Jenesis 47:22 - Bal cehec je haun

²² Odonqa Josef uqa ihanec dana agena maha qee faji ol. Fero uqa meen qaig agenu ihoc bilecnu aden. Eunu ihanec dana age agena maha idadecnu qee suldoloin.

Jenesis 47:22 ပူးပေါင်းရင်းမြစ်များ

Jenesis 14:18

Ono Melkisedek Salemdec king uqaha Ebram gulucdon. Melkisedek uqa Anut Ohis Bahic uqana gemo tawec ihanec dana Ebram eeldoc je madugiannu bret wainca hewimei li gulucdon.

Jenesis 41:45

Odocob Fero uqa Josef Isipdec ijan oso qon. Uqa Safenat-panea don. Odimei uqa caja oso uton. Ijan eu Asenat. Uqa Potifera ateg. Potifera uqa ihanec dana oso Heliopolis bilen. Odocob Josef uqa Isip maha cunugna coboloi.

Jenesis 41:50

Odocob cahel saen qee hoc ninijen Josef uqa aideg, Asenat, uqa mel lecis basaliton.

Jenesis 47:21

Odocob Josef uqa dana cajaca Isip maha gadac osonadec nueceb osona gadac eu age cunug fajadi on.

Jenesis 47:23

Odocob Josef uqa dana cajaca maaden, “Aria feiga, qila ija ageca agena mahaca Ferona fajaditom. Eunu agena sab aig i hen. Cedimeig mahana ceheiga.

Jenesis 47:26

Eunu Josef uqa je sab cedimeig am ebum osahicna ila mimeig age am eundec oso age Fero utuqagannu maaden eu gagadic mudeceb loo oso Isipna calen. Loo eu qilaha gaid nijia. Euqa odi sab am eundec oso Fero uteginanu. Ihanec dana agena maha himec eu Ferona qee nijel.

Matju 10:10

Dana cabi ona eu uqana cabinu sab jec wadac gulucdocnu ihoc bilina. Eunu jic cobocnu ceteh oso cain hewowain. Age badom cain hewi cobowain. Lotoc lecisca cain hewi belowain, osol himec taceiga. Jaimaga tacec eu cain tacowain. Jic coboc kom ha cain hewi cobowain,” aden.

1 Korin 9:13

Nawel tawec ihanec dana age tempelna cabi ogina eu agena sab tempelnadec ogina, odocob dana age dool ihanecnu cabalna cabi ogina eu agena dool ihanecnu cabalnadec naha ogina ec qee doginafo?

Galesia 6:6

Dana Anutna me jena iwaldoc ona eu uqana ceteh meme cunug naha uqana iwaldoc utigian.

2 Tesalonika 3:10

Ege ageca bibili je gatiti odi maadolob, “Oso cabi oc culina eu uqaha sab qee jeiaun,” adolob.

1 Timoti 5:17

Anutna jaqec je oso edi madena: “Age bulmakau uqa wit ceteteh lahacdocnu cabi ona eu uqa biah cain cufa qowain,” ena. (Loo 25.4) Odocob Anutna jaqec je osoha madena: “Cabi dana oso uqana cabi ameg ocnu ihoc ugian,” ena. (Luk 10.7) Eunu tamanec cofadec matu age cabinu megameg mi cuhadogina eundec age lalan mamadi cabi ameg me adeigale. Me je madi fec, iwaladi fec eundec bahic ijanaga ohis madeigale.