Galesia 2:2 - Bal cehec je haun

² Anut uqa uqana camasac mecna ija Jerusalem ono tigen ec ihactennu tem. Ija ono wawige meleec cotigeil agena cofadec, age ijanagaca egina, eu ageca jahuni cegulimeb ija me je Juda dana qee eundec qasali maadigina eunu sildiadem. Ija cabi wele omca cabi qila uginaca eu gauc fadaleiaun ec cisdom eunu odi odom.

Galesia 2:2 ပူးပေါင်းရင်းမြစ်များ

Matju 10:16

Jisas je haun maaden, “Feiga, ija age suladigina odi sipsip age qa cus gemo leginawe suladigina. Eunu age man sononec doc silecca odi cisdudu coboginawe coboigale. Euqa age cuhudid qauecca qee odi coboigale,” aden.

Aposel 15:12

Odocob dana am euna cunug tiliein. Age Banabas Polca ale Anut Juda dana qee gemona ebenelana kobolkobol gagaca odon eunu saadesinnu dah mein.

Aposel 15:2

Eu odi odocobil Banabas Polca gami fee dadanein. Eunu Banabas Polca dana leih Antiokdecca age Jerusalem ono belimeig je fee dadanec ein eundec aposel tamanec agena matuca maadoqagannu madein.

Aposel 15:4

Saen age Jerusalem li calecebil tamanecca, aposelca, tamanec agena matumatuca alalagadecebil age cabi cunug Anut uqa age gami cabi oinnu saadein.

Aposel 18:9

Odocob witic osona Pol ola codocna bebelen euna Tibud Pol madon, “Ija hinaca biligina. Mati bahic taun ben ina eu ijana bilegina. Eunu oso uqa hina dewen tudocnu qee hoiaun. Eunu cain cucuiagaun, cain me je madecnu culogaun. Euqa me je odi dih mamadiaga,” don.

Aposel 23:11

Odocob witic euna Tibud Pol qeihna tawimei madon, “Cisdoc fifil cain ogaun! Hina ijanu Jerusalem ene qasali maadaga. Eunu Rom ono ha odi bahic ijanu qasali maadegan,” don.

Aposel 5:34

Euqa agenadec oso, Farisi ijan Gameliel, uqa loo je iwaladec dana cunug age uqa bisalu himec jejeg dogina eu caji tawimei aposel cedi caloqagannu maaden.

Pol Uqa Jaqec Je Oso Rom Tamanec Jaqiaden 9:16

Eunu Anut uqa dana osoosofo gesildon eu danana cisdocnaca danana cabi ocnaca eu odi qee odona. Euqa Anut uqa uqana waug qocna himec dana gesildon.

1 Korin 9:24

Dana age dana leih wooladecnu guguli gadacna belegina euna dana osol dih ameg me bahic ona ec qee doginafo? Eunu age ameg me bahic ocnu tutuc guguli qee mec gadacna beleigale.

1 Korin 9:26

Eunu ija gauc qee guguligina qa ija tutuc guguli qee mec gadacna nuigina. Ija ebeni ilag qelimig fufu gauc qee qugina. Eunu ija boksen dana me cinigwe odigina.

2 Korin 12:1

Ija jic osoca qee. Ija ijadodoc binani sulecnu bahic suligen. Mele, kobol i ege ageca cesulgecnu ihoc qee. Euqa odi fena, ija bebelec leihca je jahunec leihca Tibud uqa camasac miten eunu madigen.

Galesia 1:12

Ija dana osonadec qee olom, dana oso eu ija qee iwaltel. Euqa Jisas Krais uqa ija ihacteceb camasac fogo ten.

Galesia 1:16

uqa Melah ihacteceb fogo ten, ija Juda dana qee eundec Anut Melahnu me je qasali maadecnu. Saen euna ija eeta odigennu dana leih qee sisiladelem.

Galesia 1:6

Ija age kobol i odogina eunu filicitigina! Krais uqa eeladec uum aden. Odimei Anut uqa Kraisna eeladec uum adecna age uqana dana cajaca biluqagannu utaaden. Euqa age mahucwe utaadec eu culdimeig me je fil oso toodogina.

Galesia 2:6

Cofadec eu age ijanagaca egina eu age wawige meleec cotigeil cofadein. Eetanu ija age ijanagaca egina ec madigina? Age ijanagacafo, qeefo ija eunu qee cisdolom. Anut uqaha dana age ijanagacafo, qeefo ec qee cisdona. Uqa dana cunug gug osolna ihocihoc odadena. Aria, cofadec age ijanagaca eginanu madigina eu age ijana je je haun oso qee tubdoloin.

Galesia 2:9

Odocob Jemsca, Pitaca, Jonca, age tamanecna cofadec ijanagaca egina, age Anut uqa eeltec uum itimei cabi i iten eu fimeig age ija Banabasca sekan milein, ege cabi hihijagwe. Ege ija Banabasca Juda dana qee eundec gemona cabi owannu ec je cagom. Odocob age Juda dana gemona cabi oqagannuca ec je cagoin.

Galesia 5:7

Age wele Kraisna jic me bahic coboloig! Age mele je toodocnu eu in cahacadeceb age qila uqana jic qee cobogina?

Filipai 2:16

age cebac bilecnu je eu u adoqagan. Age odi odocobilfi ija agenu cabi gagadic om eu gauc qee cusdugaunnu ija Krais ceseli hoc deelna culunuga ugen.

Filipai 2:29

Eunu age Tibud ijanna ceeli bahic ehudeiga. Odocob uqa Kraisna cabinu wele cal migiannu odon. Uqa cebac biligiannu qee cisdol. Age ija cesultecnu cabi ebenna mein eu u hedocnu cisdumei eu odi odon. Eunu age dana eundec binanaga suleigale.

1 Tesalonika 3:5

Gug eunu ija haun sumudecwe qee. Eunu agena wawaga meleec adiadi nijia eu fecnu Timoti suldocomin ageca len. Wawige meleec temgec dana uqa hu age osooso faninadeceb egena cabi, ege age gemona om, eu gauc qee meiaunnu ija odi cisdom.

2 Timoti 4:7

Ija gugulec me bahic mimi ben guguli hedom, ijana cebac bilec hedocna caliga. Wawige meleec eu ija hewihewi cobom.

Hibru 12:1

Eunu ege adi? Dana cajaca wele bahic eu age tawimeig taen ben cinigwe talilgec bilegina. Odimeig wawige meleec kobol iwalgegina. Eunu ege ceteh culumenca eundecca silail mec ege faggena eu culecnu. Odimeb ege wawige gagadic mumudi jic ege nuecnu Anut ihacgen eu gagadic guguluqale.