Kolosi 2:13 - Bal cehec je haun

¹³ Wele age agena silail mecca, age Juda dana qee eundec dewenega cagu qee qocca eunu cal mec biloloig. Euqa qila Anut uqa age Kraisca gabanadeceb cebac bilec euna bilegina. Anut uqa egena silail cunug cagasigen.

Kolosi 2:13 ပူးပေါင်းရင်းမြစ်များ

Me Je i Luk Jaqen 15:32

Euqa hina walin eu cal menwe qa qila uqa cebac bilia. Uqa jahunen qa qila uqa haun gulucduga. Eunu ege sab cilimeb celebooqona eu tutuc,’ don,” aden.

Me Je i Luk Jaqen 9:60

Odocob Jisas jejeg hewi madon, “Cal mec dana culadecem cal mec eundec agena heel ciseigale. Hinaqa nuimeg Anutna culnu je qasali maadaga,” don.

Me Je i Jon Jaqen 5:21

Memige Anut uqa cal mein eundec tuliadimei cebac bilec haun adenawe, odi Melah osooso uqadodoc cisdoc toodu cebac bilec haun adena.

Me Je i Jon Jaqen 6:63

Kis uqa cebac bilec adena, deweg ganac uqadodoc cebac qee bilel. Je ija maadiga eu kisca cebac bilecca.

Pol Uqa Jaqec Je Oso Rom Tamanec Jaqiaden 4:17

Anutna jaqec je eu odi madena: “Ija dana am hatuhatunadec age memega mihiga,” ena. (Jenesis 17.5) Je hahun eu Anut amegna bahic taweia. Odocob Ebraham uqa Anutnu waug meleen. Anut eu uqa cal mec dana cebac bilec kis haun adena, odimei uqa ceteh qee calel eundec utaadeceb eu calena.

Pol Uqa Jaqec Je Oso Rom Tamanec Jaqiaden 6:13

Qila age loo je bisalu qee bilegina qa age Anutna eelgec uum igec bisalu bilegina. Eunu silail eu agena cilehadec haun qee biluwain. Odimeig age ebenega jaimagaca dewenega amihilon filfil cunugca kobol me qee odocnu silail kobol haun cain utuwain. Euqa age dana eu cal mecnadec ceseli cajen cebac bilia cinigwe age dewenegaca agena cisdocca cunug eu Anut uteiga. Odimeig age dewenega amihilon cunug eu ititom kobol odoqagannu Anut uteiga.

Pol Uqa Jaqec Je Oso Rom Tamanec Jaqiaden 8:11

Anut uqa Jisas cal mecnadec tulidocob ceseli cajen eu uqana Kis eu age dunuhna bilecebfi Anut uqa Jisas cal mecnadec tulidocob ceseli cajen eu uqa Kis eu age dunuhna bilina euna age cal mec dewenegaha cebac bilec adigian.

1 Korin 15:36

Hina dana gad! Hina aig mahana cehagana eu qee cebac mena qa casac huluigian.

1 Korin 15:45

Anutna jaqec je eu odi madena: “Dana matu Adam uqa dolog umei cebac men,” ena. (Jenesis 2.7) Adam cit qoc uqa kis, uqa cebac bilec igina.

2 Korin 3:6

Anut uqa odigeceb ege bal cehec je haunna cabi dana biluquna. Loo je jaqec eu dana aqeceb cal megina qa Kis eu cebac bilec dana adena. Eunu Anut uqa bal cehec je haun i loo jena qee jaqel qa uqa Kisna jaqen.

2 Korin 5:19

Je i uqana gug eu odi. Anut uqa Krais umna bibili uqa mahamaha cunug uqadodoc dana cajaca tanawadecnu odona. Uqa agena silail sanijec cunug eu cagasiadena. Uqa aposel ege Anut danaca tanawadecnu je eu camasac mimi maadecnu cabi igen.

Efesas 2:1

Wele age silailca kobol cahuldocca eu odoloig, odocob eu aqeceb cal mec biloloig.

Efesas 2:11

Age cisdoiga, Juda dana age dewenega cagu qoc kobol odogina eu Efesas age dewenega cagu qee qoc egina. Je madegina eu kobol eu dana age himec dewenegana odogina. Eunu age wele adi biloloignu cisdoiga.

Efesas 5:14

Odocob ceteteh cunug camasac mena eu fulacdoc ibuldona. Eunu leih age je i madegina: “O dana us nijigina, hina camali cajaga! Hina cal mecnadec cajecem Krais uqa fulacdoc ihigian,” egina.

Kolosi 2:12

Odocob age wa joc oin saen euna age Kraisca heel cisadein. Odocob age wa jocna ha age Kraisca ceseli cajein, eu Anut uqa Krais tulidocob cal mecnadec ceseli cajen eu uqana gagadic odiodiecnu wawaga meleecna age ceseli cajein.

1 Timoti 5:6

Euqa caja oso uqana dana wele cal men odi caja eu uqa dewegna dih gale doc toodona eu uqa wele cal men cinigwe.

1 Timoti 6:13

Ija hina, Anut uqa ceteh cunugnu cebac bilec adena uqa amegnaca, Krais Jisas uqadodoc uqana gug eu Pontias Pailat amegna je qasalen uqa amegnaca, ija je gagadic mahigina.

Hibru 6:1

Eunu ege Kraisna je gug sanan mec age hahawan iwalgein saen euna ege wawige meleec mel sim cinigwe. Ege je gug sanan mec eundec himec madoqonafi ege mel simwe gaid bileqan. Je gug sanan mec iwalgec eu odi, ege kobol cebac bilecca qee eunu tului falicdumeb Anutnu wawige meleecca bilecnu, odocob wa joc filfilnuca, ebenige dana ilona mecnuca, cal mecnadec cunug ceseli cajoqagannuca, silail dana eundec Anut gel hib madeceb je eu bileceb catanigiannuca. Ege je gug eundec himec madoqonafi ege jo nah gehgeh cehoqona qa jo qee cehi hedoqonawe. Cois, ege mel sim agena kobol eu culimeb wawige meleec je caunca dana ben mein eundec je madeginawe madoqale.

Hibru 9:14

Euqa Krais golac ceteh eu wooldoc. Krais uqa cahuldoc osoca qee. Kis gaid bileceb catanena uqana gagadic odocna Krais uqana cebac bilec euna Anut ihandon. Eunu uqa golac eu egena cisdoc silec soidocob ege kobol filfil cebac bilecca qee eundec qee odoqaun. Eunu ege Anut cebac bilina uqa cewel utuqan.

Jems 2:17

Eunu wawaga meleec ha eu odi himec. Uqa gauc bibili kobol me oso qee camasac mudinafi eu ceteh gauc himec.

Jems 2:20

Hina dana gad! Hina wawin himec meleena qa me qee odogonafi hina wawin meleec eu ceteh gauc himec eunu hina wawin fogo dugiannu je oso mahecemin dogale.

Jems 2:26

Deweg kisca qeefi wele cal men eu ege doqona. Eu odiwe dana uqa waug meleena qa me odoc qee odona dana eu uqana waug meleec euha cal men.

1 Jon 2:12

Age ijana mel sim, age Krais ijannu Anut agena silail cagasiaden eunu ija je i jaqiadigina.