Matju 25:10 - Bal cehec je haun

¹⁰ Odocob mel aid taula dalawan mec 5-pela age mool fajecnu wele bebelegin dana caja haun ocobocobec eu hon. Odocob mel aid taula leih saciadu bilein age uqaca jo dunuh ocobocobec sab ben lecebil dana age jic cebec menein,” aden.

Matju 25:10 ပူးပေါင်းရင်းမြစ်များ

Jenesis 7:16

Dool lein eu manahalca cufunecca odi lein. Age cunug Anut maden odi toodumeig wag dunuh lein. Odocob Anut hibilimega jic cebec menen.

Matju 24:42

Age agena Tibud aadeb hugian eu age qee dogina. Eunu amaga cebac bileigale!

Matju 24:43

Euqa ceteh i doiga. Dana jo gug uqa heje dana aadeb hu ijana ceteteh heje ugian eu doialumi uqa us qee nijoub, cebac bibili cagucagdoub. Odimei uqa heje dana culdocob uqana jo qeih qatanimei dunuh qee loub.

Matju 24:44

Age Dana Melah uqa qila hugian qee ec saen euna mele hugian. Eunu age saciadoc susumudi bileigale,” aden.

Matju 25:6

“Odocob tu gemo dana oso odi utaeceb doin, ‘Dana eu uqa caja haun ocobocobec eu hona. Age hoiga, ege beli jicna gulucdumeb ehudi ahoqagan,’ en.

Matju 7:21

“Dana cajaca age ija ‘Tibud, Tibud,’ tegina eu cunug sao cul jobon dunuh qee lowain. Euqa Mei sao jobon bilia eu madena eu toodu odogina age himec loqagan.

Me Je i Luk Jaqen 12:35

Jisas je haun maaden, “Cel ceteh oso ququlubadecdainnu saciadudu bileiga. Agena lotoc taqi cuhadocca gowoc tuldumeig bileiga.

Me Je i Luk Jaqen 13:25

Dana jo gug eu cajimei jic cebec menigian. Odimeig maha gemo tataweig jic cebec gohugohududu madoqagan, ‘O Tibud, hu ege jic cebec hudigaga!’ oqagan. Odocob uqa jejenega hewi maadigian, ‘Ija age anadec eu qee dugina,’ adigian.

Kolosi 1:12

Memige Anut hegaga doqagan, uqa cesuladeceb Anutna mugumuga mec Anutna dana cajaca qagoc eu age cul fulacdocca euna bilegina eu oqagan age oqagannu eu ihoc odon.

2 Timoti 4:8

Wooladec gugulegina eundec ameg me adecebil ogina, ameg me eu ija u itecnu muden nijia. Ameg me eu ititom cobocnu kingna katakat. Egena Tibud, uqa dana cajaca gesiladi cuhadona, uqa cit qoc deelna kingna katakat eu itigian. Ija himec qee itiaun, euqa uqana cit qoc deelna humei camasac migiannu susumudi hoolegina eundec cunugha adigian.

1 Pita 1:13

Eunu age agena cisdoc tutuc mudimeig dumanaga cofdu cuhadu bileigale. Age agena cisdoc cunug gabandumeig Jisas Krais camasac cali hugiannu sumudeigale. Odocob age Anut uqa eeladec me bahic saen euna uum adigiannu gaid cisdoigale.

Jahunec Je Camasac Muden 1:7

Feiga! Uqa taenna hona! Dana cunug age uqa fecidoqagan. Leih age catuwutecebil cal men eundec ageha fecidoqagan. Odocob dana sihul cunug maha inadec age uqanu qada qajoqagan. Eu odi caligian eu mele.

Jahunec Je Camasac Muden 19:7

Sipsip Nag caja ugiannu deel wele cali hoia. Uqana caja eu jauni hedoia, saciadoia bilia. Anut uqa lotoc soidoc walelecca tacigiannu utia. Eunu ege ceeli bileceb celeboeqale! Ege uqa binan suluqale!” ein. (Lotoc me bahic eu Anutna qagu coboc dana cajaca agena tutuc odoc.)

Jahunec Je Camasac Muden 22:20

Oso uqa ceteh i cunugnu je qasali maadena eu uqa qila madena, “Eu mele bahic! Ija mahuc odi hugen!” ena. Eu mele bilina. Jisas Tibud, hina hogale!