Galesia 4:8 - Bal cehec je haun

⁸ Wele bahic age Anutnu qee doloig age mahanadec kadan tibudna begabeg meh cabi dana biloloig, euqa kadan tibud eu age tibud qee.

Galesia 4:8 ပူးပေါင်းရင်းမြစ်များ

Me Je i Jon Jaqen 1:10

Aria, je eu mahana bilen. Anut uqa je euna maha ifanen qa dana cajaca cunug mahana bilein age uqanu qee doloin.

Aposel 14:12

Odimeig Banabas ijan Sus tibud qoin. Odocob Pol uqa je madec dana eunu uqa ijan Hemis tibud qoin.

Aposel 17:23

Ge, saen ija taun benna cocobig age tibud agena kadan eu binanaga sulegina eu fem. Ija ihanec cabal euha fem eu jaqec je odi maden, ‘Tibud ana bilia qee doqona eu uqana,’ en. Tibud i age binan sulegina qa qee dogina eunu ija qila maadigina.

Pol Uqa Jaqec Je Oso Rom Tamanec Jaqiaden 1:23

Odimeig age Anut bileceb catanenana binan sulegina eu hibemdoin. Odimeig age wadacdumeig dana cal menana kadan tibud hahunuga oin, odocob man fululec hahunuga oin, odocob dool hahunuga oin, odocob man sononec hahunuga oin, ceteteh eu binanaga sulein.

Pol Uqa Jaqec Je Oso Rom Tamanec Jaqiaden 1:28

Agena cisdocna Anut hewecnu culadein, odocobnu Anut felacadeceb agedodoc agena cisdoc me qee toodogina. Age kobol filfil dana odocwe qee eu odogina.

1 Korin 1:21

Anutna gad je eu dana agena cisdoc silecca wooldona. Odocob Anutna lasdoc eu dana agena gagadic wooldona. Anut uqana cisdoc sileccana dana cajaca odadeceb age uqanu docnu eu agena cisdoc sileccana agedodoc docnu ihoc qee. Eunu ege me je eu age gad je egina eu qasali maadoqona euna Anut uqa dana cajaca wawaga meleena eu cahahaadecnu cisdon. Juda age kobolkobol odoc fecnu gagadic megina. Odocob Grik age cisdoc silecca walegina. Euqa ege age Krais na babalecna tuitu qocobil cal men eunu je qasali maadoqona. Je eu Juda agenu eu meen cinigwe age jaimagana qeti aqeceb toni aqena. Odocob je eu Juda dana qee eundec agenu eu gad je. Euqa leih Anut utaaden, eu Juda Grikca osoben agenu, je eu Krais, uqa Anutna gagadic odoc, odocob uqa Anutna cisdoc silecca.

1 Korin 12:2

Age dogina, age haiden bilein saen euna ceteh oso diadecebfi age kadan tibud conogaca qee ageca lein. Euqa age eeta diadeceb age tooadecnu himec lein.

1 Korin 8:4

Eunu sab dana age kadan tibudnu ihaneinnu ija je oso maadigen. Ege doqona, kadan tibud eu ceteh mele bahic qee, eu ceteh gauc himec. Egeha doqona, anut mati bahic qee bilegina, Anut osol dih bilina.

Galesia 4:3

Eu odiwe egeha ege mel simwe bilolob saen euna kadan tibud age maha saoca cofadegina eu age cofgoloig, ege agena begabeg mehwe bilolob.

1 Tesalonika 1:9

Dana cajaca cunug age adi ege oigein eunu magegina, ege li age feciadom saen euna. Eu odiha age adi kadan tibud culimeig falicdu Anut cewel utogina ec magegina. Odocob age mele cebac bilec Anut cewel utogina gegina.

1 Tesalonika 4:5

Haiden age Anutnu qee dogina age golanaga me qeenu sililec toodu cotogail agena cajaca cobocnu sisi jelec wagalegina, eu agena odoc odiwe cain bahic nijiaun.

2 Tesalonika 1:8

Odimei uqa dana age Anutnu qee doginaca age Jisas Tibudna me je qee toodoginaca ameg me qee wadacadigian.

1 Pita 4:3

Ge, wele age haiden dana kobol me qee odocnu gale ben adoloi euna ihoc bilein. Agena bilec eu wal kobol majanagaca qeeca, eu gale adec me qeeca, eu ceu jecebil dalul aqecca, eu ja qoqoig dana age cajaca nijegina euca, eu kadan tibud cuha fecca.

1 Jon 3:1

Feiga, Memige uqa ege Anutna mel ec madigiannu uqa egenu nalunige geh bahic mena. Odocob eu mele bahic, ege Anutna mel. Dana cajaca mahana bilegina eu age Anutnu qee dogina. Eunu age egenuha qee dogina.