Hibru 6:18 - Bal cehec je haun

¹⁸ Eunu ceteh lecis nijesia. Oso eu Anut uqa Ebraham mele je madon, oso eu Anut uqa uqadodoc ijanna cagoc je maden. Eu ceteh lecis euna uqana cisdoc haun falicdocwe qee, odocob uqa uhulec je madecweha qee. Eunu ege leih busali limeb uqaca bilec me om eu ceteh ege sumudi biluquna Anut uqa olanigena men taweia eu gagadic hewecnu dahinige hewena.

Hibru 6:18 ပူးပေါင်းရင်းမြစ်များ

Jenesis 19:22

Aria mahuc ono busali beleiga. Age ono calecebil himec ele ceteh oso odocnu ihoc,” dosin. Lot taun eu nag ec maden eunu taun eu ijan Soa dogina.

Matju 24:35

Saoca mahaca qee migian euqa ijana je qee qee meiaun,” aden.

Matju 3:7

Odocob Jon uqa Farisi Sadjusica mati age uqa wa joadigiannu uqaca hohogin feciadimei maaden, “Age man sononec nag me qee! In madeianu age Anutna gemag bec jawe hugia odona euna busalecnu age ihoc, egina?

Me Je i Luk Jaqen 2:25

Aria, dana oso Jerusalem ono biloloi. Uqa ijan Simion. Uqa dana ititom. Uqa Anut binan sulec dana. Uqa Anut uqa Isrel hulunuga cehigian saen susumudi bilei bilen. Odocob Kis Gun uqaca bilen.

Pol Uqa Jaqec Je Oso Rom Tamanec Jaqiaden 15:5

Odocob Anut uqa wawige meleec gagadic tawecca wawige meleec gaid bilecca uqa cesuladeceb age Krais Jisasca gabandoc Kraisna cisdoc toodudu wawaga osol bileigale.

Pol Uqa Jaqec Je Oso Rom Tamanec Jaqiaden 3:25

Anut uqa gemag bec gondocnu Jisas Krais ihandon. Eunu uqa cal meceb uqa golacna dana uqanu wawaga meleena eundec agena silail cagasiadigiannu nesili ehuden. Anut uqa dana weledec camuhulaadei agena silailnu mahuc ameg wadacadecnu qee cisdoloi. Eunu Anut uqa odonna uqana kobol ititom eu camasac ihacgen.

Pol Uqa Jaqec Je Oso Rom Tamanec Jaqiaden 3:4

Qee bahic! Anutna jaqec je odi madena: “O Anut, hinana je cunug eu mele bahic dana cunug eu fegina. Odocob hinana je eu gesilifeig hinana je eu tutuc himec foqagan,” ena. (Buk Song 51.4) Eunu dana cunug age uhulegina qa Anut uqa himec saen gaid je mele madena.

Filipai 2:1

Age Kraisca gabanadec bilegina eu odadeceb gagadic megina, odocob uqana nalunuga mec eu wahohogadena. Age Kisca wawaga osol bilegina, odocob age wawaga meleec cotogailnu wawaga qocob cesuladegina.

Kolosi 1:23

Euqa age wawaga meleec gagadic hewimeig duuec taweiga. Odocob ceteh oso age diadeiaunnu age ceteh me ocnu sumudi bilegina eunu me je wele doin eu dahiniga cain celeiaun. Ija Pol, ija me je uqana cabi dana calem. Odocob me je eu, age dana cajaca cunug mahamaha bilegina eu qasali maadein.

Kolosi 1:27

Anutna cisdoc eu odi, uqa uqana je jahunec eu odocob uqana dana cajaca doqagan. Je jahunec eu cehewanca, eu gagadic odoc fulacdocca eu dana cajaca mahamaha cunug bilegina agenu bilia. O Kolosi, je jahunec uqana gug eu odi, Krais uqa age wawagana bilina. Odocob age uqana gagadic odoc fulacdocca adigiannu sumudi bilegina.

Kolosi 1:5

Mele je eu me je ageca hahawan hocob age Krais Jisasnu wawaga meleeceb age ceteh me Anut uqa agenu saona gun hewi cofdona eunu dah mein. Ceteh me eu age ocnu sumudi bilegina. Eunu agena wawaga meleecca agena nalunuga mecca alena gug eu ceteh me age ocnu sumudi bilegina.

1 Tesalonika 1:10

Odocob ageha Anut Melah uqa wele cal men eu Anut tulidocob ceseli cajen eu sao jobonnadec haun ceseli camas migiannu sumudi bilegina gegina. Eu Jisas uqa Anut ege dana cajacanu gemag jawe beiaunnu cahahagigian.

1 Timoti 1:1

Ija Pol, ija Krais Jisasna aposel. Anut uqa egena Cahahagec. Ege Krais Jisas cahahagecnu sumuduquna. Ale madecebil ija aposel calem.

1 Timoti 6:12

Dana Kraisnu waug meleena eu uqa gugulecna resis mecwe mimei uqadodoc cebac bilec catanec wooladi ona. Wele hina wawin meleec eu dana mati amagana qasalem saen euna Anut hina cebac bilec catanec ocnu utahen. Cebac bilec catanec eu hewagale.

Taitas 1:2

Mele je uqana gug eu ege cebac bilec catanec oqannu susumudi biluquna. Eu Anut, uqa qee uhulina, uqa wele bahic sao mahaca qee ifanec saenna ege cebac bilec catanec i igigian ec maden.

Hibru 11:7

Noa uqa Anutnu waug meleen. Odocob Anut uqa dahig hewec je madon ceteh hibna caligian eunu Noa uqa ceteh qee fel qa Anutna jenu waug meleeceb wag ben jelen. Eunu Noa aideg melahulca melahul aidagailca age odi wag ben eu dunuh limeig me himec bilein. Waug meleec euna Noa uqa dana cajaca mahanadec cunug gesiladecwe men. Odocob Noana waug meleec eunu Anut uqa Noanu dana ititom ec maden, eu Anut uqa dana cajaca cunug uqanu wawaga meleena eundecnu odi odona. Eunu uqa Anutna dana ititom huqanehul oso calen.

Hibru 3:11

Odocob ija gemani beceb cagoc je madem, ‘Eu age ijana jaen mudec cudun dunuh qee bahic qee lowain!’ em,” Kis Gun odi madena. (Buk Song 95.7-11)

Hibru 3:6

Euqa Krais uqa Anut Melah eunu uqa Anutna jo cofdoc cabi uqa melahnu Anut co toodu cuhadon. Ege ceteh wawige meleec susumudi gagadic hehewi culaug oqonafi egeha Anutna jo biluquna.

Hibru 6:17

Dana cajaca age mele je Anut uqa wele maden eu age hibna mugumuga oqagan, Anut uqa uqana je haun falicdocwe qeenu age camasac bahic ihacadigia bili eunu uqa je cagoc oso uqana mele jeca gabandon.

Hibru 7:19

Eu eetanu? Mosesna loo je eu ceteh tutuc bahic mudecnu ihoc qee. Odocob qila ceteh me bahic ege tutuc mudecnu ihoc eu Anut igen eu bilina. Odocob ceteh me bahic eu ceteh hilah wooldona euna ege Anut cemenug loqona.

Hibru 7:21

Euqa Jisas uqa Anutna je cagocna nawel tawec ihanec dana cacalen Anut odi madon: “Tibud uqa cagoc je maden eu cisdoc qee falicdoiaun. Hina nawel tawec ihanec dana gaid bilecem catanigian!” don. (Buk Song 110.4)

1 Jon 5:10

Dana oso uqa Anut Melahnu waug meleena eu uqa je eu Anut qasali maden eu wele on, odocob je eu uqa waugna nijia. Dana oso uqa Anutnu waug qee meleena eu uqa Anut uqa Melahnu je qasali maden ec qee waug meleel. Eunu dana eu uqa Anut eu uhulec dana ec maden.