Hibru 12:27 - Bal cehec je haun

²⁷ Je i “Saen osol himec haun,” eu odi ihacgena. Ceteteh wele Anut mudaden odimei gesac maden eu fadaladeceb qee moqagan. Odocob ceteteh qee gesac madel eu qee fadalowain. Age gaid biluqagan.

Hibru 12:27 ပူးပေါင်းရင်းမြစ်များ

Matju 24:35

Saoca mahaca qee migian euqa ijana je qee qee meiaun,” aden.

Hibru 1:10

Odocob Anut uqaha Melah odi madon: “Tibud, hina gug qocna maha ifanem. Odimeg hina ebengulna ceteteh cunug saona nijia eu mudem.

Hibru 13:14

Ege doqona, maha ina taun ben oso ege gaid bilecnu qee nijina. Euqa ege taun ben hibna caligian eu gulucdocnu odoqona.

Hibru 9:11

Euqa qila Krais uqa wele hon. Odocob uqa eu ceteteh meme calen uqana nawel tawec ihanec dana ilo. Uqa talah cuha jo me bahic weledec euha wooldoc euna wele len. Talah jo gun eu dana ebenegana qee mudelein. Odocob ha eu maha ina ceteh qee.

Jahunec Je Camasac Muden 11:15

Odocob ensel 7-peladoc eu uqana taul fuldon. Odocob jejenega ben sao jobonna utai maden: “Mahana cul eu egena Tibud, uqana Kraisca alena cul ibuldon. Uqa king gaid cofadi bileceb catanigian,” en.

Jahunec Je Camasac Muden 21:1

Odocob ija sao haun maha haunca fem. Ge, sao weledec maha weledecca qee mi hedosin. Macas ha qee mi hedon.

Jahunec Je Camasac Muden 21:4

Uqa amaganadec amulunuga cunugca cacuadigian. Ceteh weledec eu cunug qee mi hedon. Eunu ono dana haun qee cal mowain, age walocca haun qee biluwain, age haun qee qajowain, age haun dain adecnu qee owain,” en.

Jahunec Je Camasac Muden 21:5

Odocob oso uqa king bilec cabalna bilina eu maden, “Qila ija ceteh cunug haun ifaniga!” en. Uqa ijaha haun odi maten, “Je i mele bahic, odocob dana cunug age je inu wawaga meleigiannu ihoc. Eunu je i jaqaga,” ten.