2 Korin 9:11 - Bal cehec je haun

^11-12 Cabi i age ogina eu Anutna dana cajaca cesuladigian. Eu himec qee, eu odadeceb Anutna dana cajaca qagoc age Anut hetaga ec geh bahic madoqagan. Eunu Anut uqa ceteh geh bahic adigian, odocob age cotogail leih ceteh geh bahic adecnu ihoc biluqagan. Odocob egena cabina, agena bagol adec eunu dana cajaca age madi, ege Anut hegaga, doqona oqagan.

2 Korin 9:11 ပူးပေါင်းရင်းမြစ်များ

Matju 20:15

Ija ijana ceteteh wawi madec toodu siwecnu qee nijelfo? Ija nelinica odigina hina eunu gumunitagana eu coisfo?’ don,” aden.

Matju 25:17

Eu odiha dana kina 2,000 on eu uqa cabi ocna kina 2,000 haun ocob kina 4,000 men.

Pol Uqa Jaqec Je Oso Rom Tamanec Jaqiaden 12:8

Dana oso uqa dana cotugul wawaga gagadic tawecnu duman uteccafi eu uqa cois uqa dana cotugul wawaga gagadic tawec cabi hewigian. Dana oso uqa cotig ceteh utinafi waug lal qocca utigian. Dana oso uqa cabi cofdoc danafi uqa cofdoc cabi eu megameg mimi odigian. Dana oso uqa cotignu waug qocob cesuldonafi eu uqa ceelecca cesuldugian.

2 Korin 1:11

Eunu age Anut egenu inondodoig cesulgegina. Odocob Anut uqa egenu inondoc mati wadacdugian. Odocob Anut uqa ege eelgigian. Odocob mati age jejenega suli u egenu Anut hetaga doqagan.

2 Korin 4:15

Ge, ceteh i cunug eu age cesuladigiannu odona. Eunu Anut uqa dana cajaca mati bahic eeladec uum aadi cahahaaadi ihoc lelen conoga mati bahic Anut hetaga doqagan, odocob Anut binan ben wasigian.

2 Korin 8:16

Ege Anut hetaga doqona. Uqa Taitas tulidocob waug cajen. Odocob uqa ege cisdoqonawe odi cisdona. Uqa age cesuladecnu bahic gale dona.

2 Korin 8:19

Eu himec qee. Tamanec cunug age cotige i uqa ege gami cocobi meen qaig gabandocnu cabi i cesulgigiannu nesili ehudein. Ege Tibud binan sulecnu cabi i oqona. Odocob ege cabi i ocnu gale ben gena eunu dana ihacadecnu cabi i oqona.