2 Timoti 4:18 - Bal cehec je haun

¹⁸ Tibud uqa qisol mec cunugnadec cahahatimei uqana cul saona lecnu cesultigian. Uqa kobolkobolca gaid bileceb cataneiale! Mele.

2 Timoti 4:18 ပူးပေါင်းရင်းမြစ်များ

Jenesis 48:16

Ensel ija aisais me qeenadec besiti oiten eu uqa mel i ale eelaleiale. Odocob ija ijanica ija memiel ijanagaca eu aleca bileiale. Odocob alena sihul mati bahic fulusdosiale,” en.

Matju 13:43

Odocobil dana cajaca Anut uqa dana cajaca ititom ec madena eu age Memegana culna cam odi fulacdoc biluqagan. Oso dahigca je eu dah meiale!” aden.

Matju 25:34

King uqa odi odadimei dana cajaca ititom age eben meulana isec tawegina eundec maadigian, ‘Age ija wen teten bibiligin sab itein. Ija wa gab teten bibiligin wa itein. Ija jag bibiligin ehiti bilec cudun itein. Ija bical bibiligin age lotoc taqitein. Ija hagca bibiligin age hu soatein. Ija gihacdoc jona bibiligin age hu mecitein. Eunu Mei eeladen age hoiga, Anut uqa maha gug men saen euna uqana cul agenu saciadon eu mugumuga men qila nijia eu oiga,’ adigian,” aden.

Matju 6:13

Hina ege temgecna cain ehi li migigaun. Euqa qisol mec kobol eu cagasigagale,’ doigale,” aden.

Me Je i Luk Jaqen 11:4

Ege dana age ege silail migeginanu dahinige celena. Eunu hina egena silailnu dahin celeiale. Hina ege temgecna cain ehi li migigaun,’ eiga,” aden.

Me Je i Luk Jaqen 12:32

Jisas je haun maaden, “Dana am tootec nag bahic, age Memega uqa cul adecnu gale dona. Eunu cain cucuiuwain.

Me Je i Luk Jaqen 22:29

Odocob ija Mei cul osonu ilo miten. Eu odiwe age ijana culna ijana sab jec cabalna bibileig sab jejeig wa gab jejeig biluqagannu, odimeig bilec cabal ben kobolkobolcana bilimeig Isrel sihul 12-pela gesiladoqagannu ija ageha cul osonu ilo madigina,” aden.

Me Je i Jon Jaqen 17:15

Ija hina, age mahana biluwainnu cedadaga ec qee inonhelem qa hina qisol mec dana eu ageca hu waadeiaunnu hewadagale higina.

Pol Uqa Jaqec Je Oso Rom Tamanec Jaqiaden 11:36

Qee bahic! Anut uqa ceteh cunug ifanen. Eunu ceteh cunug bilegina. Odocob ceteh cunug eu Anutnu himec bilegina. Ege uqa binan sulocomun cataneiale! Mele!

Pol Uqa Jaqec Je Oso Rom Tamanec Jaqiaden 16:27

Anut eu uqa osol himec uqa docca bahic. Uqa ceteh cunug Jisas Krais umna odon eunu ege binan sulocomun cataneiale! Mele!

1 Korin 1:21

Anutna gad je eu dana agena cisdoc silecca wooldona. Odocob Anutna lasdoc eu dana agena gagadic wooldona. Anut uqana cisdoc sileccana dana cajaca odadeceb age uqanu docnu eu agena cisdoc sileccana agedodoc docnu ihoc qee. Eunu ege me je eu age gad je egina eu qasali maadoqona euna Anut uqa dana cajaca wawaga meleena eu cahahaadecnu cisdon. Juda age kobolkobol odoc fecnu gagadic megina. Odocob Grik age cisdoc silecca walegina. Euqa ege age Krais na babalecna tuitu qocobil cal men eunu je qasali maadoqona. Je eu Juda agenu eu meen cinigwe age jaimagana qeti aqeceb toni aqena. Odocob je eu Juda dana qee eundec agenu eu gad je. Euqa leih Anut utaaden, eu Juda Grikca osoben agenu, je eu Krais, uqa Anutna gagadic odoc, odocob uqa Anutna cisdoc silecca.

1 Korin 10:13

Temadec Korin ageca hon eu temadec dana cajaca cunug ageca hon cinigwe, eu temadec fil bahic qee. Euqa Anut uqa uqana je hahun madec toodu odona. Eunu uqa culeceb temadec oso ageca hocob eu gahidocnu culumen wooldoc oso qee nijel. Euqa uqa age temadecna ehi li madimei uqa age temadecna hatawowainnu jic me ihacadeceb temadec eu gahidumeig wooldoqagan.

1 Korin 15:50

O cotiel, ija age mele maadigina, dana maha inadec uqa Anutna cul eu muguh ocwe qee. Odocob ceteh qee mena eu ceteh qee qee meiaun eu muguh ocwe qee.

2 Korin 1:10

Culumen me qee i qigeceb cal mecnu ihoc qa Anut cahahagen. Odocob hibna Anut uqa haun cahahagigian. Ceteh me qee fadalgecnu egeca hohob Anut uqa gaid cahahagigian ec wawige gagadic tatawi meleena.

Galesia 1:5

Eunu ege Memige Anut binan gaid sulocomun cataneiale! Mele.

1 Tesalonika 5:23

Anut uqa malol bilec gug uqa agena wawaga cunug soidudu eeladeiale. Uqa agena kisca age dolonoga dewenegaca eu cofdudu heweiale. Odocob egena Tibud Jisas Krais ceseli hoc deelna age tutucca cahuldocca qee eu camasac migian.

2 Tesalonika 3:3

Euqa egena Tibud uqa nalug mecca, uqa kobol mele odona. Eunu ege uqanu himec wawige meleigian. Uqa age gagadic odoc adigian, uqa qisol mec dana waadeiaunnu cofadigian.

1 Timoti 1:17

King saensaen cunug cal mecwe qee, eu uqa fecwe qee, uqadih Anut bilia eu binan sulocomun cataneiale, uqa kobolkobolca bileceb cataneiale! Mele.

1 Timoti 6:16

Uqa himec cal mecwe qee gaid bileceb catanena. Uqa fulacdoc bahicca bilina eu ege uqa cemenug lecwe qee. Anut eu dana oso qee fel, dana osoha fecwe qee. Ege uqa binan sulocomun cataneiale! Uqa gagadic odocca demico biliale! Mele!

2 Timoti 1:12

Eunu ija qila saen ina deweninu sogoigina. Euqa age oditegina eunu ija majani qee tel. Ge, ija innu wawi meleen nijia, eu dugina. Uqa me je cabi ija ebenina men eu cofdutecnu ihoc, eu li deel cit qocna cabi eu gaid me biligian eu du cuhadugina.

2 Timoti 4:1

Ija hina Anut amegnaca, Krais Jisas uqa dana cajaca cebac bileginaca cal meinca gesiladigiannu humei saen euna uqana cul camas mudigian eu uqa amegna je mahigina.

Hibru 11:16

Euqa eu age odi qee odoloin. Eu age wawaga eu wele maha osona len, eu me bahic maha iha wooldoc. Eu sao jobon himec. Eunu Anut uqa age egena Anut ec madegina eu agenu qee majag dona. Uqa dana cajaca wawaga meleecca jobon me bahic euna biluqagannu wele saciadon.

Hibru 12:22

Age ceteh eundecna oso qee calelein. Age Saion Aluhna wele calein. Odocob Cebac Bilec Anut uqana taun benna calein. Eu Jerusalem sao jobon ono. Age ensel mati bahic amam ceguli ceeli bilecna wele calein.

Jems 2:5

O cotiel bahic, age dah meiga! Dana age dana mahanadec cunug amagana cehewanca qee dana eu age agena wawaga meleec eu cehewanca odiwe biluqagannu Anut wele nesili cedaden. Wele eu uqa je hahun odi maden. Dana uqanu nalug megina eundec eu uqa uqana me culna ehi li madigian. Eunu uqa dana sawen eundec me cul euna biluqagannu wele ehaden. Age Anut huqanehul.

1 Pita 1:5

Age Kraisnu wawaga meleena, eunu Anut uqa uqana gagadic odocna uqa age cahahaadigiannu cofadi cuhadona. Odocob agena cahahaadec eu saciadon bilia eu deel cit qocna camasac mudigian.

1 Pita 5:11

Anut uqa gagadic odoc euca gaidgaid biliale! Mele.

2 Pita 1:11

Eunu age odi odocobilfi Jisas Krais, egena Tibud, egena Cahahagec uqa geh bahic cesuladeceb age uqana cul dunuh loqagan. Cul euna Jisas Krais uqa king bileceb catanena.

2 Pita 3:18

Euqa Jisas Krais uqa egena Tibud, uqa egena Cahahagec uqa eelgec uum igec eu age aden. Odocob age uqanu du cuhadogina. Eunu age eeladec uum adecca uqanu docca cesuladeceb ben mimeig duuec taweigale. Uqa qilaca saensaen cunugca kobolkobolca bileceb cataneiale. Mele.

Jud Uqa Jaqec Je Oso Anutna Dana Cajaca Jaqiaden 1:1

Ija Jud, ija Jisas Kraisna cabi dana. Ijaha Jems waliag. Ija dana cajaca age Anut uqa uqana dana cajaca biluqagannu utaaden eu jaqiadigina. Anut ege Memige uqa agenu nalunuga mena, odimei uqa Jisas Kraisnu age cofadena.