2 Korin 7:11 - Bal cehec je haun

¹¹ Age cisdu cuhadoiga. Wawaga tuciec Anut aden eu odadeceb age kobol me filfil odogina. Eu tuliadeceb age mahucmahuc agena je tutuc mudecnu odoin. Eu tuliadeceb age qee cahuldoloin eunu ihacgecnu odoin. Age ceteh calennu gemanaga ben, odocob ceteh hibna caligiannu cucuiein. Eu tuliadeceb age ija fecitecnu hoolein. Eu tuliadeceb age ijanu je me madein, odocob age dana eu ijanu je me qee maden eu gesildoin. Age ceteh cunugna je i tutuc mudecnu odogina eu agena kobol eu odi camasac ihacena, age cahuldocca qee.

2 Korin 7:11 ပူးပေါင်းရင်းမြစ်များ

Me Je i Mak Jaqen 3:5

Odimei Jisas uqa talilaadi meciadimei gemag ben. Age wawaga tool ibuldon eunu waug me qee men. Odimei dana eu madon, “Hina eben heli huleldoga,” don. Odocob uqa eben heli huleldocob me men.

Me Je i Jon Jaqen 2:17

Jisas uqa odi odocob uqana malogom age Anutna jaqec jena je oso nijia cisdoin eu odi, “Hinana jonu ija deweni ninijec eu ji hedona,” en. (Buk Song 69.9)

Aposel 17:16

Odocob Pol uqa Sailas Timotica Atens taun ben ono sumali bibili uqa uhulec tibud agena kadan mati bahic taun ben eu cunug ihoc len eu odi feceb waug me qee men.

Pol Uqa Jaqec Je Oso Rom Tamanec Jaqiaden 11:20

Eu mele qa age wawaga mele qee el eunu qahaden. Euqa age wawaga meleena euna gagadic taweiga. Anut uqa na oliw batac bahic eu qee culadel. Eu odiwe uqa ageha qee culadeiaun. Eunu age cain fileowain. Age cois cumuneiga.

Pol Uqa Jaqec Je Oso Rom Tamanec Jaqiaden 14:18

Dana uqa ceteh eu odina Krais cewel utona Anut uqanu gale dugian. Odocob dana age uqa dana me bahic ec cisdoqagan.

Pol Uqa Jaqec Je Oso Rom Tamanec Jaqiaden 3:5

Odocob eu adi? Egena kobol tutuc qee eu Anutna kobol tutuc bahic eu camasac mudecebfi ege adi madeqan? Ege madi, Anut ameg me qee wadacgena eunu uqana kobol eu tutuc qee, eqanfo? (Ija danana cisdoc himec toodudu madiga.)

1 Korin 5:2

Euqa age dana cunug wooladoqona ec cisdogina. Age eetanu agedodoc ijanaga sulegina? Age deboec eu culimeig qajeiga, eu me bahic. Odimeig dana uqa wal kobol i odona eu ititacdocobil uqa age gami tamanecna cain biliaun.

2 Korin 13:7

Age cahuldoc oso qee odowainnu ege Anut inondoqona. Age ege aposel bahic ec foqagannu qee cisdoqona. Qeeo. Age ege aposel qee ec cisdoqaganfi eu odi fena. Euqa age kobol tutuc odoqagannu eu himec gale gena.

2 Korin 2:6

Mati age dana i tamanecnadec ititacdoin eu uqa ameg ihoc on.

2 Korin 6:4

Euqa ceteh cunug ege odoqona euna ege Anutna cabi dana eunu ihacadoqona. Ege culumen filfil egeca caleginaca, ceteh ege me qee odigeginaca, ceteh ege calawamigecnu odoginaca eu cunugna ege gagadic tawoqona.

2 Korin 7:1

O ijana danah bahic, je hahun i Anut maden eu ege wele om. Eunu ege kobol gegehinca cunug ege dewenige dolonigeca euna nijia eu wasacudimeb Anut cumundudu uqanu qagu coboqale.

2 Korin 7:7

Anut uqa Taitas suldocob egeca hon euna dih qee wahohoggel. Age Taitas uqa wahohogtein ec magen euha wahohoggen. Uqa age ija fecitecnu hoolegina ec magen. Odimei uqa age waloc adena ec magen. Odimei uqa age ijaca osoben wawige osol mi bilecnu geh cisdogina ec magen. Eunu ija qila gehca ceeligina.

2 Korin 7:9

Qilaqa ija ceeligina. Age wawaga me qee mennu qee ceeligina qa age wawaga tucieceb age agena kobolnu tului falicdoinnu ceeligina. Ge, age wawaga tucien eu Anut uqa odaden. Eunu egena je eu age nag odi me qee qee madel.

2 Korin 9:2

Ge, age cesuladecnu gale adenanu ija dugina. Odocob ija age binanaga susuli Masedonia amagana agenu culai maadem. Ija odi maadem, “Wele cabi gel osona tamanec Akaia hatuna bilegina eu age cabi i sanan mecnu wele saciadoin,” adem. Odocob Masedonia age Korin age cabi i ocnu gagadic megina ec dah mimeig age mati cabi i ocnu ha wawaga calen.

Efesas 4:26

“Age gemanaga bebeb cain silail mowain,” en. (Buk Song 4.4) Age gemanaga bebeb cam qee caji lec ninijeb gemanaga bodoeiale.

Efesas 5:11

Dana tucana kobol odogina eu ageca cain ihol mowain. Kobol tuca i edec uqana aig qoc eu gauc himec. Euqa age kobol tuca i dana cajaca cunug ihacadecebil camasac meia.

Filipai 2:12

Eunu, ijana danah bahic, ija ageca ono bilom saenna age ija coni gaid toodoloigwe eu odi qilaha ija ageca qee biluquna saenna ija coni toodu bahic toodoigale. Anut uqa wele cahahaaden. Anut uqa age dunuh gaid cabi ona, age uqana cisdoc toodocnu gale adena eunu gaid cabi ona, odocob uqana cisdoc toodu odocnu ihoc eunu ha cabi ona. Eunu age cucuii qeleli agena me bilecnu cabi eu gagadic oiga.

1 Tesalonika 4:6

Silail mec ina dana oso uqa cotig fanindumei kobol me qeena cain odudeiaun. Ege wele ceteh inu cunug Tibud uqa ameg me qee wadacadigian ec gagadic maadocomun doin.

1 Timoti 5:20

Cofadec leih age silail megina eundec cofadec matu cunug eu fimeig filiciti cucuii coboqagannu hina cofadec cunug amagana tutuc madec je maadagale.

2 Timoti 2:15

Hinaqa Anut amegna dewen jeca qee tawegannu cabi megameg mi cuhadogale. Hina cabi dana uqa cabinu nalug mena eu uqa majag docnu silig qee nijelwe eu odi cabi ogale. Oso, uqa mele je tutuc bahic iwaladenawe odi iwaladagale.

Taitas 3:8

Je i cunug eu mele. Dana cajaca age Anutnu wawaga meleen eundec age me odocnu gagadic cisdoqagannu hina ceteh inu gehca qasali maadegannu gale tena. Me odoc eu ceteh meca, eu dana cajaca cesuladena.

Hibru 4:1

Anut uqa je hahun eu odi maden, “Age cois ijana jaen mudec cudun dunuh loqagan,” en eu qila bilia. Eunu ege cofdu cuhadoqale. Qee fefebil age gemonadec dana oso cahuldudu jaen mudec abusildoiaunnu.

Jems 3:17

Euqa cisdoc silec sao ohisdec eu casac soidocca. Odocob eu malolca, gemag jocosaigca. Odocob eunu dana gami wawaga osolna bilegina, age dana leih agena je ihoc toodogina. Age wawaga qocca odocob kobol me odogina. Age dana cunugnu kobol me osol eu odadegina. Age qauadec kobol qee odogina.

1 Pita 1:17

Age Anut utadudu madogina, “Memige,” dogina. Memige eu uqa ege ijanigecafo, ijanigeca qeefo ec qee cisdona. Uqa ege dana osolosol cunug egena odoc himec ihocihoc gesiligina. Eunu age saen maha ina bilegina euna age gaid Anutnu cumunii coboigale. Age dogina, maha i agena jobon gug qee.

1 Pita 2:2

Ege doqona, mel momodo age su sugudocnu gale adena. Eu odiwe ageha mel momodowe age su cataniec Anutnadec sugudocnu gale adeiale. Su eu Anutna je, eu age dolonoga cesuldocob ben mimei cebac bilec haun Anut aden euna duuec tawigian. Odimei age Anutca me bilecebil cahahaadigian.

Jud Uqa Jaqec Je Oso Anutna Dana Cajaca Jaqiaden 1:23

Age dana leih jana bilegina eundec janadec cacawadimeig cahahaadeiga. Odocob dana leihnu wawaga qocob agena kobol toodocnu cucuieiga. Dana eundec age dewenega gale adec me qee toodoin, odocob age gegehinca bahic eu ihoc leceb agena lotoc cunug euha gegehinca bahic men. Age ceteteh i gegehinca bahic eunu batut feigale.

Jahunec Je Camasac Muden 3:19

Dogina, ija age nalunuga migina eundec qisaadigina, eundec ulauladigina. Eunu hina wawin falicdu megameg mimi tutuc mudagale,” hena.