Aposel 18:26 - Bal cehec je haun

²⁶ Odocob uqa Juda ono agena cuha jona me je saluqi u maaden. Euqa Akwila Prisilaca dah mudimesi ehudi alena jona ehi limesi Anutna jicnu je tutucna silditosin.

Aposel 18:26 ပူးပေါင်းရင်းမြစ်များ

Me Je i Mak Jaqen 10:15

Ija mele maadigina, oso uqa mel sim Anutna cul ona eu odiwe qee ona eu Anutna culna qee leiaun,” aden.

Me Je i Luk Jaqen 19:26

Odocob uqa jejenega hewi maaden, ‘Ija maadigina, cunug age cetehca bilegina eu Anut uqa ceteh haun adigian. Euqa oso uqa cetehca qee bilina eu Anut uqa uqana nag nijia eu cawaldugian.

Me Je i Luk Jaqen 24:27

Odimei Jisas uqanu Anutna jaqec je cunugna madenanu sildialen, uqa Mosesna loo jena sanan mimei je hahun madec dana agena jaqec je cunug odi maalen.

Me Je i Jon Jaqen 7:17

Oso uqa Anut madena eu ija toodu odigen ena eu uqa ija madigina eu Anutnadecfo, qee ijanadec eu cel gugnu du cuhadugian.

Aposel 14:3

Eunu Pol Banabasca ale Aikoniam ono saen cecelacca bilesin. Bibilesi ale Tibudnu saluqi u mamadiesin. Tibud uqa ale madi, Tibud eelgena esin je eu mele ihacadimei uqana gagadic odoc aleceb kobolkobol gagaca oodiesin.

Aposel 18:18

Odi hedocob Pol Korin ono wawaga meleec cotugul gami deel mati bahic bilein. Odimei uqa cotugul eu culadimei Akwila Prisilaca gami Korindec wagna Siria hatuna ono belein. Uqa macas gemo qee lec ninijen uqa Anutnu je cagoc madennu Senkria ono ilona gosic cunug cocdon.

Aposel 18:25

Uqa Tibudna jicnu iwaldoin. Odocob uqa waug Tibud toodocnu gagadic tawen. Jisas uqana odocnu tutuc maaadi iwaladoloi. Euqa uqa Jon wa joadennu himec don.

Aposel 19:8

Odocob Pol Juda agena cuha jona limei jagel cijed me je saluqi u maaden. Uqa age gami fee dadaneeig Anutna me culnu sildiaden.

Aposel 28:23

Eunu age Pol gami cegulecnu jagel deel oso gadac mein. Odocob dana am ben bahic Pol ono bibilen cegulein. Qasildec je maaadi Anutna Me Culnu sildiaaden witic men. Uqa Mosesna loo jeca je hahun madec dana agena jeca alenadec Jisasnu sildiaadi wawaga meleigiannu temduduen.

Aposel 8:31

Odocob dana eu Filip jejeg hewi madon, “Oso uqa qee silditecebfi ija adi wawi fogo dugian?” don. Odimei uqa Filip karis ohis uqaca teceb biluwasannu cesusdon.

1 Korin 12:21

Ameg uqa eben madona, “Hina qee bilecemfi ija cuhanuc ihoc biligen,” eu odi madocwe qee. Odocob ilo uqa jaih madona, “Hina qee bilecemfi ija cuhanuc ihoc biligen,” eu odi madocwe qee.

1 Korin 3:18

Anutna jaqec je eu odi madena: “Anut uqa dana cisdoc silecca agena cisdoc sileccana cedadena eu odi dool bolobna cedadenawe,” ena. (Job 5.13) Odocob Anutna jaqec je oso madena: “Tibud uqa dona, dana cisdoc silecca agena cisdoc eu ceteh gauc dih,” ena. (Buk Song 94.11) Eunu mahanadec cisdoc silecca eu Anut amegna eu kobol gad. Odocob Anut uqa dana cajaca age uqana cisdoc silecca oqagannu gale dona. Eunu dana oso uqadodoc cain uhuldoiaun. Age gemonadec oso uqa mahanadec kobolna ija cisdoc silecca ec cisdonafi uqa mahanadec dana amagana dana gad ibuldoiale.

1 Korin 8:2

Dana oso uqa ija ceteh osonu wele duga ec cisdonafi dana euna doc eu ihoc bahic qee.

Hibru 6:1

Eunu ege Kraisna je gug sanan mec age hahawan iwalgein saen euna ege wawige meleec mel sim cinigwe. Ege je gug sanan mec eundec himec madoqonafi ege mel simwe gaid bileqan. Je gug sanan mec iwalgec eu odi, ege kobol cebac bilecca qee eunu tului falicdumeb Anutnu wawige meleecca bilecnu, odocob wa joc filfilnuca, ebenige dana ilona mecnuca, cal mecnadec cunug ceseli cajoqagannuca, silail dana eundec Anut gel hib madeceb je eu bileceb catanigiannuca. Ege je gug eundec himec madoqonafi ege jo nah gehgeh cehoqona qa jo qee cehi hedoqonawe. Cois, ege mel sim agena kobol eu culimeb wawige meleec je caunca dana ben mein eundec je madeginawe madoqale.

2 Pita 3:18

Euqa Jisas Krais uqa egena Tibud, uqa egena Cahahagec uqa eelgec uum igec eu age aden. Odocob age uqanu du cuhadogina. Eunu age eeladec uum adecca uqanu docca cesuladeceb ben mimeig duuec taweigale. Uqa qilaca saensaen cunugca kobolkobolca bileceb cataneiale. Mele.