Kolosi 3:2 - Bal cehec je haun

² Mele, ceteh mahana nijia eu ocnu cain cisdowain. Ceteh sao ohisna nijia eu ocnu cisdoigale.

Kolosi 3:2 ပူးပေါင်းရင်းမြစ်များ

Matju 16:23

Pita odi madocob Jisas falicdu madon, “Seten, hina Anut madena eu qee madelem. Hina dana mahanadec cisdoc toodu matagana. Hina jic cufa qutagana. Se, cuculti nuuga!” don.

Matju 6:19

Jisas je haun maaden, “Hina toinain haudoc nijina eunu hina wawin cisdocha nijina. Mahana cehewan eu cumucumca tontonca hewi me qee mudina, odocob heje dana ceteh euha heje ocna cawaladoqagan. Eunu age mahana cehewan meca agedodocnu haudocnu cain cabi owain. Euqa sao jobonna cehewan eu tontonca qee hewena, eu susul me qee mudecwe qee, odocob heje oc dana euha heje ocna cawaladecwe qee. Eunu age sao jobonnu age cehewanaga meca haudocnu cabi oigale,” aden.

Me Je i Luk Jaqen 12:15

Odimei uqa cunug odi gabanadi maaden, “Age batut feiga! Dana osoqa uqa cehewan ben bahiccafi uqa cebac bilec bahic eu uqana ceteteh cunugna qee bilina. Eunu ceteteh mati bahic cedecnu cain cisdowain,” aden.

Me Je i Luk Jaqen 16:11

Age maha ina cehewanaga me qee eu qee cofdu cuhadufeig age cehewanaga mele bahic eu adi cofdoqagan?

Filipai 1:23

Ija jic lecis gemo hewitina. Ija cebac bilec i culimig Kraisca bilecnu gale tena, eu me bahic.

Kolosi 3:1

Age Kraisca osoben cal mecnadec ceseli cajein. Eunu age ceteh sao ohisna isec nijia eu ocnu ebebaceigale. Ono Krais kingna cabalna bilina, uqa Anut eben meulana isec bilina.

Kolosi 3:5

Eunu age kobol me qee mahanadec wawagana cabi ogina eu qocobil cal meia. Wal kobolca, kobol gegehin odocca, belicanaga me qeeca, gale adec me qeeca, odocob ceteteh mati bahic ocnu amaga qona. Ge, ceteteh mati bahic ocnu kobol eu odi kadan tibudnu cuha fec kobol cinigwe.