Hibru 12:22 - Bal cehec je haun

²² Age ceteh eundecna oso qee calelein. Age Saion Aluhna wele calein. Odocob Cebac Bilec Anut uqana taun benna calein. Eu Jerusalem sao jobon ono. Age ensel mati bahic amam ceguli ceeli bilecna wele calein.

Hibru 12:22 ပူးပေါင်းရင်းမြစ်များ

Matju 16:16

Odocob Saimon Pita Jisas jejeg hewi madon, “Krais eu hina. Cebac bilec Anut uqa melah eu hina,” don.

Matju 5:35

Odocob maha eu bahim Anut uqa jaih tatacan mudina. Eunu maha amegna madigina cain owain. Odocob Jerusalem eu King Ben uqana jobon. Eunu Jerusalem amegna madigina cain owain.

Pol Uqa Jaqec Je Oso Rom Tamanec Jaqiaden 11:26

Odocob eunu kobol eu odina Anut uqa Isrel sihul cunug cahahaadigian. Anutna jaqec je odi madena: “Saion gemo ono cesuladec caligian. Anut uqa Jekob sihul odudeceb age Anut hibemdoc kobol eu culuqagan.

Pol Uqa Jaqec Je Oso Rom Tamanec Jaqiaden 9:26

Odocob cudun ono euna age maaden, ‘Age ijana dana cajaca qee,’ aden cudun euna bahic age Cebac Bilec Anut melahul adoqagan!” en. (Hosea 1.10)

Galesia 4:26

Euqa Jerusalem oso eu sao ohis bilia eu uqa besitoc bilia. Anutna jaqec je eu odi madena: “O caja goud, caja uqa gemug qisacdon eu uqa mel mati bahic basadigian, euqa uqa caja gemug qee qisacdol eu wooldugian. Eunu hina mel qee basagana, celeboogale! Hina caja mel basecnu dain qee hena, qaqaji ceelagale!” ena. (Aisaia 54.1) Eunu Jerusalem sao ohis bilia eu uqa ege anige.

Efesas 2:19

Eunu qila age jag dana cajaca age mahaca qee bileginawe qee bilegina. Age Anutna dana cajaca qagoc sihul osol. Age qila Anutna tal bilegina.

Filipai 3:20

Euqa ege je hahunige uqana jobon eu saona nijia. Onodec ege Cahahagec Jisas Krais Tibud ege cahahagigiannu toni nigian imeb uqa susumudi biluquna.

1 Tesalonika 1:9

Dana cajaca cunug age adi ege oigein eunu magegina, ege li age feciadom saen euna. Eu odiha age adi kadan tibud culimeig falicdu Anut cewel utogina ec magegina. Odocob age mele cebac bilec Anut cewel utogina gegina.

2 Timoti 4:18

Tibud uqa qisol mec cunugnadec cahahatimei uqana cul saona lecnu cesultigian. Uqa kobolkobolca gaid bileceb cataneiale! Mele.

Hibru 10:31

Cebac Bilec Anut uqa dana oso ameg me qeena wadacdugiannu gagadic hewecebfi eu ceteh me qee, mumusacca bahic dana eu gulucdugian.

Hibru 11:10

Saen cunugna Ebraham uqa taun ben oso eu uqana noh gug gagadicca gaid biligian foubnu waug nijoloi. Ebraham uqa uqana saen cudun oso euna ligiannu sumuden. Anut uqadodoc cudun oso odi mudigiannu cisdumei muden.

Hibru 11:16

Euqa eu age odi qee odoloin. Eu age wawaga eu wele maha osona len, eu me bahic maha iha wooldoc. Eu sao jobon himec. Eunu Anut uqa age egena Anut ec madegina eu agenu qee majag dona. Uqa dana cajaca wawaga meleecca jobon me bahic euna biluqagannu wele saciadon.

Hibru 13:14

Ege doqona, maha ina taun ben oso ege gaid bilecnu qee nijina. Euqa ege taun ben hibna caligian eu gulucdocnu odoqona.

Hibru 3:12

O wawige meleec cotiel, agedodoc cofdu cuhadoiga. Qee fefeig cotoga age gemona oso uqa waugna cisdoc me qeeca culdecebil waug meleec eu felacucudi Cebac Bilec Anut eu hibemdoiaunnu.

Hibru 9:14

Euqa Krais golac ceteh eu wooldoc. Krais uqa cahuldoc osoca qee. Kis gaid bileceb catanena uqana gagadic odocna Krais uqana cebac bilec euna Anut ihandon. Eunu uqa golac eu egena cisdoc silec soidocob ege kobol filfil cebac bilecca qee eundec qee odoqaun. Eunu ege Anut cebac bilina uqa cewel utuqan.

Jud Uqa Jaqec Je Oso Anutna Dana Cajaca Jaqiaden 1:14

Inok uqa Adamna sihulnadec 7-peladoc cali hon uqa dana eundec age je hahun maaden, “Doiga! Ija Tibud uqana ensel gun 1,000 matica gami hoin eu feciadem.

Jahunec Je Camasac Muden 14:1

Ija feciimig Sipsip Nag eu Saion Aluhna tatawen fem. Uqaca dana 144,000 age uqa ijanca uqa Memeg ijanna ilomoga domonna jaqec tatawegin feciadem.

Jahunec Je Camasac Muden 21:10

Odocob Kisca ija hewiti ibulteceb ensel eu gahiti aluh ben oso ohis bahic igocna ehi ti miten. Uqa Jerusalem ihacten. Eu taun gun, Anut odocob sao jobonnadec toni nenen fem.

Jahunec Je Camasac Muden 21:2

Odocob ija taun gun ben fem, eu Jerusalem haun, eu Anut odocob sao jobonnadec toni nen. Eu saciadu hedoc bilia, caja uqa dana ocnu bala falimei gemug sumudinawe.

Jahunec Je Camasac Muden 22:19

Oso uqa je hahun jaqec eu buk ina nijia euna je oso u helecebfi Anut uqa uqana cebac bilec na aig muguh mecca taun ben gun muguh mecca, eunu je buk ina nijia, eu u heligian.

Jahunec Je Camasac Muden 3:12

Oso gagadic mimi han wooldocobfi ija ijana Anut uqana cuha jona nah man mudigen. Euna cuculi nuecnu haun qee nijiaun. Euqa uqa dewegna ijana Anut ijanca ijana Anut uqana jobon ijanca jaqigen. Jobon eu Jerusalem haun, eu sao jobonnadec ijana Anutnadec toni nigian. Ija ijanigul haun euha dewegna jaqigen.

Jahunec Je Camasac Muden 7:2

Odocob ija ensel oso uqa cam tobi bena isec cali hohon fem, uqa Anut cebac bilina uqana sisi mec hewen. Uqa co suli u ensel 4-pela Anut maha macasca me qee mudoqagannu gagadic odoc aden eu utai