Hibru 12:24 - Bal cehec je haun

²⁴ Odocob Jisas uqa bal cehec je haunna nawel tawec dana uqaca calein. Uqa golac wele age bilisadu joaden, bal cehec je haun eu gagadic mudecnu. Odocob golac eu je oso maden eu wele Ebel golac odon eu caca qee. Uqa Ebel golac wooldumei je me bahic eu geh bahic maden.

Hibru 12:24 ပူးပေါင်းရင်းမြစ်များ

Jenesis 4:10

Odocob Tibud madon, “Hina eeta odoga? Hina walin golac mahana basedoia eu dana jejeg cinigwe utai mateia ija dah miga.

Me Je i Mak Jaqen 14:24

Odocobil Jisas maaden, “Wain gabin i ija golani eu Anutna bal cehec je haun. Ija dana cajaca mati cesuladigennu golani basecdugina.

Me Je i Luk Jaqen 11:51

Ebelna golac basecdoc sanijec euna sanan mimei ehi lili Sekaraiana golac basecdoc ihoc len. Sekaraia uqa age tempel hamol gunna ihanec cabalca gemona qocobil cal men. Ija mele maadigina, aqecebil cal mein eu uqana ameg me qee oc cunug dana caja qila bilegina i dewenegana hugian,” don.

Galesia 3:20

Aria, dana gemo tawecebfi dana lecisha tawesina. Euqa Anut uqa osol, uqa cuhanuc je hahun maden.

1 Timoti 2:5

Ge, Anut osol himec bilia, Anut danaca tanawi tawecnu osol himec eu dana eu Jisas Krais tawena.

Hibru 10:22

Uqa ege wawige soidudu odoc me qee ege wawigena tebandolob eu ititacdugiannu uqa golac ege wawige dunuh bilisadu qigen. Odimei dewenige wa cataniecna wa joigen. Eunu ege wawigena uhulec eu cunug ititacdumeb Anutnu himec wawige mele bahic eceb uqa cemenug leqan.

Hibru 11:28

Ensel Isip agena mel matucaca eundec qagaaadi uqa sipsip golanaga fimei Isrel agena mel matu cain qagaadoiaunnu Moses uqa Anutnu waug meleen. Odocobnu uqa Pasowa Cuha Deel Gunnu sipsip qagadon. Odimei uqa sipsip golanaga jic cebecna bilisadudu nuen.

Hibru 11:4

Ebel uqa Anutnu waug meleennu ihandon. Odocob uqana ihanec eu me bahic, eu Keinna ihanec wooldon. Mele, Ebel uqa Anutnu waug meleen eunu Anut uqa uqanu dana ititom ec maden. Anut uqa Ebel loo utoloi eunu gale doloi. Ebel uqa wele cal men qa uqana waug meleec eu uqa je magigi bilinawe odi.

Hibru 13:20

Anut uqa egena Tibud Jisas tulidocob cal mecnadec ceseli cajen. Jisas uqa sipsip cofadec dana me bahic. Uqa ihanec cabi gug eu golacna bal cehec je bilec catanec eu hedon. Odocob Anut malol bilec gug uqa uqana gale doc toodoqagannu ceteteh meme ihocna himec age adeiale. Odocob ege cunug gemona kobol me uqadodoc gale dona, odi camasac mudecnu ihoc Jisas Krais umna. Saen cunugna Krais uqa ijan benca bileceb cataneiale. Mele.

Hibru 7:22

Anut uqa Jisasnu cagoc je madeceb Jisas cebac bileceb catanena. Eunu ege doqona, bal cehec je me bahic caligian, eu Anutna bal cehec je hilah wooldugian.

Hibru 8:13

Anut uqa bal cehec je haunnu madeceb uqa bal cehec je weledec eu hilah ibuldon. Ceteh hilah ibuldona eu uqa cabi ocnu qee mena, saen nag odi himec gieceb qee migian.

Hibru 8:6

Qilaqa Anut uqa Krais nawel tawec ihanec cabi uten. Odimei Anut uqa bal cehec je i mele je madeceb dana cajaca age ceteteh me bahic cedoqagan. Eunu Kraisna cabi eu nawel tawec ihanec dana cunug wooladec. Eu odiwe bal cehec je uqa Anutca uqana dana cajaca gemo muden eu bal cehec je weledec wooldona.

Hibru 8:8

Euqa Anut uqa dana cajaca agena cahuldoc eu camasac mudimei maden: “Tibud maden, ‘Hibna deel oso dodoldona saen euna ija bal cehec je haun ijaca Isrel Juda dana cajaca ageca gemo mudigen.

Hibru 9:15

Eunu dana cajaca Anutna utaec eu dodoig jejeg toodogina eundec age cebac bilec catanec wele Anut uqana mel oqagan ec maden eu mugumuga oqagannu Krais uqa bal cehec je haun mudec dana. Uqa bal cehec je hahawan calen euna dana cajaca cunug cahuldoin eu cagasiadecnu cal men.

Hibru 9:19

Casac Moses uqa loo je gadacnu je cunug dana cajaca sildiadeceb doin. Odimei hibna uqa sipsip bulmakau nagca golanala umei waca ibuldon. Odimei hisop batac age sipsip bagic golca wele jelein eu umei dool golacna men. Odimei golac eu loo je jaqec bagacna bilisadu qumei dana cajaca cunug ilomogana ha bilisadu aqen.

Hibru 9:21

Eu odi himec Moses uqa dool golac eu talah jo gunnaca cuha fecnu ceteteh cunugnaca bilisadu aqen.

1 Pita 1:2

Wele bahic Anut ege Memige uqa agenu wele don. Odimei uqa uqana cisdocna age uqana dana cajaca biluqagannu nesili cedaden. Odimei age Jisas Krais jejeg toodu odoqagannu nesili ehaden. Odimei Jisas Krais uqa golac eu bilisadu aqeceb age Anut amegna soidoc tawoqagannu nesili ehaden. Eunu Anutna Kis uqa age qaguadeceb gun calein. Anut uqana eelgec uum igecca malol bilecca adeceb ageca am bec nijiale.