Hibru 10:35 - Bal cehec je haun

^35-38 Eunu age kobol me wele odoin eu cisdoiga. Age wawaga gagadic meleecebfi age ameg me bahic oqagan. Age gagadic tawifeig Anutna je ihoc toodoqagan. Odocob ceteh me eunadec wele Anut adigia maden eu oqagan. Uqa maden: “Eu saen cecelac qee. Saen nag bahic odi himec dana hocnu madena uqa hugian. Uqa qee daleeiaun. Euqa ijana dana cajaca ititom age wawaga meleeceb cebac biluqagan. Euqa oso uqa waug meleec eu culifei ija wawi uqanu me qee meiaun,” en. (Habakuk 2.3-4) Eunu agena wawaga meleec gagadic eu cain culuwain.

Hibru 10:35 ပူးပေါင်းရင်းမြစ်များ

Matju 10:32

Jisas je haun maaden, “Eunu oso uqa dana amagana tatawi ijanu madi madena, ‘Ija Jisas uqana malogom,’ ena eu uqanu ijaha Mei sao jobon bilia amegna madigen, ‘Eu ijana,’ igen.

Matju 10:42

Oso uqa mel sim eundec oso uqa ijana malogom bilina eunu wa daec oso dih wetidocob jecebfi ija mele maadigina, uqa ameg me oc eu culecwe qee,” aden.

Matju 5:12

Odi bahic ha dana age je hahun madec dana wele biloloig eu aaqati tootooadoloig. Age sao jobonna ameg me bahic oqagan. Eunu age wawaga me meceb ceeli bileigale,” aden.

Me Je i Luk Jaqen 14:14

Eu age hina ameg wadacduhecwe qee. Eunu hina eelhec ogan. Odocob saen dana ititom cal mecnadec ceseli cacajebil hina Anut ameg ihigian,” don.

1 Korin 15:58

Eunu ija cotiel, ija agenu nalunuga migina. Age gagadic mimi duuec taweigale. Age Tibudna cabi ocobil hunawigiannu. Ge, age dogina, Tibud ageca bibileb cabi ocna uenega gauc qee seildowain, cabi ihoc ligian.

Efesas 3:12

Odocob ege Krais Jisasnu wawige meleeceb uqaca gabangec biluquna. Eunu ege Anut cemenug lecnu ihoc eu du cuhadoqona, ege odi odocnu qee cucuiuquna.

Hibru 10:19

O wawige meleec cotiel, Jisas golacna ege silailca qee biluquna. Eunu ege ihoc Anutna jo gunna lecnu, odocob eunu cain cucuiuqaun.

Hibru 11:26

Uqa Krais ijannu majag hewifeig eu Isip agena qaig bala cetetehca cunug wooldoc ec cisdon. Uqa ameg me bahic Anut utigian eunu cisdon.

Hibru 2:2

Me je jaqec Anutna ensel jajanigeil adein eu mele bahic. Odocob oso uqa qee toodol, tefacdon uqa ameg wadacdoc me qee on.

Hibru 3:14

Ege hahawan wawige meleen gagadic hewom. Eunu ege qila wawige meleec eu gagadic hehewi li egena cal mec gadac gulucdoqale. Ege eu odi odifeb ege Krais cotugul hijagul biluquna.

Hibru 3:6

Euqa Krais uqa Anut Melah eunu uqa Anutna jo cofdoc cabi uqa melahnu Anut co toodu cuhadon. Ege ceteh wawige meleec susumudi gagadic hehewi culaug oqonafi egeha Anutna jo biluquna.

Hibru 4:14

Jisas Anut Melah, uqa egena nawel tawec ihanec dana ilo, uqa sao jobon dunuh bahic len. Eunu ege wawige meleec qasali madoqona eu hewi daugdoqale.

2 Jon 1:8

Agedodocnu cofdoigale. Gadgad age ceteh ocnu cabi gagadic oin eu culuwainnu qa age ameg me bahic eu am bec oigale.