Jenesis 45:14 - Bal cehec je haun

¹⁴ Odocob uqa eben qelalimei waliag Benjamin colowandumei qajen. Odocob Benjamin uqaha Josef cogadudu bili qajen.

Jenesis 45:14 ပူးပေါင်းရင်းမြစ်များ

Jenesis 29:11

Odocob Jekob uqa Resel cotadudu bilei qaqaji waug ceelen.

Jenesis 33:4

Oodon Iso uqa guguli humei Jekob gulucdon. Gulucdumei uqa cogadudu bili cotadon. Odocob ale qajesin.

Jenesis 42:24

Odocob uqa culadi limei qajen. Qa uqa haun maadecnu gagadic mimei ceseli humei Simion ihohdumei uqana han dana maadeceb age Simion umeig age amagana eben libein.

Jenesis 43:30

Odocob Josef uqa waliagnu waug qocob qajigiannu odon. Eunu uqa mahuc bahic cali len. Odimei uqa qajigiannu cudun walen. Odimei uqa uqana cuamu dunuh euna limei ono qajen.

Jenesis 45:15

Odocob uqa waliagul cunug cotaadimei agenu qajen. Eu cunug hedocob uqa waliagul age uqaca je madein.

Jenesis 45:2

Odocob Josef uqa co suli umei geh bahic qaqajen Isip dana onodec calein eu age dah mudein. Odocob Fero uqaca uqana talca ageha Josef qajeianu je eu doin.

Jenesis 46:29

Odocob age Gosen cacalegin Josef uqa uqana karis saciadumei memeg Jekob gulucdugiannu nuen. Saen Josef uqa memeg gulucdumei uqa eben limei memeg colowandudu saen cecelacca uqanu qajen.

Me Je i Luk Jaqen 15:20

Eunu uqa cajimei memegca ceseli nuen,” aden. “Odocob uqa onoca hohon memeg fen. Fimei uqa waug qocob ceelen. Odimei uqa gudugudui nui melah colowandumei cotdon.

Pol Uqa Jaqec Je Oso Rom Tamanec Jaqiaden 1:31

Age cisdocca qee. Age madegina qa agedodoc agena je qee toodogina. Agena sihul eundecnu wawaga lal qocca qee. Age dana osonu qee waloc adena.