2 Pita 2:1 - Bal cehec je haun

¹ Eu mele, uhulec je hahun madec dana leih wele Isrel dana cajaca gemona calein. Eu odiwe uhulec iwaladec dana ageha gemona caloqagan. Age jahunimeig uhulec iwaladec je filfil ahoqagan. Uhulec iwaladec je eu Anutna je qee toodoiaun. Dana age uhulec iwaladec je toodoqagaqa eu age fadaloqagan. Odocob uhulec iwaladec dana age Tibud uqa ceseli fajaden eu qee sasac qoqagan. Eunu Anut uqa mahuc bahic fadaladeceb qee moqagan.

2 Pita 2:1 ပူးပေါင်းရင်းမြစ်များ

Matju 10:33

Osoqa uqa dana amagana tatawi ijanu qee sasac qu madena, ‘Ija Jisas uqana malogom qee,’ ena eu uqanu ijaha Mei sao jobon bilina amegna madigen, ‘Dana i ijana qee,’ igen!” aden.

Matju 24:11

Uhulec je hahun madec dana matica ha camas mimeig age dana cajaca mati faninadi jic ceja qocna loqagannu dado madoqagan.

Matju 7:15

Jisas je haun maaden, “Age uhulec je hahun madec dana age sipsip ganac tacimeig eu age qee waadecnu odi ageca hogina. Euqa wawaga dunuhna age qa cus olohonogaca odi nijia, age me qee bahic odadoqagan. Eunu ageca hu qauadowainnu batut feigale.

Me Je i Mak Jaqen 13:22

Uhulec Kraisca uhulec je hahun madec danaca mati cali humeig age dana cajaca Anut nesili cedaden bilegina euha faninadoqagan imeig kobolkobol odoc filfilca gaga ben matica odoqagan.

Me Je i Luk Jaqen 12:9

Osoqa uqa dana amagana tatawi ijanu qee sasac qu madena, ‘Ija Jisas uqana malogom qee,’ ena eu uqanu Dana Melahha Anutna ensel amagana madigian, ‘Dana i ijana qee,’ igian!” aden.

Me Je i Luk Jaqen 21:8

Odocob Jisas maaden, “Matica age ija ijanina mamadi hoqagan, ‘Ija uqa,’ oqagan. Odocob ageha madoqagan, ‘Saen wele hoia,’ oqagan. Euqa cain tooadowain. Eunu oso hu faninadi dado madeceb agena jic ceja qocna lowainnu batut feigale.

Me Je i Luk Jaqen 6:26

Dana eu age asagail wele age je hahun madec dana age je cahuldoloig agenu ha je me bahic odi madoloig. Eunu age agenu dana je me bahic madegina eu walocca bilegina!” aden.

Pol Uqa Jaqec Je Oso Rom Tamanec Jaqiaden 16:18

Dana eundec egena Tibud Krais qee cewel utogina. Age agedodoc agena gale adec dewenega eu himec toodogina. Odimeig je tincana dana diadec jenaca dana wawaga meleec eu gagadicca qee eundec wawaga meleec temdocwe megina.

1 Korin 11:19

Anut uqa dana cajaca leih age gemo bilegina, age uqa amegna tutuc odogina, eu age camasac moqagannu gale dona. Eunu agena cegulecna qatanec bilegina eu mele bahic ec cisdugina.

Galesia 2:4

Eu mele qa leih age uqa deweg cagu qocnu ec madein. Dana eundec age uhulec wawige meleec cotigeil jahuni egena cegulec dunuh hoin. Ege Jisas Kraisca gabangec biluquna ege Juda agena loo jenu gihacdoc jona qee biluquna eunu age cijawi coboc danawe dunuh humeig fecigein. Age Juda agena loo jenu gihacdoc jona migecnu gale aden.

Galesia 3:13

Odocob Anutna je odi jaqec nijia: “Dana oso age nana caqusecebil caculimei cal mena eu geldoc on,” ec nijia. (Loo 21.23) Eunu ege, loo je ege geligen bibiluqun Krais uqa ege geligec euna qee biluqaunnu uqa hehulgimei egena geligec cudunna taweceb Anut uqa geulden, eu odina ceseli fajigi oigen.

Galesia 4:17

Dana age me je fil iwaladegina eundec age faninadecnu cabi ogina qa dana eundec age me qee odadecnu faninadegina. Age dana eundec cesuladecnu age faninadegina. Eunu age ijanu filiganadecnu odogina.

Galesia 5:20

eu kadan tibudnu cuha fec, eu ceeh jelec, eu cad coboc, eu je gicdodec, eu ceteh falian cadec, eu gemag bec, eu ija didih ii coboc, eu feedodec, eu am qatani filigandodec,

Efesas 1:7

Anutna eelgec uum igec eu ben bahic! Krais ege ceseli fajigecnu cal men. Uqa egena silail cagasigecnu uqa golac basecdocob nen. Eunu ege Kraisca gabandu biluqunanu ege besigec biluquna.

Efesas 4:14

Eunu ege mel sim cinigwe haun qee biluqaun, odocob je i faninadec dana age iwaladegina eu ege macas qahimei wagna cinigwe cain cecelgi lili huhu eiaun. Faninadec dana agena iwaladec je eu uhulec, eu dana agena cisdoc himec. Eu fufu cinigwe ege fulugeceb filfil ilag cain coboqaun.

Filipai 3:19

Age dewenega gale doc eu agena tibud. Age majanagaca qa agedodoc binanaga sulegina. Odocob age mahanadec cetehnu dih cisdogina. Eunu age hibna ja benna fadaloqagan.

Kolosi 2:18

Dana oso uqa ceteh oso codocna fenaca, uqa enselnu cuha fenaca, uqa uqadodoc ijan mahana uhuli mudinaca age dana eundec oso culdecebil age deweneganu je cain um aqimei agena ameg me oiaun. Dana eundec uqa deweg hilahna cisdoc toodona, odocob uqanel cisdoc eu tutuc bahic ec cisdona.

Kolosi 2:8

Gadgad dana oso uqa danana je docca uhulec je gaucca euna qauadeceb age uqana je toodu odowainnu age mecii cuhadoigale. Je doc eu dana wele bahic bilein eu agena, eu mahanadec tibud age dana eu iwaladein, odocob je doc eu ege qila biluquna egeca hoin. Euqa je doc eu Krais uqana je qee bahic.

1 Timoti 5:8

Euqa dana oso uqana eundec, uqa talacul, agena togo nijigiannu qee mede qona eu uqa wawige meleec cewudina. Mele bahic, uqa wawige qee meleec dana wooladec bilina, uqa dana me qee bahic.

2 Timoti 4:3

Ge, saen oso hugian, saen euna dana cajaca age mele je iwaladec dah mecnu olosadigian. Euqa age golanaga mahana cetehnu sililec eu ocnu wawaga nijigian. Age cajimeig agedodoc agena iwaladec mati bahic ehadecebil age je laloca gale adena eu maadoqagan.

Taitas 1:11

Age je madecnana ege wawige meleec dana leih aidagailca talaculunugail gami cunug agena wawaga meleec eu besiadegina. Age je madec i cain iwaladowain. Odocob age je i iwaladecna meen qaig ogina eu age majanagaca. Eunu hina agena je eu cahacadegan.

Taitas 3:10

Dana uqa fil cisdona, uqa tamanec qatanecnu cabi ona eu saen osolnafo, lecisnafo hina madi, cabi i cain ogaun, ecem uqa hinana je qee dah mecebfi dana eu hibemdoga.

Hibru 10:29

Eunu dana Anut Melah hibemdonanu age adi cisdogina? Anut uqa Krais golacna egeca bal je haun cehen. Dana eu uqa Kraisna ihanec golac eu dana qagoc muden eu cewudina. Euqa dana eu ihanec golac eu ceteh gauc ena. Odimei uqa Kis eelgec uum igina eunu kobol me qee bahic odona. Uqa ameg me qee wadacdoc ben ugian.

1 Pita 1:8

Age Jisas Krais qee felein qa age uqanu nalug megina. Age uqa qila qee fegina qa uqanu wawaga meleena. Agena wawaga meleec eu aig qona. Aig eu Anut uqa age dolonoga cahahadona. Odocob age uqanu celebo bahic egina. Agena celeboec eu ben bahic, eu celeboec cunug maha inadec wooldona, eu odi ege conigena qasali madecnu ihoc qee.

2 Pita 2:3

Odocob dana eu age ban falec dana bahic eunu age uhulec je mati agena qaig ceteteh diduadoqagannu madoqagan. Euqa wele bahic Anut dana eundec gesiladigiannu deel saciadon bilia. Odocob uqa fadaladigian. Aria, agena fadaladec qee us nijina. Tu gegeldon sumadi bilina.

1 Jon 2:26

Dana leih age uhuladoqagannu odogina eunu ija jaqiadigina.

1 Jon 4:1

O ijana danah bahic, je hahun uhulec madec dana mati bahic mahana cocobi hatu cunugna belegina. Eunu age je hahun madec dana cunug age ageca humeig madegina, “Anutna Kis uqa je i iten,” egina eunu cain meleowain. Euqa eu kis Anutnadecfo, qeefo eunu age kis cunug temadi feiga.

Jud Uqa Jaqec Je Oso Anutna Dana Cajaca Jaqiaden 1:18

Age odi maadein, “Cit qoc saenna lelanec dana age hoqagan. Age Anut hibemdumeig agena gale adec me qee toodoqagan,” adein.

Jud Uqa Jaqec Je Oso Anutna Dana Cajaca Jaqiaden 1:4

Dana leih age wele jahuni agena tamanecna dunuh hoin. Anut uqa wele bahic odi maden, dana eundec Anut gesiladeceb fadaloqagan ec maden. Dana eundec age ege Anutna eelgec uum igec om eunu ege wal kobol majanigeca qee odocnu eu cois ec madegina. Age egena Ben osol, egena Tibud Jisas Krais, eu qee sasac qogina.

Jahunec Je Camasac Muden 13:14

Kobolkobol eu Anut hawadocob odon euna uqa dool cus me qee matu amegna dana cajaca mahana bilegina eundec uhuladen. Uqa age eundec maadeceb age dool cus me qee matu age han sigin qeli qocobil cal men qa cebac bilina eunu ihicon qoin.

Jahunec Je Camasac Muden 2:13

“Ija hina ana biligina eu figina. Ge, Setenna king bilec cabal tawena euna biligina. Hina ija ijaninu gagadic hewagana, hina ijanu wawin meleec qee falicdol. Antipas eu ijanu gaid qasali madoloi age gemona Seten bilecna euna qocobil cal men saen euna ha ijanu wawin meleec qee qee sasac qolom,” hena.

Jahunec Je Camasac Muden 2:9

“Ija hinana cilehhec, hina cehewainca qee bilec eu figina, euqa hina cehewainca. Ija dana age madi, ege Judadec egina, qa age Judadec qee, age dewennu je me qee madegina euha figina. Eu age Setenna cuha jonadec.

Jahunec Je Camasac Muden 3:8

“Ija hinana odoc eu figina. Hina gagadic odoc nagca biligina qa ijana je toodu hewi bilem, hina ija ijaninu qee qee sasac qolom eu dugina. Faga, ija hina amenna jic cebec hudem, oso eu menecnu ihoc qee.

Jahunec Je Camasac Muden 5:9

Odimeig age due haun oso odi silein: “Age qihecebil cal mem. Hina hinana ihanec cal mecna Anutnu dana caja sihul filfilnadecca, je madec filfilnadecca, dewenega filfilnadecca, hatu filfilnadecca fajadem. Hina odadecem age nawel tawec ihanec dana ibuldoin, age cofaadi bibilebil egena Anut cewel utoin. Age mahamaha cunug agena king biluqagan Eunu hina jaqec je col qoc eu umeg uqana sisi mec libec wagaladecnu ihoc,” ein.

Jahunec Je Camasac Muden 6:10

Dolonogail eu age jejenega ben utai madein, “O Ben, hina gun, hinana ceteh cunug eu mele himec! Ege hina dana cajaca mahana bilegina age qigein eu gesiladimeg ameg wadacadogannu saen ganic sumudeqan?” ein.