Kolosi 2:21 - Bal cehec je haun

²¹ Loo je eu odi, ceteh eu cain hewowain, odocob ceteh eu cain ji fowain, odocob ceteh eu cain qududowain.

Kolosi 2:21 ပူးပေါင်းရင်းမြစ်များ

Jenesis 3:3

na gemo taweia eunu Anut uqa ale eundec aig eu cain jowasin o cain qududu fowasin. Eu odifesi ale cal mowasan ec malen,” don.

2 Korin 6:17

Odocob Tibud Gagadic Odocca uqaha madena: “Eunu age haiden qisacadi beleiga. Age filiganadec biluqagan. Age ceteh gegehinca eundec oso cain qududowain. Age odi odocobil ija age ehadigen. (Aisaia 52.11; Esekiel 20.34, 41)

Kolosi 2:20

Age Kraisca wele cal mein, odocob uqa mahanadec tibud me qee agena gagadic odocnadec besiaden. Eunu age eetanu qila maha inadec dana cinigwe cobogina? Age eetanu mahanadec loo je toodogina?

Kolosi 2:22

Loo je eu ceteh cunug ege euna cabi oqona eu me qee menanu madena. Eu dana age dih loo je eu ifanimeig ege iwalgegina.

1 Timoti 4:3

Dana i edec age dana cajaca cain ocobocobowain ec iwaladegina, odocob age sab leih cain jowain echa iwaladegina. Euqa Anut uqa sab i jecnu ifanen, age wawaga meleeceb mele je doin eu age Anut sab eu cunug jeqannu hegaga ec inondu hedumeig jegina.