2 Tesalonika 3:1 - Bal cehec je haun

¹ Ege wawige meleec cotigeil, ege je osoha maadoqona. Age Anut cesulgeceb Tibudna je agena gemona memeli cunug ihoc lenwe odi Tibudna je memeli mahucwe mahamaha cunug ihoc ligiannu, odocob age Tibudna je binan suluqagannu inondoigale.

2 Tesalonika 3:1 ပူးပေါင်းရင်းမြစ်များ

Matju 9:38

Eunu sab cedi haudocnu gug uqa cabi dana suladeceb sab haudocnu inondoigale,” aden.

Me Je i Luk Jaqen 10:2

Uqa maaden, “Cabina ceteh mati bahic cedi haudocnu wal men nijia, euqa cabi dana mati ceteteh cedi jo bisna mecnuca qee bilegina. Eunu sab cedi haudocnu gug uqa cabi dana suladeceb sab haudocnu inondoigale.

Aposel 12:24

Euqa Anutna me je ben dumei hatuhatu cunug nuen.

Aposel 19:20

Eunu gagadic odoc jic euna Tibudna me je gagadic mimei hatuhatu cunug ihoc len.

Aposel 6:7

Eunu Anutna je ihoc len. Malogom age Jerusalem bilein agena sanijadec ohis ten. Odocob ihanec dana mati bahic me jenu wawaga meleeceb me je toodu odoin.

Pol Uqa Jaqec Je Oso Rom Tamanec Jaqiaden 15:30

O wawaga meleec cotiel, ija niniadigina. Age egena Tibud Jisas Kraisnuca Kis Gunna nalug mecnuca age ijaca gabandocobil ege Anut ija cesultigiannu gagadic inondoqan eunu sisiladigina.

2 Korin 1:11

Eunu age Anut egenu inondodoig cesulgegina. Odocob Anut uqa egenu inondoc mati wadacdugian. Odocob Anut uqa ege eelgigian. Odocob mati age jejenega suli u egenu Anut hetaga doqagan.

2 Korin 13:11

O cotiel, ceeleigale! Age cabi ooig kobol tutuc bahic odoigale. Age ijana je dah meiga. Age cisdoc osol dih hewimeig wawaga malolca bileigale. Odocob Anut nalunuga mecca malol bilecca uqa ageca biligian.

Kolosi 4:3

Saen euna dih age egenuha inondoiga, Anut uqa ege jic qahigeceb uqana je dana cajaca maadecnu. Eunu ege Kraisna je jahunec sildiadi madeqan. Ge, ija Anutna je qasali maadem eunu gihacdoc jona biligina.

1 Tesalonika 1:5

Ge, me je eu ege ageca ehi lom eu jena himec qee holom qa eu gagadic odocnaca, Kis Gunnaca, ege me je cunug eu mele bahic ec doqona eu odi ageca ehi lom. Ege age gami bilom saen euna ege adi bilom eunu age adi bilecnu iwaladom eu age dogina.

1 Tesalonika 1:8

Eu Tibudnu je madec eu cali humei agenadec himec Masedonia Akaiaca qee lel qa agena Anutnu wawaga meleecnu je eu cudun cunugnana nuen. Eunu ege je madecnu nijia eu qee bilel.

1 Tesalonika 2:1

Ege wawige meleec cotigeil, age agedodoc ege meciadecnu ageca lom eu qee qolocdolom ec doin.

1 Tesalonika 2:13

Ege ceteh osonuha gaid Anut hegaga dudu inondoqonanu. Uqana gug eu odi. Ege Anutna me je maadocomun dah mein saen euna age je dananadec himec qee oloin qa age mele je eu Anutnadec oin. Odocob je eu uqa age wawaga meleec dana cajaca eundec wawaga dunuhna cabi gagadic ona.

1 Tesalonika 4:1

O wawige meleec cotigeil, age Tibudca gabanadec bilegina eunu ege niniadoqona. Ege adiadi cobocomun, Anut uqa egena odoc fimei gale dugian, eu ege dado madocomun doin. Age jic tutuc odi cobogina eu mele. Euqa age jic tutuc coboc haunhaun odoigale eu odiwe age qila odogina.

1 Tesalonika 5:17

Age Anutnu gaidgaid inondoigale.

1 Tesalonika 5:25

Ege wawige meleec cotigeil, age egenu inondoiga.

2 Timoti 2:9

Me je maadec eunu ija culumen sogoec gahidugina, odocob ha ija gihacdoc jona ebeni jaimica libec biligina, loo je tefacdoc eundec odadeginawe oditegina. Euqa Anutna je eu eben jaihca libecwe qee nijina.