2 Pita 1:12 - Bal cehec je haun

¹² Eu mele, age ceteh i cunug wele doin. Age mele je i wele oin, odocob age euna gagadic tawegina. Euqa age kobol eundecnu dahiniga celecdainnu ija kobol eundecnu agena cisdoc gaid fogo duadigen.

2 Pita 1:12 ပူးပေါင်းရင်းမြစ်များ

Aposel 16:5

Eunu tamanec ono eu agena wawaga meleec gagadic mimei deel abesabes cunug dana sanijadec fulusdoloi.

Filipai 3:1

O wawige meleec cotiel, ija je i edi ijana jaqiadec qee mudigen. Age Tibudca gabanadec eunu ceeleigale. Ija wele jaqiadem eu haun jaqiadecnu wawi culumenca qee. Ija odi odocominfi age gagadic tawoqagan.

Kolosi 1:5

Mele je eu me je ageca hahawan hocob age Krais Jisasnu wawaga meleeceb age ceteh me Anut uqa agenu saona gun hewi cofdona eunu dah mein. Ceteh me eu age ocnu sumudi bilegina. Eunu agena wawaga meleecca agena nalunuga mecca alena gug eu ceteh me age ocnu sumudi bilegina.

Kolosi 2:7

Agena bebeig uqa dunuh bahic ceheiga, agena cebac bilec uqa lalan ceheiga. Odocob agena wawaga meleecna odi age iwaladeinwe gagadic bahic meiga. Odocob age gaid Anut hegaga doigale.

1 Timoti 4:6

Hina je i wawige meleec cotigeil iwaladifeg hina Krais Jisasna cabi dana me calegan. Odocob hina wawin meleecnu iwaldoc jeca iwaldoc je eu hina toodu cobogonanu euha saniji docomfi hinana kis gagadic tawigian.

2 Timoti 1:6

Eunu ija hina dahin hewigina. Hina cabi ocnu duman Anutnadec ija ebeni ilom tatacan mecna ihem, eu tulidocob cebac biliale.

Hibru 10:32

Euqa age saen wele bileinnu cisdoiga, Anutna fulacdoc oin saen euna. Saen euna age cabi gagadic adein, odimeig age dewenega geh tudoin. Euqa age gagadic mein.

Hibru 13:9

Je filfil wawaga dunuh limei wawaga falicdocob Anutna jic culuwainnu Anutna eelgec uum igec ege wawige gagadic mudinafi eu me bahic. Wawige eu ege sab jecnu loo je filfil toodoqona euna gagadic odoc qee ona. Dana cajaca kobol eu toodogina eundec oso qee cesuladena.

1 Pita 5:10

Anut uqa eelgec uum igec cunug uqana gug. Uqa age Kraisca gabanadeceb age uqana gagadic odoc fulacdocca oqagannu utaaden. Gagadic odoc fulacdocca eu gaid biligian. Age culumen dain adec sogoecca saen gohicna dih gahidoqagan. Odocob hibna Anut uqadodoc age haun me madigian. Odimei uqa me madeceb tatawebil gagadicca biluqagannu hehadigian.

1 Pita 5:12

Sailas ebenna ija je gohic i jaqiadigina. Uqa ege wawige meleec cotige bahic ec cisdugina. Jaqec je ina ija kobol i Anut uqa dana cajaca cunug odadena eu uqana uum igec bahic ec cesusaadi maadigina. Anutna eelgec uum igec i mele bahic ec maadigina, age euna gagadicca taweigale.

2 Pita 1:13

Ija dugina, nag odi ija deweni i culigen. Egena Tibud Jisas Krais ceteh inu je hahun maten. Eunu saen cunugna ija deweni ina biligina ija agena cisdoc fogo duadigennu haun maadigen eu me bahic ec cisdugina.

2 Pita 1:15

Eunu ija ceteh inu maadecnu cabi gagadic ugina. Odocob hibna saen ija wele cal mecemin age je i saen cunugna ceteh inu haun ihoc cisdoqagan.

2 Pita 3:1

O ijana danah bahic, jaqec je i eu jaqec lecisdoc qila ija age jaqiadigina. Jaqec je lecis ina ija age je inu haun cisdoqagannu agena cisdoc tuliduadigina.

2 Pita 3:17

Eunu ijana danah bahic, age ceteh hib caligiannu doin. Eunu loo je tefacdoc dana agena uhulec iwaladec je eu diadeceb agena duuec tawec eunadec tonowainnu agedodocnu mecii cuhadoigale.

1 Jon 2:21

Ija age mele jenu qee dogina imig eunu qee jaqiadelem qa age mele jenu dogina eunu jaqiadigina. Odocob age uhulec je oso eu mele jenadec qee hol ec dogina eunuha jaqiadigina.

Jud Uqa Jaqec Je Oso Anutna Dana Cajaca Jaqiaden 1:17

Euqa ijana danah bahic, age wele egena Tibud Jisas Krais uqana aposel age ceteh hibna caligiannu je madein eunu haun cisdoiga.

Jud Uqa Jaqec Je Oso Anutna Dana Cajaca Jaqiaden 1:3

O ijana danah bahic, wele ija Anut ege ageca cunug osoben cahahagennu cabi ben onnu jaqiadimig maadigen imig geh bahic cisdom. Eunu qila ija jaqec je i edi jaqiadigen ec cisdom. Saen osolna dih Anut uqa ege uqana qagoc dana cajaca wawige meleec eu igen. Eunu dana leih age me je eunu ege wawige meleena eu falicdowainnu age me je eu tutuac gagadic oigale ec cesusadigina.

Jud Uqa Jaqec Je Oso Anutna Dana Cajaca Jaqiaden 1:5

Aria, qila age dahiniga celecdainnu agena cisdoc fogo duadigen. Age wele dogina, Tibud uqa Isrel dana cajaca Isip hatunadec cahahaaden. Euqa hedocob leih uqanu wawaga qee meleel eundec fadaladen.