Hibru 9:24 - Bal cehec je haun

²⁴ Ge, ege doqona, Krais uqa jo gun dana ebenegana mudein euna oso qee lel, eu jo gun sao jobon bilia eu ihicon qoc himec. Uqa tutuc sao jobon len. Odocob qila uqa Anut amegna camasac men, uqa ege cesulgec cabi ona.

Hibru 9:24 ပူးပေါင်းရင်းမြစ်များ

Matju 18:10

“Ija maadigina, sim agena ensel age gaid Mei sao jobon bilia uqa ola mecidogina. Eunu batut feigale, age mel sim i age oso cain cewudowain,” aden.

Me Je i Mak Jaqen 14:58

“Ege uqa, ‘Ija tempel i dana ebenegana cehein eu wagalimig deel cijedna tempel oso ebenegana qee cehec eu cehigen,’ eceb dom,” ein.

Me Je i Mak Jaqen 16:19

Odocob Jisas Tibud uqana malogom gami je madi hedocobil Anut uqa Jisas ehudeceb sao ohis timei uqa Anut eben meulana isec bilen.

Me Je i Luk Jaqen 24:51

Uqa ono eelaaden [Anut ehudeceb cuculadi sao jobon ten.]

Me Je i Jon Jaqen 16:28

Ija Memige Anutnadec humig mahana nem. Qila ija maha qisacdumig Memige Anutca ceseli tigina,” aden.

Me Je i Jon Jaqen 6:62

Age Dana Melah wele biloloi euna haun ceseli teteb fifeig age adi cisdoqagan?

Pol Uqa Jaqec Je Oso Rom Tamanec Jaqiaden 8:33

Dana cajaca Anut uqa uqana nesili cedaden eu age in oso uqa deweneganu balijigian? Anut uqadodoc ege dana cajaca ititom ec madena.

2 Korin 5:1

Ege doqona, ege dewenige eu talah jowe mahana biluquna, eu bataweceb ege jo oso saona nijia euna bileqan. Anut uqa jo eu cehen, eu dana ebenegana qee cehelein, eu bileceb catanigian.

Kolosi 3:2

Mele, ceteh mahana nijia eu ocnu cain cisdowain. Ceteh sao ohisna nijia eu ocnu cisdoigale.

Hibru 1:3

Melah uqa Anut meca bahic ihacgena. Uqa Anutca ale caca, uqa Anut cinigwe. Odimei uqa je gagadic odocca madeceb ceteteh cunug gaid gagadic tawena. Odimei uqa dana cajaca cunug agena silail cacuadi hedumei uqa sao jobon ono King Meca Bahic uqa eben meulana isec bilen.

Hibru 12:2

Ege amige eu meciocomun Jisasca nuigian. Uqa egena wawige meleec gug odocob hibna uqa egena wawige meleec odocob ihoc ligian. Wele Jisas uqa ceelec hibna ugiannu waug ninijen gagadic bilen. Odimei culumen gahidumei na babalecna cal men. Uqa na babalecna ono majag hewudein eu ceteh gauc bahic ec cisdon. Qila uqa Anutna bilec cabal meulana isec bilina.

Hibru 4:14

Jisas Anut Melah, uqa egena nawel tawec ihanec dana ilo, uqa sao jobon dunuh bahic len. Eunu ege wawige meleec qasali madoqona eu hewi daugdoqale.

Hibru 6:20

Ege ijanigenu Jisas uqa aqunigec wele hamol eu dunuh len. Odimei nawel tawec ihanec dana ilo gaid bileceb catanigiannu calen, uqa nawel tawec ihanec dana Melkisedekwe odi bilina.

Hibru 8:2

Uqa nawel tawec ihanec dana ilona cabi tempelna hamol gun bahicna ono cabi eu ona. Talah jo eu sao jobon bilia, eu mele bahic. Dana oso uqa talah jo eu qee cehel. Eu Tibud uqadodoc cehen.

Hibru 8:5

Age cuha jo gun euna nawel tawec ihanec cabi ogina eu sao jobon uqana cuha jo gun bahic eu uqana ihicon qoc. Ge, saen Moses uqa cuha talah jo cehigia oodon Anut uqa Moses odi madon: “Hina cofdu cuhadoga. Hina ceteteh cunug gaga aluhna ihachem eu odi bahic mudegan,” don. (Kisim Bek 25.40)

Hibru 9:1

Bal cehec je hahawan calen eu cuha fecnu dana cajaca age loo gadac toodoloig. Odocob cuha fecnu ha jo gun oso dana age cehein maha ina tawoloi.

Hibru 9:23

Age ceteteh mahana nijina eu odi soidocnu odi ihanegina eu ceteteh sao jobon nijina eu ihicon qoc bilia. Euqa ceteteh sao jobon nijina eu soidocnu ceteteh wooldoc ihoc nijia.

Hibru 9:9

Talah cuha jo eu saen qila inu ihicon qoc. Talah cuha jo euna age loo gug filfil Anut utoloig. Odocob eu age euna Anutnu ihanec gug filfil madoloig. Euqa ceteteh cunug odoloig eu dana cuha foloig eundec agena cisdoc silec tutuc mudecwe qee, odimei age ija silail dana qee ec cisdocnu ihoc qee.

1 Pita 3:22

Jisas Krais uqa sao jobon ten, Anut eben meulana isec bilina. Odocob ensel cunugca, kis gagadic odoc cunugca, ceteh cunug gagadic odocca eu age Jisas Krais bisalu bilegina.

Jahunec Je Camasac Muden 8:3

Odocob ensel oso uqa humei ihanec cabal cemenug tawen. Uqa boh goldna mudec ja casuc dedeman me bahic wawasen hewen. Age uqa ja casuc dedeman geh bahicca, Anutna qagu coboc dana cajaca cunug agena inondocca ihanec cabal goldna mudec tatacan eu king bilec cabal amegna tawen euna gabanalecnu utein.