2 Tesalonika 1:7 - Bal cehec je haun

⁷ Odimei uqa age qila dewenega tudoc gahidogina, age egeca jaen mudec igigian. Eu Jisas Tibudca uqana ensel age gagadic odocca age ja belicanca camas mecnana sao jobondec noqagan saen euna Anut odi odigian.

2 Tesalonika 1:7 ပူးပေါင်းရင်းမြစ်များ

Matju 16:28

Ija mele maadigina, leih age ene tawegina eu age qee cal mec ninijeb Dana Melah uqa uqana king culna hohob mecidoqagan,” aden.

Matju 25:31

Jisas je haun maaden, “Dana Melah uqa isi kobolkobolca uqana ensel cunugca gami toni nimeig uqa uqana king bilec cabal kobolkobolca euna biligian.

Matju 25:41

“Odi maadimei dana cajaca age eben ansena isec tawegina eundec odi maadigian, ‘Age ija wen teten bibiligin sab qee itelein. Ija wa gab teten bibiligin wa qee itelein. Ija jag bibiligin qee ehitelein. Ija bical bibiligin lotoc qee taqitelein. Ija hagca bibiliginca gihacdoc jona bibiliginca qee hu mecitelein. Eunu Anut geladen age cuculti ja cijeceb catanena euna nui bileiga. Eu Setennuca uqana enselnuca saciadon nijia,’ adigian,” aden.

Matju 26:64

Odocob Jisas madon, “Hina madagana odi himec. Ijaqa maadigina, hibna age Dana Melah uqa Anut gagadic odocca eben meulana isec bibileb sao taenna hohob foqagan,” don.

Me Je i Mak Jaqen 14:62

Odocob Jisas madon, “Eu ija bahic! Age Dana Melah Anut gagadic odocca eben meulana isec bibileb sao taenna ha hohob foqagan,” don.

Me Je i Luk Jaqen 16:25

Euqa Ebraham madon, ‘Melami, cisdoga, hinana cebac bilec saenna hina ceteteh meme cunug cedem. Odocob Lasaras ceteteh me qee ceden qa qila uqa ene ceelii bilia. Oodon hina ono gisi cacagu biliga.

Me Je i Luk Jaqen 17:30

Eu odiwe Dana Melahna camas mec deelna eu odi caligian,” aden.

Me Je i Jon Jaqen 1:3

Je euna dih Anut ceteteh cunug ifanen. Ceteh oso uqaca qee Anut ifanen eu qee bilel.

Me Je i Jon Jaqen 1:51

Odi madumei maaden, “Ija je mele maadigina, age sao jobon hudec tataweb Anutna ensel age Dana Melahca toni tobi eebil foqagan,” aden.

Aposel 1:11

maadesin, “Galilidec dana, age eetanu sao jobonna tatii ene tawegina? Jisas i Anut uqa ehudeceb enedec sao jobon teia uqa teten feiga odi ceseli tonigian,” adesin.

Aposel 3:19

Tibud uqa agena silail cagasiadigiannu gale dona. Odocob Tibud uqa age dolonoga gagadic odoc ocnu saen dodoldodob uqa cemenugnadec ageca suldocob nigiannu gale dona. Uqa uqana Krais uqana dana caja cahahaadecnu wele nesili ehuden, eu Jisas, eu suldocob nigiannu gale dona. Jisas uqa sao jobon bibileb saen maha ina ceteh haun cali hugiannu eu odi Anut uqana je hahun madec dana gun welewele bilein eu conogana maden. Eunu Anut uqa odi odigiannu silailnu tului falicdoiga.

Pol Uqa Jaqec Je Oso Rom Tamanec Jaqiaden 8:17

Odocob ege Anutna mel ibuldufeb egeha Anut huqanehul. Odocob hibna ege Anutna ceteteh me bahic cunug eu oqan. Ege Kraisca osoben ceteteh me bahic eu oqan. Euqa ege uqaca osoben hibna kobolkobol oqannu ege qila uqaca osoben culumen sogoecca gahidoqonafi ege uqaca Anutna ceteteh me bahic oqan.

1 Korin 3:13

Odocob Anut uqa dana cajaca cunug agena cabi temdugiannu deel euna agena cabi eu jana gesiladigian. Ja eu agena cabi temadigian. Eunu dana cunug agena cabi eu hibna camasac migian. Odocob dana cajaca cunug agena cabi eu mefo, me qeefo ec foqagan.

2 Korin 4:17

Ge, egena culumen gahidoc eu saen nag bahic. Euqa culumen gahidoc i ceteh oso bilec catanec eu kobolkobol cahulecca oqannu saciadugena. Ceteh oqan eu ceteteh ben cunug wooladena.

Efesas 1:2

Memige Anutca Jisas Krais Tibudca alena eelgec uum igecca malol bilecca adesiale.

Kolosi 1:16

Ge, Anut uqa ceteteh cunug Melah ebenna ifanen. Uqa ceteh saona nijiaca, ceteh mahana nijiaca, ceteh foqonaca, ceteh qee foqonaca, kisna gagadic odocca, tibud eundecca, king bilecca, gabman cofadecca, eu cunug Melah ebenna ifanen. Anut uqa ceteteh cunug Melahnuha ifanen.

1 Tesalonika 3:13

Jic euna uqa age wawaga gagadic mudadigian. Eunu hibna egena Jisas Tibud gami uqana dana cajaca qagoc cunug hocobil age dewenega jeca qee qagoc bahic Memige Anut amegna tawoqagan.

Taitas 2:13

Cesusgegen ege ceteh Anut eeldon eu susumudi biluquna. Eu egena Anut Ben, Jisas Krais egena Cahahagec, uqa fulacdoc gagadic odocca camasac migiannu susumudi biluquna.

Hibru 10:27

Euqa ege geh cucuii gesiligec deel susumudi bileqan eu himec qa nijia. Odocob ja dain cahulec Anutna cad eundec cijadigiannu odi ciciji nijina.

Hibru 12:29

Ge, mele bahic: “egena Anut eu ja ben ceteteh cunug cijinawe,” en. (Loo 4.24)

Hibru 4:1

Anut uqa je hahun eu odi maden, “Age cois ijana jaen mudec cudun dunuh loqagan,” en eu qila bilia. Eunu ege cofdu cuhadoqale. Qee fefebil age gemonadec dana oso cahuldudu jaen mudec abusildoiaunnu.

Hibru 4:11

Eunu ege jaen mudec cudun euna leqannu gagadic moqale. Qee fifi dana oso age jejeg qee toodoc kobol eu wele odimeig fadalein eu odi fadaladeiaunnu.

Hibru 4:9

Eunu ege doqona, jaen mudec cuha deel oso eu Anutna dana cajaca sumadec bilina.

Hibru 9:28

Eu odi himec Krais uqa ihandumei dana cajaca cunug agena silail cagasiadigiannu cal mi osoldon. Odocob hibna uqa ni lecisdugian qa eu uqa silail cagasecnu qee neiaun. Uqa dana cajaca uqa cahahaadigiannu mele bahic sumudi bilegina eunu ni lecisdugian.

1 Pita 3:22

Jisas Krais uqa sao jobon ten, Anut eben meulana isec bilina. Odocob ensel cunugca, kis gagadic odoc cunugca, ceteh cunug gagadic odocca eu age Jisas Krais bisalu bilegina.

2 Pita 3:7

Euqa qila Anutna je euha taweia, eu odi. Sao mahaca qila bilesina eu jana cijigiannu saciadon nijia ec madena. Sao mahaca ale Anutna Gesiladec Deel Ben caligiannu sumudi bilesina. Deel euna dana cajaca age Anutna kobolna qee cobogina eu gesiladeceb fadaloqagan.

Jud Uqa Jaqec Je Oso Anutna Dana Cajaca Jaqiaden 1:7

Ageha Sodom Gomoraca jobon ale cemenelail eundecca eunu dogina. Agena dana age odoin eu odiwe ensel eu age odoin. Dana eu age wal kobol me qee bahic danaca odoin. Tibud uqa ameg me qee aden, odocob ja cijadeceb catanena. Eunu Tibud uqa ege eu fimeb ege wal kobol eu toodocnu cucuiuquna ec cisdoqannu odi odon.

Jahunec Je Camasac Muden 1:7

Feiga! Uqa taenna hona! Dana cunug age uqa fecidoqagan. Leih age catuwutecebil cal men eundec ageha fecidoqagan. Odocob dana sihul cunug maha inadec age uqanu qada qajoqagan. Eu odi caligian eu mele.

Jahunec Je Camasac Muden 14:10

uqaha Anutna gemag bec jigian, eu wain jenawe. Wain eu waca qee ibuldoc eu uqa gabinna basecdugian. Gabin eu uqana gemag bec eu am bigian. Dana eundec age dain adec ben oqagan. Jaca ja meen jan dainca ale ensel gunca Sipsip Nagca age amagana dana eu cijadowasan.

Jahunec Je Camasac Muden 14:13

Odocob ija sao jobonnadec jejeg oso dah mimigin maten, “Je i jaqagale. Dana cajaca age qila i hibnaca Tibudnu wawaga meleecna cal moqagan eundec ceeloqagan!” ten. Kis madena, “Eu mele! Anut agena cabi ocnu aig me wadacadigian Eunu age agena cabi oc culumenca eu culimeig jaen muduqagan,” ten.

Jahunec Je Camasac Muden 20:11

Odocob ija king bilec cabal senenec benca oso uqa euna bilinaca eu fem. Maha saoca ale uqa cemenugdec busali belesin. Age haun qee fecialowain.

Jahunec Je Camasac Muden 21:4

Uqa amaganadec amulunuga cunugca cacuadigian. Ceteh weledec eu cunug qee mi hedon. Eunu ono dana haun qee cal mowain, age walocca haun qee biluwain, age haun qee qajowain, age haun dain adecnu qee owain,” en.

Jahunec Je Camasac Muden 22:16

“Ija Jisas, ijana ensel uqa ceteh i age tamanec agena cuha jonana bilegina eu je qasali maadecnu suldom. Ija Dewid sihulnadec mel. Ija malaqa boei fulacdocca eu,” en.

Jahunec Je Camasac Muden 22:6

Odocob ensel eu maten, “Je i eu mele bahic, age je inu wawaga meleecnu ihoc. Anut Tibud uqa uqana Kis je hahun madec dana aden eu uqa uqana ensel uqana cewel oc dana cajaca cel ceteh isi caligian ec ihacadigiannu suldon,” ten.

Jahunec Je Camasac Muden 22:9

Euqa uqa maten, “Eu odi cain odogaun! Ija hinana cewel oc dana hijen oso, ijaha wawaga meleec cotogail eu age je hahun madec dana eu hijiga oso, ijaha cunug je buk ina nijia eu toodu cobogina eu hijiga oso. Anutnu himec cuha faga!” ten.

Jahunec Je Camasac Muden 6:11

Odocob Anut eundec osolosol lotoc cecelac senenecca adimei age aqeinwe odi agena cabi cotogailca wawaga meleec cotogailca age aqoqagan eu sanijec ihoc ligiannu age nag odi jaen mudeigale ec maaden.