Jenesis 35:3 - Bal cehec je haun

³ Odocob hoiga. Ege Betel ono tecnu. Ono ija Anut ihanec cabal oso gualimig ihandugen. Ija anaana cocobilig saen ija culumenca bibilig Anut je madocomin uqa dah mitoloi,” aden.

Jenesis 35:3 ပူးပေါင်းရင်းမြစ်များ

Jenesis 28:15

Aria faga. Ana nuegan eu ija hinaca belewan. Bebeleu ija cofhigen. Euha ija maha ina ceseli ahu mihigen. Ija hina qee culihigaun. Ija hinaca bibilig li je cunug mahiga eu odigen,” don.

Jenesis 31:3

Odocob Tibud uqa Jekob madon, “Ceseli maha hina memen bilinana nuuga. Hinana sihulca nueiga. Euqa ija hinaca bilewan,” don.

Jenesis 31:42

Ija asi Ebrahamca Aisak meica alena Anut ijaca qee biloubmi hina ija ebeni tanac gauc sultecem nuoum. Qa Anut uqa ijana culumenca ija cabi gagadic omca eu fen. Eunu uqa qila witic hina je gagadic maheia,” don.

Jenesis 32:24

Odimei Jekob uqa cuhanuc ono bilen. Odocob dana oso hocob uqaca hewecebheweceb imesi hahagalesin li cojagen.

Jenesis 32:7

Odocob Jekob geh bahic cucuii jaen qon. Eunu Jekob uqa uqana dana cajaca dool amca eu qatanadimei am lecisna maden.

Jenesis 35:4

Eunu age cele agena tibud agena bilein eu cunug Jekob utein. Odocob dahof age dahinigana tacein euha utein. Odocob Jekob uqa ceteteh eu cedimei Sekem cemenug na ben gugna hel cisaden.

Jenesis 35:7

Odocob uqa cudun euna ihanec cabal oso gualen. Saen uqa waliag Iso cemenugnadec bubusalen Anut uqa ono uqaca camasac men. Eunu cudun eu ijan Betel qon.

Jenesis 48:15

Odocob uqa Josef eeldudu je edi maden, “Anut ija memiel Ebraham Aisakca ale uqa amegna cobosin uqa mel i ale eelaleiale. Anut ija cofteten cocobi hu qila saen ina gadac uqa eelaleiale.