2 Pita 2:6 - Bal cehec je haun

⁶ Odocob ageha dogina, Anut uqa madeceb Sodom Gomoraca jobon fadalesin. Uqa jana cijaleceb comis himec qahesin. Uqa hahun ihacadec biligiannu odi odon. Odocob dana cajaca age hibna caloqagan eu age Sodom Gomoraca ale Anutna kobolna qee cobocobil uqa odi fadalalen ec cisdoqagan. Odocob dana cajaca ageha Anutna kobolna qee cobocobilfi Anut uqa age fadaladigian eu odi uqa Sodom Gomoraca fadalalenwe ec cisdoqagan.

2 Pita 2:6 ပူးပေါင်းရင်းမြစ်များ

Jenesis 19:28

Odocob Ebraham uqa mecieceb Sodom Gomoraca isec non. Odimei maha cunug asouna nijen euha fen. Ja casuc ben bahic mahanadec sao ohis teten eu fen. Eu cinim manecebil casuc cajenawe eu odi fen.

Matju 10:15

Ija mele maadigina, Gesiladec Deel Benna jobon eu ameg me qee bahic ugian. Dana cajaca Sodom Gomora bilein eu ageha Gesiladec Deel Benna ameg me qee oqagan. Euqa jobon eu agena je hibemdogina jobon eu agena ameg me qee eu Sodom Gomora agena ameg me qee wooldugian,” aden.

Matju 11:23

Odocob Kapaneam agenu! Age Anut uqa sao jobon ohis ehadi tigian ec cisdoginafo? Qeeo, odoc kobolkobolca ija Kapaneam ono odom eu oso uqa Sodom ono odoubmiqa Sodom qila deel ina biloub. Eunu Anut uqa heladeceb oloqanihna noqagan!

Pol Uqa Jaqec Je Oso Rom Tamanec Jaqiaden 9:29

Odocob Aisaia uqa eunu wele je hahun maden eu odi: “Tibud Gagadicca uqa egena mel mel aidca am nag odi qee culadeceb biloubmi ege fadalgoub eu odiwe uqa Sodom Gomoraca fadaladoub,” en. (Aisaia 1.9)

1 Korin 10:11

Aria, ceteh i cunug dana cajaca ulauladecnu ageca calen. Euqa age dado migecnu jaqein. Eunu ege dana qila biluquna eu saen wele qee migian odonanu cisdoc igina.

Hibru 4:11

Eunu ege jaen mudec cudun euna leqannu gagadic moqale. Qee fifi dana oso age jejeg qee toodoc kobol eu wele odimeig fadalein eu odi fadaladeiaunnu.

Jud Uqa Jaqec Je Oso Anutna Dana Cajaca Jaqiaden 1:15

Tibud uqa dana cunug gesiladeceb agena ameg oqagannu hon. Odocob uqa dana cunug age Anut hibemdoin eundec odadeceb age kobol me qee cunug odoin eu agena cahuldoc tebandu cuhadoqagannu hon. Eu mele, dana eundec age Anut haun gehca hibemdogina. Silail dana age Tibud je me qee filfil madoin eu tebandu cuhadoqagannu Tibud uqa hon,” aden.

Jud Uqa Jaqec Je Oso Anutna Dana Cajaca Jaqiaden 1:7

Ageha Sodom Gomoraca jobon ale cemenelail eundecca eunu dogina. Agena dana age odoin eu odiwe ensel eu age odoin. Dana eu age wal kobol me qee bahic danaca odoin. Tibud uqa ameg me qee aden, odocob ja cijadeceb catanena. Eunu Tibud uqa ege eu fimeb ege wal kobol eu toodocnu cucuiuquna ec cisdoqannu odi odon.