Matju 26:39 - Bal cehec je haun

³⁹ Odi maadimei uqa nag odi qisacadi nuimei uqa ni mahuli ola maha mecidu nijimei Memeg inondon, “Mei, gabin i ija wooltecnu jic nijecebfi odocom woolti nuiale. Ija madigina eu qee odigaunqa hina madagana eu toodu odigen,” don.

Matju 26:39 ပူးပေါင်းရင်းမြစ်များ

Jenesis 17:3

Odocob Ebram uqa maha cotadon. Oodon Anut madon,

Matju 20:22

Odocob Jisas caja jejeg hewi maalen, “Ale cetehnu ninitesina eu uqana caun qee dosina! Wa gab ija jigen eu aleha jecnu ihocfo?” alen. Odocob madosin, “Ese, ele jecnu ihoc,” dosin.

Matju 26:42

Odi madumei uqa lecisdu ceseli li Memeg inondon, “Mei, gabin i woolti nuecnu jic qee nijecebfi ija jigen, eu hina madagana eu ihoc ligian,” don.

Me Je i Mak Jaqen 13:22

Uhulec Kraisca uhulec je hahun madec danaca mati cali humeig age dana cajaca Anut nesili cedaden bilegina euha faninadoqagan imeig kobolkobol odoc filfilca gaga ben matica odoqagan.

Me Je i Luk Jaqen 17:16

Humei uqadodoc Jisas jaihna toni mahulimei hetaga don. Dana eu uqa Sameriadec.

Me Je i Jon Jaqen 11:41

Eunu Jisas odi madocob age meen besi oin. Odocob Jisas uqa tatii Memeg madon, “Mei, ija je mahecemin dah mitem eunu ija hetaga higina.

Me Je i Jon Jaqen 14:31

Euqa mahanadec dana age ija Memige Anutnu nalug miginanu dogina eunu Memige uqa je maten eu toodu odigina. Ege jo i qisacdumeb beleqan. Cajeiga,” aden.

Me Je i Jon Jaqen 18:11

Odocob Jisas uqa Pita madon, “Hina han sigin uqana cudunna tacaga! Hina wa gab i Memige Anut ija iten eu qee jigaun ec cisdogonafo?” don.

Me Je i Jon Jaqen 5:19

Eunu Jisas uqa Juda dana maaden, “Ija je mele maadigina, Anut Melah uqadodoc dih ceteh oso odocwe qee. Uqa Memige Anut oodon fena eu himec uqa odona. Memige Anut uqa Melahnu nalug mena. Uqa ceteteh cunug uqadodoc odona eu Melah ihacdona. Mele, age fimeig tumatumaoqagannu Memige Anut uqa ceteteh qila fegina eu ceteteh wooladec ihacdugian. Eunu Memige Anut odona eu himec Anut Melah odona.

Me Je i Jon Jaqen 5:30

Jisas je haun maaden, “Ija ijana cisdoc toodu qee odigina qa sulten eu uqana cisdoc toodu odigina. Eunu ija cuhanuc ceteh oso odocwe qee. Memige mateceb dah migina eu toodu dana dewenega je ila mi gesiladigina. Deweneganu je eu madigina eu tutuc,” aden.

Me Je i Jon Jaqen 6:38

Ija Mei uqa sulten eu uqana cisdoc eu odi. Cunug age Melah fecidumeig uqanu wawaga meleeceb eu age cebac bilec catanec eu oqagan. Odocob ija cit qoc deelna tuliadecemin caji cebac biluqagan. Uqana cisdoc euha odi. Dana cunug uqa iten eu ija oso qee culdugaun qa ija cunug cit qoc deelna tuliadecemin caji cebac biluqagan. Eunu ijana cisdoc toodu odocnu qee nelem qa uqa sulten eu uqana cisdoc toodu odocnu ija sao jobonnadec toni nem,” aden.

Aposel 10:25

Saen Pita jo hamol ligia oodon Konilias uqa hu ceguldon. Odimei Pita olana gob cehi jaihna toni mahulimei Pitanu cuha fen.

Filipai 2:8

Uqa dana coboginawe odi cocobon fein. Uqa lal qumei uqadodoc binan qee mumudi Memeg co toodu oodi cal men. Mele, na babalecna cal men.

Hibru 5:7

Wele Jisas uqa dana mahana bilen saen euna uqa Anut inondudu bilen. Anut uqa cal mecnadec cahahadocnu ihoc eunu uqa qajec benca amulig nenen utai inondon. Uqa uqadodocnu jogoi Anut bisalu himec biloloi eunu Anut uqana inondoc eu dah moloi.

Jahunec Je Camasac Muden 19:10

Odocob ija uqa jaihna toni mahuli cosolimig uqanu cuha fecnu odom qa uqa maten, “Cain odogaun! Ija cewel oc dana gami hinaca, hina wawaga meleec cotinelca, cunug age mele je Jisas qasali maaden eu hewegina eu age ija cabi hijiga. Eunu hina Anutnu dih cuha faga!” ten. Ge, mele je Jisas qasali maaden eu me je uqana gug eu Kis Anut uqa je hahun madec dana adeceb age me je qasali maadein.