Hibru 2:14 - Bal cehec je haun

¹⁴ Mel sim eu age dana dewenega golanagaca coboginawe Jisas uqaha dana deweg golacca odi bahic umei coboloi. Uqa cal migiannu eu odi odon. Odocob uqa cal mec euna uqa dana cal mecnu gagadic odoc ebenna hewena eu fadaldocnu odi odon. Dana eu uqa Seten.

Hibru 2:14 ပူးပေါင်းရင်းမြစ်များ

Jenesis 3:15

Ija odocomin hina cajaca qocobqocob owasan. Uqana sihulca hinana sihulca gaid cad biluwasan. Hibna caja uqana mel oso uqa ilom tulohdocob hina uqa jaih bisoc qu jegan,” don.

Matju 16:17

Odi madocob Jisas madon, “O Saimon, Jon melah, hina eelhec biliga. Mahanadec dana oso je eu qee camas mihel. Eu Mei sao jobon bilia eu uqa je i camas mihia.

Matju 25:41

“Odi maadimei dana cajaca age eben ansena isec tawegina eundec odi maadigian, ‘Age ija wen teten bibiligin sab qee itelein. Ija wa gab teten bibiligin wa qee itelein. Ija jag bibiligin qee ehitelein. Ija bical bibiligin lotoc qee taqitelein. Ija hagca bibiliginca gihacdoc jona bibiliginca qee hu mecitelein. Eunu Anut geladen age cuculti ja cijeceb catanena euna nui bileiga. Eu Setennuca uqana enselnuca saciadon nijia,’ adigian,” aden.

Me Je i Jon Jaqen 1:14

Je eu dana deweg ibuldumei ege gemona jo cehi bilen. Uqa Anut amegna me bilecca mele bilecca am bec. Ege uqana kobolkobol fom. Kobolkobol eu Memige Anut Melah osol uqana, Memige Anut uqa suldocob nen.

Me Je i Jon Jaqen 12:24

Ija je mele maadigina, wit aig mahana qee tonifei eu gauc bilina qa wit aig mahana tonimei cal mifei eu wasimei aig mati hanona.

Pol Uqa Jaqec Je Oso Rom Tamanec Jaqiaden 14:9

Eu gug inu himec Krais cal mimei haun ceseli cajen. Eunu uqa dana age cal meinca dana age cebac bileginaca eu cunug agena Tibud biligiannu.

1 Korin 1:28

Anut uqa dana maha ina ijanagaca qee nesili cedaden. Dana mahanadec age dana eundec eu dana gauc ec cisdogina. Dana mahanadec age dana eundec cewadegina. Anut uqa dana ijanagaca gagadic odocca eu qee moqagannu odi odon.

1 Korin 15:50

O cotiel, ija age mele maadigina, dana maha inadec uqa Anutna cul eu muguh ocwe qee. Odocob ceteh qee mena eu ceteh qee qee meiaun eu muguh ocwe qee.

Galesia 4:4

Euqa Anut uqa, saen euna odigen en, saen eu hedocob uqa Melah suldocob nen. Eu caja uqa basen, odocob uqa loo je toodu odigiannu mudeceb bilen.

Kolosi 2:15

Odocob Krais uqa na babalecna tibud me qee agena iloiloca tibud me qee gagadic odocca agena gagadic odoc cagasi qee muden. Odimei uqa age wooladimei iwalaadi ehadeceb age dana cunug amagana ceteh gauc cinigwe toodu coboin.

1 Timoti 3:16

Ege mele doqona, Anutna kobolnu je gug eu me bahic me, oso eunu qee sasac qocwe qee. Je gug eu ege odi qasali madoqona: “Uqa dana deweg ocna camas men. Kis Gun uqana gug eu tutuc bahic ege ihacgen. Ensel age fecidoin. Agena malogom age uqana je dana hatuhatu bilegina age gemo maadecebil dah mein. Mahanadec age uqanu wawaga meleena. Anut uqa ehudi sao jobon teceb uqa binan ben on,” oqona.

2 Timoti 1:10

Odocob qila uum ilec eu egena Cahahagec Krais Jisas cali hon euna camasac men. Ge, Jisas uqa cal mec uqana uen tolon, uqa cebac bilec catanec eu me je maadecna camasac muden.

Hibru 10:10

Jisas Krais uqa Anutna gale doc toodon. Odimei uqa uqadodoc deweg ganac euna Anut ihandu osoldon. Eu odina uqa ege qagu migeceb silailca qee ibuldom.

Hibru 10:5

Eunu saen Krais uqa mahana nimei uqa Anut odi madon: “Age dool qumeig ihanhecnu hina culuguna. Euqa hina deweg ganac oso itegannu saciadom bilia.

Hibru 2:17

Eunu uqa cotugulnu Anutna nawel tawec ihanec dana ilo eu waug qocna Anutna je toodudu Anut cewel utocnu cabi ugiannu ceteh cunug uqa cotugul cinigwe bahic calen eu nijen. Uqa Anutna gemag bec gondon. Eunu Anut uqa dana cajaca cunug agena silail cagasiadecnu ihoc.

Hibru 2:18

Seten uqa Jisas temdocob uqa waug sogoen. Eunu uqa qila dana cajaca cunug Seten temadena eu cesuladecnu ihoc.

Hibru 4:15

Ge, egedodoc egena gagadic odocna silail cilehdocwe qee. Euqa egena nawel tawec ihanec dana ilo uqa egenu waug qocca qee odi qee bilina. Temgec egeca calena euha cunug temdoc uqaca calen. Euqa uqa silail qee mel.

Hibru 9:15

Eunu dana cajaca Anutna utaec eu dodoig jejeg toodogina eundec age cebac bilec catanec wele Anut uqana mel oqagan ec maden eu mugumuga oqagannu Krais uqa bal cehec je haun mudec dana. Uqa bal cehec je hahawan calen euna dana cajaca cunug cahuldoin eu cagasiadecnu cal men.

1 Pita 1:20

Anut maha qee ifanec ninijen uqa Krais cabi i ugiannu nesili ehuden. Odocob qila cit qoc saen ina Anut uqa odudeceb Krais uqa age cesuladigiannu camasac men.

Jahunec Je Camasac Muden 12:9

Odocob age man sononec ben eu qeludecebil tonen. Man sononec ben eu wele gug qoc saenna bilen, age Balijec Dana egina, age Setenha egina. Uqa dana cajaca cunug age mahana bilegina eu uhuladec dana. Age uqaca uqana enselca qeladecebil mahana tonein.

Jahunec Je Camasac Muden 2:10

Hina isi wawin sogoec ben gahidogan eunu cain cucuiagaun. Faga, Seten uqa agena wawaga meleec temdocnu age eundec leih gihacdoc jona heladigia odona. Odocob hina deel 10-pela odi cilehadec gahidogan. Euqa hina wawin meleec eu heheweg li cal mec gadacna calegan. Odocom ija cebac bilec king katakat ihigen,” hena.

Jahunec Je Camasac Muden 20:2

Uqa man sononec ben eu hewi calawandu cilehdon. Eu man sononec weledec bahic, eu Fadalec Dana, eu Seten. Odimei ensel eu uqa sen euna libimei qeludeceb maha heel ben eu dunuh bahic non gugca qee euna non. Uqa cabi gel 1,000 odi bilen.