2 Korin 7:6 - Bal cehec je haun

⁶ Euqa Anut, uqa dana dumanaga culen eu wahohogadena, uqa Taitas suldocob egeca hon. Uqa odon euna ege wahohoggen.

2 Korin 7:6 ပူးပေါင်းရင်းမြစ်များ

Matju 5:4

Dana age qada qajegina eundec Anut age wahohogadigian. Eunu age eeladecca bilegina.

Me Je i Jon Jaqen 14:16

Odocobil ija Memige Anut inondocomin uqa Tutuanaga Oc oso sulduadigian. Eu uqa ageca bileceb catanigian.

Pol Uqa Jaqec Je Oso Rom Tamanec Jaqiaden 15:5

Odocob Anut uqa wawige meleec gagadic tawecca wawige meleec gaid bilecca uqa cesuladeceb age Krais Jisasca gabandoc Kraisna cisdoc toodudu wawaga osol bileigale.

2 Korin 7:13

Odocob qila agena kobol i ege wahohoggeceb wawige lal qu nijia. Odocob ege wawige lal qu nijia eunu himec qee ceeloqona. Age cunug Taitas uqana jaen qoc eu odocobil qee men eunu waug ceelena. Eunu ege Taitasnu ha ceeloqona.

2 Korin 7:14

Wele ija agena kobol menu Taitas madudug Taitas amegna agenu culai madem. Odimig ijana je eunu majani qee tel. Euqa je cunug ege maadom eu mele. Eunu qila Taitas uqa dona, je i ege agenu culai madom ec uqa amegna madom eu mele.

2 Korin 7:7

Anut uqa Taitas suldocob egeca hon euna dih qee wahohoggel. Age Taitas uqa wahohogtein ec magen euha wahohoggen. Uqa age ija fecitecnu hoolegina ec magen. Odimei uqa age waloc adena ec magen. Odimei uqa age ijaca osoben wawige osol mi bilecnu geh cisdogina ec magen. Eunu ija qila gehca ceeligina.

Filipai 2:1

Age Kraisca gabanadec bilegina eu odadeceb gagadic megina, odocob uqana nalunuga mec eu wahohogadena. Age Kisca wawaga osol bilegina, odocob age wawaga meleec cotogailnu wawaga qocob cesuladegina.

1 Tesalonika 3:2

Odocob ele Timoti suldocohul uqa ageca len. Timoti uqa ege wawige meleec cotige, uqaha Anutna cewel utoc dana, uqa Kraisnu me je qasali maadec dana. Uqa age wawaga meleec cesuladecnuca, wawaga gagadic mudecnuca, suldocohul len.