Jenesis 28:14 - Bal cehec je haun

¹⁴ Hinana sihul euha age mati bahic caloqagan. Age maha bobos cinigwe caloqagan. Odimeig maha hagen cunug ihoc loqagan. Hinaca hinana sihulca agenu dana sihul cunug mahana biluqagan eu eeladec oqagan.

Jenesis 28:14 ပူးပေါင်းရင်းမြစ်များ

Jenesis 12:3

Dana hina eelhigian eu ija eeldugen. Qa in oso hina gelihigian eu ija geldugen. Hinanu himec mahamaha sihul cunug age eeldoc oqagan,” don.

Jenesis 13:14

Saen Lot Ebram culdi nueceb Tibud uqa Ebram madon, “Amen suli umeg cudun hina tawaganadec hagen cunugna isec meciecem nuia.

Jenesis 13:15

Ija hinaca hinana sihulca maha cunug fagana eu adigen. Agena gaid biligiannu adigen.

Jenesis 13:16

Odocob ija odocomin hinana sihul eu bobos cinigwe fulusdugian. Eunu in oso bobos saniecnu ihocfi hinana sihulha saniecnu ihoc.

Jenesis 18:18

Mele bahic Ebraham uqa uqana sihul hatu oso binanca caligian euha gagadic odocca. Odocob Ebraham sihul hatu cunug age eeldoc oqagan.

Jenesis 22:17

Odimig ija odocomin hinana sihul mati bahic fulusdoqagan. Euqa malaqa saona nijiaca lanna cesic nijiaca eu odiwe caloqagan. Odocobil hinana sihul agena cad aqadoqagan.

Jenesis 22:18

Hina ijana je toodu odoga. Eunu mahamaha hatu cunug eeladigen eu odiwe hinana sihul eeldugen,’ ena,” don.

Jenesis 26:4

Odimig ija hinana sihul eu odocomin age malaqa saona nijia eu odiwe caloqagan. Odimig hinana sihul eu maha i cunug adigen. Odocomin hatuhatu cunug hinana sihul jabajabna age ha eeldoc oqagan.

Jenesis 32:12

Qa hina matem, ‘Ija mele bahic odihecemin hina cehewainca megan. Odocob hinana sihul eu lannadec cesic cinigwe caloqagan. Euqa sicanecwe qee eu odi caloqagan,’ tem,” uqa eu odi inondon.

Jenesis 48:16

Ensel ija aisais me qeenadec besiti oiten eu uqa mel i ale eelaleiale. Odocob ija ijanica ija memiel ijanagaca eu aleca bileiale. Odocob alena sihul mati bahic fulusdosiale,” en.

Jenesis 48:19

Qa uqa memeg cuculi bili madon, “O melami, ija dugina, ija dugina. Uqaha uqana sihul hibna sihul ben oso caloqagan. Qa uqa waliag milum eu uqana sihul age benben caloqagan. Euqa uqa matuna sihul wooldoc caloqagan,” don.

Matju 8:11

“Ija age maadigina, cam tobi becnadecca cam toni nocnadec ha mati hoqagan. Age Ebrahamca, Aisakca, Jekobca gami sao cul jobon ono sab jecnu biluqagan.

Aposel 3:25

Age je hahun madec dana talaculunugail. Agenu je hahun eu madein. Anut uqa bal cehec je age jajanagail weledec maaden eu age mugumuga nijia. Uqa Ebraham madon: ‘Hibna hinana sihulna dana cajaca cunug maha ina biluqagan age eeladec oqagan,’ don. (Jenesis 22.18; 26.4)

Galesia 3:16

Aria, Anut uqa uqana muguh mecnu je hahun Ebraham uqana sihul hibna caligianca maaden. Anutna jaqec je eu “Sihunugail,” ec qee madel, uqana gug eu dana cajaca mati bahic. Euqa Anutna jaqec je eu “Sihul,” ec maden, (Jenesis 12.7; 13.15; 24.7) uqana gug eu dana osol, eu Krais.

Galesia 3:8

Odocob Anutna jaqec je eu Anut uqa Juda dana qee eundec agena wawaga meleecnu age dana cajaca ititom ec madigian eunu wele fen. Eunu Anutna jaqec je eu wele me je Ebraham madon. Anut uqa odi madon: “Hinanu dana cajaca age mahamaha cunugna bilegina eu eeladigian,” don. (Jenesis 12.3; 18.18; 22.18)

Efesas 1:3

Anut ege Kraisca gabangi biluquna eunu eelgen, uqa eeldoc cunug eu saona gunnadec ege dolonige cesuldocnu igen. Eunu ege egena Tibud Jisas Krais uqa Memeg Anut binan suluqale!

Jahunec Je Camasac Muden 7:4

Odocob ija dana cajaca sisi madec oin eu sanijec 144,000 ec dom, eu dana cajaca 144,000 age Isrel agena sihul cunugnadec.

Jahunec Je Camasac Muden 7:9

Ceteh eu hedocob ija feciimig dana cajaca cegulec am ben bahic fem, oso sanijadecnu ihoc qee bilel. Dana cajaca i age dewenega filfilnadecca, sihul filfilnadecca, hatu filfilnadecca, je madec filfilnadecca age king bilec cabalca Sipsip Nagca amalana tawein. Age lotoc cecelac senenec tacecca hinahin ebenegana hewecca tawein.