uqa dana cal mecnu gagadic odoc ebenna hewena eu fadaldocnu odi odon. Dana eu uqa Seten.

Hibru 5:7

Wele Jisas uqa dana mahana bilen saen euna uqa Anut inondudu bilen. Anut uqa cal mecnadec cahahadocnu ihoc eunu uqa qajec benca amulig nenen utai inondon. Uqa uqadodocnu jogoi Anut bisalu himec biloloi eunu Anut uqana inondoc eu dah moloi.

Hibru 9:14

Euqa Krais golac ceteh eu wooldoc. Krais uqa cahuldoc osoca qee. Kis gaid bileceb catanena uqana gagadic odocna Krais uqana cebac bilec euna Anut ihandon. Eunu uqa golac eu egena cisdoc silec soidocob ege kobol filfil cebac bilecca qee eundec qee odoqaun. Eunu ege Anut cebac bilina uqa cewel utuqan.