Hibru 7:22 - Bal cehec je haun

²² Anut uqa Jisasnu cagoc je madeceb Jisas cebac bileceb catanena. Eunu ege doqona, bal cehec je me bahic caligian, eu Anutna bal cehec je hilah wooldugian.

Hibru 7:22 ပူးပေါင်းရင်းမြစ်များ

Jenesis 43:9

Ija je cagu madigina. Ija uqa ene hina amenna qee ehudi ahufig ija ja eu gahidudu li cal migen.

Jenesis 44:32

Odenqa ija je wele cagu ijana mei madom. Ija odi madom, ‘Melem subig eu qee ceseli ehudi ahocominfi ja eu ija dewenina bibileb li cal mec gadacna caligen,’ dom.

Me Je i Mak Jaqen 14:24

Odocobil Jisas maaden, “Wain gabin i ija golani eu Anutna bal cehec je haun. Ija dana cajaca mati cesuladigennu golani basecdugina.

1 Korin 11:25

Uqaha Pasowa Sab Jec Ben hedocob wain gabin oso umei Anut hetaga dumei eu aadi maaden, “Wain gabin i bal cehec je haun. Eu ija golani uqana gaga nijia. U jeiga. Age odi jejeig ijanu dahiniga cisdudu odi odoigale,” aden.

Hibru 12:24

Odocob Jisas uqa bal cehec je haunna nawel tawec dana uqaca calein. Uqa golac wele age bilisadu joaden, bal cehec je haun eu gagadic mudecnu. Odocob golac eu je oso maden eu wele Ebel golac odon eu caca qee. Uqa Ebel golac wooldumei je me bahic eu geh bahic maden.

Hibru 13:20

Anut uqa egena Tibud Jisas tulidocob cal mecnadec ceseli cajen. Jisas uqa sipsip cofadec dana me bahic. Uqa ihanec cabi gug eu golacna bal cehec je bilec catanec eu hedon. Odocob Anut malol bilec gug uqa uqana gale doc toodoqagannu ceteteh meme ihocna himec age adeiale. Odocob ege cunug gemona kobol me uqadodoc gale dona, odi camasac mudecnu ihoc Jisas Krais umna. Saen cunugna Krais uqa ijan benca bileceb cataneiale. Mele.

Hibru 7:23

Ceteh fil osoha nijia. Nawel tawec ihanec dana wele bilein eu age cal mimeig cabi eu culein. Eunu age geh bahic.

Hibru 8:13

Anut uqa bal cehec je haunnu madeceb uqa bal cehec je weledec eu hilah ibuldon. Ceteh hilah ibuldona eu uqa cabi ocnu qee mena, saen nag odi himec gieceb qee migian.