Galesia 6:1 - Bal cehec je haun

¹ Ija wawige meleec cotiel, age wawaga meleec dana oso silail memeb fifeig Kis age dado maaden toodogina eu age dana gemanaga jocosaigca cesuldudu tutuc mudeigale. Hina temhec hinaca hocob cosologaunnu tutuc mumudi hinadodocnu cofdogale.

Galesia 6:1 ပူးပေါင်းရင်းမြစ်များ

Matju 11:29

Feiga, ijana sol eu jocosaigca, ijana sol mec eu hetec. Ija gemani jocosaigca, ija wawi lal qocca bahic. Eunu age ijana cisdoc umeig ijana je bisalu bileigale. Age ijaca gami sol hewi gahidumeb ija ihiconi oigale. Odi oodoig age wawagana jaen mudec gulucdoqagan,” en.

Matju 26:69

Age Jisas geldodogin Pita uqa maha gumu bilen. Bibilen cabi mel aid oso cemenug humei madon, “Hinaha Jisas Galilidecca bilein,” don.

Matju 26:75

Odocob Pita Jisas wele madon, “Mala manahal qee qoc ninijeb hina ijana biligina eu qee sasac qu cijeddogan,” don eunu dahig fogo docob jo eu cuculi nui ben bahic qajen.

Matju 9:13

Ija ititom dana cajaca ‘Age agena silailnu wawaga tului falicdoigale,’ ec utai maadecnu qee holom. Euqa ija silail dana cajaca ‘Age agena silailnu wawaga tului falicdoigale,’ ec utai maadecnu hom. Eunu age je i Anutna jaqec je nijia eu uqana gugnu doc eu li oiga. Je eu odi madena: ‘Ija age gauc ihantecnu qee gale tena. Ija age dananu wawaga qocca biluqagannu gale tena,’ ena,” aden. (Hosea 6.6)

Pol Uqa Jaqec Je Oso Rom Tamanec Jaqiaden 14:1

Odocob dana waug meleena qa uqana waug meleec eu gagadic qee, eu uqa tamanec dunuh ehudi ehi leiga. Euqa age uqa gami cisdoc filfilna cain fee dadanowain.

Pol Uqa Jaqec Je Oso Rom Tamanec Jaqiaden 15:1

Ege wawige meleec gagadicca ege dana wawaga meleec gagadic qee eundec cesuladecnu cabi oum. Agena culumen agedodoc gahidocwe qee eu ege gahidocnu. Egedodoc egena gale gec cain toodoqaun.

1 Korin 10:12

Eunu dana oso uqadodocnu madi, ija gagadic tawigina, ena eu uqa toni qoiaunnu batut feiale.

1 Korin 14:37

Dana oso uqa uqadodocnu uqa Anutna je hahun madec dana ec cisdonafi, odocob uqa uqadodocnu uqa Kisna cisdocca ec cisdonafi, uqa je i ija jaqiadigina eu Tibud uqana loo je ec doub.

1 Korin 2:15

Anutna jaqec je madena eu odi nijina: “In uqa Tibudna cisdoc dona? In uqa Tibud iwaldocnu ihoc?” ena. (Aisaia 40.13) Eunu dana oso uqa Kisca bilina eu uqa ceteh cunug eu mefo, me qeefo gesiladecnu ihoc qa oso uqa dana Kisca eu gesildocnu ihoc qee nijel. Euqa ege Kraisna cisdocca biluquna.

1 Korin 3:1

Ija cotiel, wele age mel simwe Kraisca gabandoc biloloig. Eunu saen euna ija dana Kisca eundec Anutna je maadolig eu ija age Korin maadecwe qee. Euqa ija dana age dewenega hilahna kobol toodogina eundec maadigina eu odiwe ija wele maadolig.

1 Korin 4:21

Age ija cel kobol odigennu gale adena? Ija kom hewimig ageca cali tutuc madecnu gale adenafo, qee ija wawi eu nalunuga mecca gemani susumulca euna ageca ligennu gale adenafo?

1 Korin 7:5

Ale ocobocobesin oso uqa oso hibemdumei deweg cain sosogon oiaun. Eu meleqa ale wawala osol meceb ale dewenela saen gohicna inondoc cabinu sosogon owasanfi eu cois. Euqa isi ale dewenela gabandowasan, gadgad aledodoc dewenela qee cofdu cuhadocobil Seten ale silail mecnu temaleiaunnu.

2 Korin 10:1

Dana leih age ija odi um qiteginanu. Age madegina, “Pol uqa ege gami biluquna euna uqadodoc cogohi ege amigena cobona qa uqa onoca bilina saen euna uqa ege je gagadic magena,” egina. Euqa ija Pol, ija age Krais uqa jogoi lal qu cobimei uqa dana cajaca cunug waug jocosaigca odaden eunu cisdoqagannu gale tena. Odocob age je ija maadigina eunu cisdu cuhadoigale.

2 Korin 2:7

Qilaqa age falicdoqagannufi eu me bahic. Odimeig uqa waug me qee bahic mec eu cileh bahic doiaunnu age uqana silail dahiniga celeceb wahohogdoigale.

2 Korin 2:8

Eunu ija niniadigina, age uqanu nalug megina ec eu madocobil doiale.

Galesia 5:23

eu gemanige jocosaigca, eu egedodoc dumanige cofdocca. Eu odoc eundecnu loo je cahacadecnu qee tawel.

Galesia 6:18

O wawige meleec cotiel, egena Tibud Jisas Krais uqana eelgec uum igec eu age dolonogaca biliale. Mele.

1 Tesalonika 4:1

O wawige meleec cotigeil, age Tibudca gabanadec bilegina eunu ege niniadoqona. Ege adiadi cobocomun, Anut uqa egena odoc fimei gale dugian, eu ege dado madocomun doin. Age jic tutuc odi cobogina eu mele. Euqa age jic tutuc coboc haunhaun odoigale eu odiwe age qila odogina.

2 Tesalonika 3:15

Euqa dana eundec agena cad ec qee cisdogina qa age cotogawe uqa haun tutuc migiannu dado mudeigale.

2 Timoti 2:25

Uqa gemag jocosaigca feei coboc eundec jic tutuc ihacadigian. Ge, Anut uqa dana eundec wawaga tului falicdocob age mele jenu doqagannu ihoc ec madeiale.

Hibru 12:13

Odocob jaimaga oso eu me qeefi gob ameg eu cunug qee casali hoiaunnu “age jaimagana bahic jic tutuc coboiga,” en. (Sindaun 4.26) Qee bahic! Eu haun me migian.

Hibru 13:3

Age cotogail age wawaga meleenanu gihacdoc jona bilegina eu agenu cisdoiga, ageha osoben gihacdoc jona biluqunawe ec cisdu cesuladeiga. Odocob dana dewenegana culumen gahidogina eundecnu ha cisdoiga, ageha osoben ege dewenigena culumen gahidoqonawe ec cisdoiga.

Jems 3:13

Age eundec oso uqa cisdoc silec mecafi uqa uqana coboc menaca uqana cisdoc silecnaca waug jogoecnaca uqana odoc eu me ihacadeiale.

Jems 3:2

Ge, ege cunug cabi oc gaid cahuldoqona. Oso uqa je maadecna qee cahuldona eu uqa dana tutuc bahic, uqa deweg cunug dado mudecnu ha ihoc.

1 Jon 5:16

Dana oso uqa waug meleec cotig oso silail memeb fecebfi, odocob silail mec eu qocob cal mecnu ihoc qeefi, dana eu uqa cotig Anutnu inondutoiale, odocob Anut uqa cotig eu cebac bilec utigian. Anut uqa dana eundec agena silail mec eu qocob cal mecnu ihoc qee himec cebac bilec utina. Euqa silail mec oso nijia eu qocob cal mecnu ihoc. Ija age dana uqa silail eundec mennu inondoiga ec qee maadigina.