Jenesis 25:23 - Bal cehec je haun

²³ Odocob Tibud uqa madon, “Mel lecis hina wawinna bilesia. Hina basalecem ale fulusdumesi sihul lecisna qatani filigandowasan. Oso uqa gagadicca eu oso wooldugian. Odocob matu eu milumna cabi dana biligian,” don.

Jenesis 25:23 ပူးပေါင်းရင်းမြစ်များ

Jenesis 17:16

Odocob ija uqa eeldocomin uqa mel oso basihigian. Odocob Sera uqa hatuhatu age asaga caligian. Dana eu age leih king caloqagan,” don.

Jenesis 17:4

“Bal cehec je eu i edi mudigina. Hina hatu mati bahic age asaga calegan.

Jenesis 24:60

Bebelegin age Rebeka eeldoc je madudu madein, “Ege cebinamige, hina mati bahic fulusdogale. Hinana sihul agena cad aqimei lahaadi ititacadeiale,” doin.

Jenesis 25:24

Odocob uqana basec saen hocob uqa mel gahca basalen.

Jenesis 25:27

Aria mel lecis ale ben mimesi Iso uqa dool qoc gesis dana calen. Uqa bahu dana, uqa bahu nijoloi. Jekobqa uqa malol dana, uqa jeca qee. Odocob uqa lotoc talahna himec biloloi.

Jenesis 27:29

Hatuhatu hina ewel uheheig hinanu jogoeigale. Hina cotinel agena ilo biligale. Hina aninna sihul age hinanu jogoeigale. Oso hina gelihecebfi Anut geludigian. Oso hina eelhecebfi Anut eeldugian,” en.

Jenesis 27:33

Odocob Aisak uqa gagadic bahic qeleli maden, “Indec uqa dool qumei ija ahuteceb jiga? Ija jimig uqa eeldocomin qila bahic nunuen hina hoga. Euqa uqa eeldoc ugian ijom,” don.

Jenesis 27:37

Qa Aisak uqa Iso jejeg hewi madon, “Faga. Ija uqa hinana ilo mudiga. Euha uqana cotugul eu uqana cabi dana madiga. Uqanu sabnuca wainnuca ija odi eeldoc je utiga. Uqana sabca wainca geh bahic calimei saen cecelac nijigian. Aria melami hinanu ija cel je oso madigen?” don.

Jenesis 27:40

Hinana bilec eu hina han seibulna cacadi bilegan. Hinaqa walinna cabi dana bilegan. Odeganqa hina fee dadaneesi hina uqa ilo bilecnu qajudogan,” don.

Jenesis 32:6

Odocob Jekob uqana sos ceseli hu madoin, “Ege hina walin Isoca loqa. Odeiaqa uqa hona. Dana 400 eu odi uqaca hogina,” doin.

Jenesis 33:3

Odocob uqa uqadodoc wooladimei uqa aquni nuen. Odimei uqa waliag dodoldodoi jogoi eben naha gic lecisca don.

Jenesis 36:31

Aria Isrel agena ilo dana qee bilec saenna Idom hatu euna ilo dana age hatu eunu ilo bilein. Age toodocobtoodocob bibilegin nuon.

Jenesis 48:19

Qa uqa memeg cuculi bili madon, “O melami, ija dugina, ija dugina. Uqaha uqana sihul hibna sihul ben oso caloqagan. Qa uqa waliag milum eu uqana sihul age benben caloqagan. Euqa uqa matuna sihul wooldoc caloqagan,” don.