Hibru 13:14 - Bal cehec je haun

¹⁴ Ege doqona, maha ina taun ben oso ege gaid bilecnu qee nijina. Euqa ege taun ben hibna caligian eu gulucdocnu odoqona.

Hibru 13:14 ပူးပေါင်းရင်းမြစ်များ

1 Korin 7:29

Ija cotiel, cel gugnu odi madiga, maha i falicdocob fil bahic caligian. Odocob saen geh bahic qee leiaun, eu saen nag qila ina himec bilina. Dana age aidagailca eu age aidagailca qee cinigwe bileigale. Odocob dana age qada qajegina eu age qada qajecca qee cinigwe bileigale. Odocob dana age ceelegina eu age ceelecca qee cinigwe bileigale. Odocob dana age ceteh idadecnu cabi ogina eu age cetehca qee cinigwe bileigale. Odocob dana age maha cetehna cabi ogina eu age agena maha cabi culein cinigwe bileigale.

2 Korin 4:17

Ge, egena culumen gahidoc eu saen nag bahic. Euqa culumen gahidoc i ceteh oso bilec catanec eu kobolkobol cahulecca oqannu saciadugena. Ceteh oqan eu ceteteh ben cunug wooladena.

Efesas 2:19

Eunu qila age jag dana cajaca age mahaca qee bileginawe qee bilegina. Age Anutna dana cajaca qagoc sihul osol. Age qila Anutna tal bilegina.

Filipai 3:20

Euqa ege je hahunige uqana jobon eu saona nijia. Onodec ege Cahahagec Jisas Krais Tibud ege cahahagigiannu toni nigian imeb uqa susumudi biluquna.

Hibru 10:34

Ge, age agena ceteteh bahic eu qee cedelein eu gaid ageca biligian ec wele doin. Eunu age dana cajaca age wawaga meleenanu gihacdoc jona bileinnu waloc aden. Odocob saen leihna dana agena ceteteh cediadein qa age ceelecca hawaadein.

Hibru 12:22

Age ceteh eundecna oso qee calelein. Age Saion Aluhna wele calein. Odocob Cebac Bilec Anut uqana taun benna calein. Eu Jerusalem sao jobon ono. Age ensel mati bahic amam ceguli ceeli bilecna wele calein.

Hibru 12:27

Je i “Saen osol himec haun,” eu odi ihacgena. Ceteteh wele Anut mudaden odimei gesac maden eu fadaladeceb qee moqagan. Odocob ceteteh qee gesac madel eu qee fadalowain. Age gaid biluqagan.

Hibru 2:5

Anut uqa maha haun hibna caligian eunu madoqona eu uqana ensel king biluqagannu qee mudadel.

Hibru 4:9

Eunu ege doqona, jaen mudec cuha deel oso eu Anutna dana cajaca sumadec bilina.

Hibru 9:11

Euqa qila Krais uqa wele hon. Odocob uqa eu ceteteh meme calen uqana nawel tawec ihanec dana ilo. Uqa talah cuha jo me bahic weledec euha wooldoc euna wele len. Talah jo gun eu dana ebenegana qee mudelein. Odocob ha eu maha ina ceteh qee.

1 Pita 4:7

Ceteteh cunug qee migiannu gadac saen eu wele cemenug nijia. Eunu age dumanaganu cisdu cuhadumeig fogo adeiale. Odimeig gaidgaid inondoiga.

Jahunec Je Camasac Muden 3:12

Oso gagadic mimi han wooldocobfi ija ijana Anut uqana cuha jona nah man mudigen. Euna cuculi nuecnu haun qee nijiaun. Euqa uqa dewegna ijana Anut ijanca ijana Anut uqana jobon ijanca jaqigen. Jobon eu Jerusalem haun, eu sao jobonnadec ijana Anutnadec toni nigian. Ija ijanigul haun euha dewegna jaqigen.