Aposel 13:25 - Bal cehec je haun

²⁵ Odocob saen Jon uqana cabi oc qee migia oodon uqa dana maaden, ‘Age ija in ec cisdogina? Dana age sumudegina eu ija qee. Euqa dana oso uqa ija tootec hib hona, uqa ija wooltec, uqana jaih tacec eu ija hulitocnu me bahic ihoc qee,’ aden,” aden.

Aposel 13:25 ပူးပေါင်းရင်းမြစ်များ

Matju 3:11

“Ija age agena silailnu wele tului falicdoinnu wana wa joadigina qa oso hib tooti hona, uqana gagadic odoc ijana gagadic odoc wooldona. Uqa dana meca bahic. Ijaqa dana meca qee. Ija uqana cabi dana me bahic ihoc qee, ija uqana jaih tacec hewecwe qee. Uqa age Kis Gunna janaca wa joadigian.

Me Je i Mak Jaqen 1:7

Uqa dana cajaca je qasali maaden, “Dana oso uqa hib tooti hugian, uqana gagadic odoc ijana gagadic odoc wooldona. Uqa dana meca bahic. Ijaqa dana meca qee. Ija uqana cabi dana me bahic ihoc qee, ija jogoimig uqana jaih tacec halu cufalitocwe qee.

Me Je i Jon Jaqen 1:29

Deel osona Jon uqa Jisas uqaca hohon fimei maaden, “Feiga, Anutna Sipsip Nag ihen. Uqa dana cajaca cunug mahana bilegina agena silail cagasiadecnu hon.

Me Je i Jon Jaqen 1:34

Eu oodon femnu dana i uqa Anut Melah eunu wele qasali maadem,” aden.

Me Je i Jon Jaqen 1:36

Tataweig uqa Jisas cocobi nunuen fimei maalen, “Fesia, Anutna Sipsip Nag ihen!” alen.

Me Je i Jon Jaqen 4:34

Odocobil Jisas maaden, “Oso sulten uqa madena eu odocnuca, uqana cabi u hedocnuca eu ijana sab jec,” aden.

Me Je i Jon Jaqen 7:18

Oso uqa uqana je madena eu uqadodoc binan wasigiannu odona. Osoqa uqa suldon eu binan wasigiannu odona eu uqa je mele madena, uqa uhulec je qee madena,” aden.

Aposel 13:36

Ge, Dewid uqa bilen saenna Anut gale doc eu toodu odon. Odimei cal meceb uqa jajanagail qehemegana isec heel cisein. Odocob cal mecna deweg huluen.

Aposel 19:4

Odocob Pol maaden, “Jonna wa joadec eu dana agena silail hibemdoqagannu. Odocob uqa Isrel dana age dana oso uqa hib toodu honanu wawaga meleigiannu maaden eu uqa ijan Jisas,” aden.

Aposel 20:24

Euqa ija deweni eu ceteh gauc cinigwe figina. Eunu ija ijana me je madec cabi Jisas Tibud iten eu qee mudigennu gale tena. Anut uqa dana cajaca eeladec me bahic uum aden eunu me je qasali maadecnu cabi eu,” aden.

2 Korin 4:5

Ge, ege me je qasali maadoqona eu egedodoc ijanige ben qee muduquna. Euqa ege odi madoqona, “Jisas Krais uqa egena Tibud. Ege Jisasna je toodoqona, odocob ege Jisasnu agena cabi dana biluquna,” oqona.

2 Timoti 4:7

Ija gugulec me bahic mimi ben guguli hedom, ijana cebac bilec hedocna caliga. Wawige meleec eu ija hewihewi cobom.

Jahunec Je Camasac Muden 11:7

Ale Anutna je qasali maadi hedocobil saen euna dool cus me qee uqa maha heel ben dunuh bahic non gugca qee eunadec ohis tobi bigian. Uqa han cadimei woolalimei aqaleceb cal mowasan.