Hibru 11:35 - Bal cehec je haun

³⁵ Caja agena dana cal mein eundec ceseli cajecebil age haun cedein. Dana leih gihacdoc jona madein dewenega geh bahic tudoin eu cal mecnu ha ihoc. Anut hibemdocobilfi culadecebil beloqagan ec maadein. Euqa eu age cad agena je qee toodoloin. Eu age cal mecnadec ceseli cajimeig cebac bilec me bahic eu oqagannu cisdoin.

Hibru 11:35 ပူးပေါင်းရင်းမြစ်များ

Matju 22:30

Ge, cal mecnadec ceseli cajoqagan saen euna eu age dana caja ocobocob qee owain. Euqa age ensel sao jobon bileginawe odi biluqagan,” aden.

Me Je i Mak Jaqen 12:25

Ge, age cal mecnadec ceseli cajoqagan saenna eu age dana caja ocobocob qee owain. Euqa age ensel sao jobon bileginawe odi biluqagan,” aden.

Me Je i Luk Jaqen 14:14

Eu age hina ameg wadacduhecwe qee. Eunu hina eelhec ogan. Odocob saen dana ititom cal mecnadec ceseli cacajebil hina Anut ameg ihigian,” don.

Me Je i Jon Jaqen 5:29

Dumeig age cali hoqagan. Agena me odoc nijina eundec age cebac bilec catanec oqagan, me qee odoc nijina eundec age gesiladec me qee oqagan,” aden.

Aposel 22:29

Odocob mahuc bahic dana age Pol je oso sisildoqagannu tawein eu age bicbic ceselein. Odocob han ilo uqa Pol Rom hatunadec ec dumei uqa senna qageinnu uqaha cucuien.

Aposel 23:6

Euqa Pol uqa am leih age Farisidecca, am leih age Sadjusidecca eu uqa fen eunu cegulec euna utai maaden, “Cotiel! Ija Farisidec. Ija Farisi age melemega. Cal mec dana age cal mecnadec ceseli cajoqagannu wawi meleec hewi sumudigina eunu ija ene je gesilec amagana tawiga!” aden.

Aposel 24:15

Ija Anutnu wawi meleec hewi sumudigina odi i ageha hewi sumudegina eu dana cunug meca me qeeca cunug age cal mecnadec ceseli cajoqagan.

Aposel 4:19

Euqa Pita Jonca jejenega hewi maadesin, “Ele Anut amegna age conoga toodocnu eu coisfo, qee ele Anut co toodocnu eu cois, eu age agedodoc gesileiga.

Aposel 9:41

Pita eben hewimei cesuldocob cajen. Bibilen Anutna qagu coboc dana cajaca, caja wijca maadeceb tecebil cajeia cebac bilia aden.

1 Korin 15:54

Eunu dewenige calua i dewenige cebac bilec catanec u tacigian saenna, dewenige cal mec i dewenige qee cal mec eu u tacigian saen euna Anutna jaqec jena je oso ihoc ligian. Je eu odi madena: “Krais uqa cal mec wooldoia. Cal mec eu fadaleia,” ena. (Aisaia 25.8)

Filipai 3:11

Adi odocomin Anut uqa ija cal mecnadec tuliteceb ceseli cajimig cebac bilec haun ugen eunu cisdugina.