Kolosi 3:1 - Bal cehec je haun

¹ Age Kraisca osoben cal mecnadec ceseli cajein. Eunu age ceteh sao ohisna isec nijia eu ocnu ebebaceigale. Ono Krais kingna cabalna bilina, uqa Anut eben meulana isec bilina.

Kolosi 3:1 ပူးပေါင်းရင်းမြစ်များ

Matju 22:44

‘Anut Tibud uqa ijana Tibud odi madon, “Ijaca hu ebeni meulana isec bibilem ija odocomin hinana cad cunug hu ninijebil hina jaimna lahacadegan,” don,’ en. (Buk Song 110.1)

Matju 26:64

Odocob Jisas madon, “Hina madagana odi himec. Ijaqa maadigina, hibna age Dana Melah uqa Anut gagadic odocca eben meulana isec bibileb sao taenna hohob foqagan,” don.

Matju 6:33

Euqa age casac age Anut mudecebil uqa agena king biliale, odocob age uqana tutuc coboc umeig toodoigale. Oodobil ceteh mahanadec eu toodu ageca hugian.

Me Je i Mak Jaqen 12:36

Kis Gun uqa Dewid dado mudeceb uqadodoc maden: ‘Anut Tibud uqa ijana Tibud odi maden, “Ijaca hu ebeni meulana isec bibilem ija odocomin hinana cad cunug hu ninijebil hina jaimna lahacadegan,” en,’ Dewid odi maden. (Buk Song 110.1)

Me Je i Mak Jaqen 14:62

Odocob Jisas madon, “Eu ija bahic! Age Dana Melah Anut gagadic odocca eben meulana isec bibileb sao taenna ha hohob foqagan,” don.

Me Je i Mak Jaqen 16:19

Odocob Jisas Tibud uqana malogom gami je madi hedocobil Anut uqa Jisas ehudeceb sao ohis timei uqa Anut eben meulana isec bilen.

Me Je i Luk Jaqen 12:33

Age toinanaga haudoc nijina eunu age wawaga cisdocha nijina. Eunu agena ceteteh cunug suldumeig meen qaig eu dana sawen eundec adeigale. Agedodoc agena meen qaig tacec badom qee qee mena eundec oiga. Odimeig age cehewanagaca sao jobonna biluqagannu saciadoiga. Ono cehewanaga eu qee qee meiaun. Ono heje dana oso euna lecwe qee. Susul ha me qee mudecwe qee,” aden.

Me Je i Luk Jaqen 20:42

Ge, Dewid uqadodoc buk Samna jaqen: ‘Anut Tibud uqa ijana Tibud odi madon, “Ijaca hu ebeni meulana isec bibilem

Me Je i Luk Jaqen 22:69

Euqa qila nueceb hibna ha Dana Melah Anut gagadic odocca bahic eben meulana isec biligian,” aden.

Aposel 2:34

Eu odi ha Dewid uqa Jisas sao jobonna ten odi qee tel qa uqa maden: ‘Anut Tibud uqa ijana Tibud odi madon, “Ijaca hu ebeni meulana isec bibilem

Aposel 7:55

Euqa Stiwen Kis Gun waugna am beceb sao jobon tatiimei Anutna kobolkobol fimei Jisas Memeg eben meulana isec tatawen fen.

Pol Uqa Jaqec Je Oso Rom Tamanec Jaqiaden 8:34

In oso uqa ege dewenigenu balijec je madecnu ihoc? Eu Krais Jisasfo ege dewenigenu balijigian? Qeeo! Uqa cal men, odimei Anut tulidocob ceseli cajen, uqa qila Anut eben meulana bilina oodi cesulgecnu ha inondona.

2 Korin 4:18

Ge, ceteh ege amigena fec eu saenca qa ceteh ege amigena qee fec eu bileceb catanigian. Eunu ege ceteh amigena fec eunu ege qee gugca mecioqona qa ege ceteh amigena qee fec eunu gugca mecioqona.

Efesas 4:10

Eunu uqa toni non eu uqa saona gun ohis bahic ten. Uqa uqadodoc ceteteh cunug am bigiannu odi odon.

Efesas 5:22

Krais uqa tamanecna ilo bilina. Tamanec eu Krais deweg, odocob Krais uqa uqana cahahaadec. Eunu Krais uqa tamanecna ilo bilinawe eu odi gemug uqa aidegna ilo bilina. Odocob age Tibudna je toodu odoginawe eu odi aidagail age gemugail agena je toodu odoigale.

Kolosi 2:20

Age Kraisca wele cal mein, odocob uqa mahanadec tibud me qee agena gagadic odocnadec besiaden. Eunu age eetanu qila maha inadec dana cinigwe cobogina? Age eetanu mahanadec loo je toodogina?

Kolosi 3:2

Mele, ceteh mahana nijia eu ocnu cain cisdowain. Ceteh sao ohisna nijia eu ocnu cisdoigale.

Hibru 1:13

Anut uqa uqana ensel oso odi qee madol: “Ene hina ebeni meulana isec biliga. Ene bibilem hinana cad cilehadimig age cabal jaim bisalu isec madigen,” qee dol. (Buk Song 110.1)

Hibru 1:3

Melah uqa Anut meca bahic ihacgena. Uqa Anutca ale caca, uqa Anut cinigwe. Odimei uqa je gagadic odocca madeceb ceteteh cunug gaid gagadic tawena. Odimei uqa dana cajaca cunug agena silail cacuadi hedumei uqa sao jobon ono King Meca Bahic uqa eben meulana isec bilen.

Hibru 10:12

Euqa Krais uqa silail cagasecnu ihani osoldon eu saen cunugnu ihoc. Uqa eu odiodi hedumei ti Anut eben meulana isec bilen.

Hibru 12:2

Ege amige eu meciocomun Jisasca nuigian. Uqa egena wawige meleec gug odocob hibna uqa egena wawige meleec odocob ihoc ligian. Wele Jisas uqa ceelec hibna ugiannu waug ninijen gagadic bilen. Odimei culumen gahidumei na babalecna cal men. Uqa na babalecna ono majag hewudein eu ceteh gauc bahic ec cisdon. Qila uqa Anutna bilec cabal meulana isec bilina.

Hibru 8:1

Aria, je ilo ina ege madoqona eu odi. Egena nawel tawec ihanec dana ilo eundec uqa Anut King Ben uqana bilec cabal meulana isec sao jobon bilina.

1 Pita 3:22

Jisas Krais uqa sao jobon ten, Anut eben meulana isec bilina. Odocob ensel cunugca, kis gagadic odoc cunugca, ceteh cunug gagadic odocca eu age Jisas Krais bisalu bilegina.