Jenesis 1:28 - Bal cehec je haun

²⁸ Odimei Anut eelali maalen, “Mel basimesi fulusdosiale. Odimesi maha cunug ihoc limesi ilo bilesiale. Macasnadec doolca saonadec man fululecca ceteteh cunug mahana cebac cobogina eu cunugnu ale ilo bilesiale,” alen.

Jenesis 1:28 ပူးပေါင်းရင်းမြစ်များ

Jenesis 1:22

Odimei Anut eeladi maaden, “Fulusdumeig mati bahic caleigale. Macas cunug ihoc leigale. Mahana man fululec fulusdumeig mati bahic calimeig maha cunug ihoc leigale,” aden.

Jenesis 17:16

Odocob ija uqa eeldocomin uqa mel oso basihigian. Odocob Sera uqa hatuhatu age asaga caligian. Dana eu age leih king caloqagan,” don.

Jenesis 17:20

Aria Ismalnu je madaga eu ija dah mihiga. Faga! Ija uqa eeldocomin uqana sihul mati bahic fulusdoqagan. Uqana sihul eunadec hatu ilo 12 caloqagan. Uqana sihul hatu ben oso caligian.

Jenesis 24:60

Bebelegin age Rebeka eeldoc je madudu madein, “Ege cebinamige, hina mati bahic fulusdogale. Hinana sihul agena cad aqimei lahaadi ititacadeiale,” doin.

Jenesis 26:24

Odocob witic euna Tibud uqaca camasac men. Odimei uqa madon, “Ija hina memen Ebraham uqana Anut. Cain cucuiagaun. Ija hinaca biligina. Ija eelhimig odocomin hinana sihul fulusdugian. Euqa ijana cabi dana Ebrahamnu cisdumig odigen,” don.

Jenesis 33:5

Odocob Iso uqa ameg suli umei cajaca mel simca meciaden. Odimei sisildon, “I indec ni hinaca hogina?” don. Jekob uqa jejeg hewi madon, “O ijana ben, Anut me bahic eeltiti mel sim i age iten,” don.

Jenesis 49:25

Hina memen uqana Anut eu cesulhena. Anut Gagadic Odocca uqa eelhena. Uqa edi eelhena. Wa ohisdec ihena. Wa tut maha dunuhdec ihena. Mel sim mati bahic ihena.

Jenesis 5:2

Uqa manahalca aidca ifanalen. Ifanaalen uqa eelalimei ijanala “Dana Cajaca” aqalen.

Jenesis 6:1

Aria saen euna dana sihul mahana geh bahic fulusdumeig mel aid basadein.

Jenesis 8:17

Ceteteh cunug mahana cebac coboginaca man fululecca doolca mamanig cunug mahana coboginaca age agena sihul eu mahana geh bahic fulusdoqagannu cedadecem hina gami maha gumu caleiga. Odimeig maha cunug ihoc loqagan,” don.

Jenesis 9:1

Odocob Anut uqa Noaca uqa melahulca eelaadi bili maaden, “Age aig qumeig fulusdoigale. Odimeig maha cunug ihoc leigale.

Jenesis 9:7

Qa agenu eu odi age aig qumeig mati bahic caleigale. Age fulusdu mati bahic calimeig maha cunug ihoc leigale,” aden.

1 Timoti 4:3

Dana i edec age dana cajaca cain ocobocobowain ec iwaladegina, odocob age sab leih cain jowain echa iwaladegina. Euqa Anut uqa sab i jecnu ifanen, age wawaga meleeceb mele je doin eu age Anut sab eu cunug jeqannu hegaga ec inondu hedumeig jegina.