Hibru 11:13 - Bal cehec je haun

¹³ Ebraham, Aisak, Jekobca age cunug wawaga meleecca wele cal mein. Mahana bilein saenna eu age ceteh me Anut adigia ec maden eu qee oloin. Age onoca tatawi fimeig ceelein. Odimeig odi qasali madein, “Ege maha ina biluqa ege dana jobon filecdec cinigwe. Ege maha ina saen nag odi himec bileqan,” ein.

Hibru 11:13 ပူးပေါင်းရင်းမြစ်များ

Jenesis 21:34

Aria Ebraham uqa odi odimei saen cecelac Filistia mahana bilen.

Jenesis 23:4

“Ija dana jag. Ija age gemo loldudu cobigina. Aideni hel cisigennu age maha oso idadecnu culiteiga,” aden.

Jenesis 25:8

Uqa toia men. Uqana cabi gel mati bahic. Odocob uqa kis umei cal men. Uqa asagul cal mein eu agena cudunna nuen.

Jenesis 47:9

Odocob uqa jejeg hewi madon, “Ijana cabi gel eu 130. Odocob ija maha filfilna geh bahic loldudu cobem. Qa cabi gel eu cecelac qee, eu gohic. Ijana loldudu coboc eu culumen mati bahicca. Ija memiel loldudu coboin eu cabi gel mati bahic. Eu wooldoc ijana cabi gel,” don.

Jenesis 48:21

Odocob Jekob uqa Josef madon, “Ija cal mige dodoldudugin hina fecitem. Qa Anut uqa hinaca biligian. Odimei ehihi nui hina asinel agena mahana mihigian.

Jenesis 49:10

Juda uqa ilo uqana gom hewigian. Odocob uqana sihul age himec gaidgaid maha ilo biluqagan. Uqa ilo bibileb dana mahamaha cunug agena bagol utecnu hoqagan.

Jenesis 49:18

O Tibud, hina ija cahahategannu sumihigina.

Jenesis 49:28

I age eu Isrel agena jobon medeh 12. Odocob i eu eeldoc je age memega odi maaden. Uqa eeldoc je cunug agenu osahicosahic aden eu agenu ihoc filfil siwiaden.

Jenesis 49:33

Aria Jekob uqa je gatiti melahul maadimei uqa jaih mahanadec suli u cabalna men. Odimei uqa siw ehi bi helimei kis on.

Jenesis 50:24

Odocob Josef uqa waliagul maaden, “Ijana cal mec dodoldona qa Anut uqa cofadimei maha inadec ehadi nui maha uqa Ebraham, Aisak, Jekobca adigiannu je cagu maaden ono madigian,” aden.

Matju 13:17

Ija mele maadigina, je hahun madec danaca tutuc coboc eundecca wele bilein mati age, age qila fegina eu fecnu wawaga ben hoolen euqa age ceteh eu qee felein. Dana eundec age, age qila dah megina eu dah mecnu wawaga hoolen euqa age je eu qee dah melein,” aden.

Me Je i Jon Jaqen 12:41

Aisaia uqa Jisas uqana kobolkobol ugian eu fen eunu uqanu je eu maden.

Me Je i Jon Jaqen 8:56

“Age memega Ebraham uqa ijana saen cali hocob figiannu ceelen. Uqa fimei celeboen,” aden.

Pol Uqa Jaqec Je Oso Rom Tamanec Jaqiaden 4:21

Odocob uqa Anut madon eu odocob aig camasac migian eu wele don.

2 Korin 4:18

Ge, ceteh ege amigena fec eu saenca qa ceteh ege amigena qee fec eu bileceb catanigian. Eunu ege ceteh amigena fec eunu ege qee gugca mecioqona qa ege ceteh amigena qee fec eunu gugca mecioqona.

2 Korin 5:6

Eunu ege gaid wawige gagadicca biluquna. Ege doqona, ege qila dewenige ica mahana biluquna saen ina ege Tibudca uqana jobon qee biluquna.

Efesas 2:19

Eunu qila age jag dana cajaca age mahaca qee bileginawe qee bilegina. Age Anutna dana cajaca qagoc sihul osol. Age qila Anutna tal bilegina.

Hibru 11:14

Ge, dana je eu odi madegina eu ege doqona, eu agena mahana bahic biloubnu walegina.

Hibru 11:17

Wele Anut uqa Ebraham temdon. Odocob Ebraham uqa Anutnu waug meleeceb Aisak ihanec cinigwe Anut uten. Uqa Anutna mele je ocob Anut uqa Ebraham Aisaknu madon: “Hina sihulel toohi caloqagan age Aisak sihulna himec caloqagan,” don. (Jenesis 21.12) Euqa Ebraham uqa melah osol eu qagadumei Anut ihandugia odon.

Hibru 11:27

Moses uqa Anutnu waug meleecebnu uqa Isip hatu culen. Uqa king eu gemag becnu qee cucuiel. Dana oso uqa Anut amegna fecwe qee qa Moses uqa Anut fecnu uqa gagadic men.

Hibru 11:39

Dana cajaca eu age cunug eu Anutnu wawaga meleen, odocob age ijanaga me bahic Anut amegna oin. Eu age ceteh me Anut adigia maden eu qee oloin.

1 Pita 1:1

Ija Pita, ija Jisas Kraisna aposel. Ija jaqec je i Anutna dana cajaca jaqiadigina. Age agena gug jobon culimeig Pontasca, Galesiaca, Kapadosiaca, Esiaca, Bitiniaca hatu ilagna bilegina.

1 Pita 1:17

Age Anut utadudu madogina, “Memige,” dogina. Memige eu uqa ege ijanigecafo, ijanigeca qeefo ec qee cisdona. Uqa ege dana osolosol cunug egena odoc himec ihocihoc gesiligina. Eunu age saen maha ina bilegina euna age gaid Anutnu cumunii coboigale. Age dogina, maha i agena jobon gug qee.

1 Pita 2:11

O wawige meleec cotiel ija nalunuga migina, age cele dana jobon filnadec cinigwe odi age jag maha ina bilegina. Eunu ija niniadi maadigina, age wawaga hilahna gale adec me qee age dolonoga gami cadegina eu cunug hibemdoiga.

1 Jon 3:19

Ege cotigeilnu nalunuga moqonafi Anutna mele je eu egeca bilina ec doqona. Anut uqa ceteteh cunugnu dona, odocob uqana doc eu egena doc wooldona. Eunu ege wawige egena cahuldoc osonu madenafi ege Anut amegna ihoc tawoqona.