2 Korin 5:15 - Bal cehec je haun

¹⁵ Odocob dana cebac bilegina age agedodoc cebac qee biluwainnu Krais uqa hehuladi cal men. Euqa age Kraisnu cebac biluqagannu uqa cal meceb Anut uqa tulidocob ceseli cajen.

2 Korin 5:15 ပူးပေါင်းရင်းမြစ်များ

Me Je i Luk Jaqen 1:74

Eunu Anut magen, ‘Ija agena cad eunadec cahahaadigen. Age cucuiecca qee ijana cabi dana biluqagan.

Me Je i Jon Jaqen 5:24

“Ija je mele maadigina, oso ijana je dugiaqa, sulten eu uqana jenu waug meleigiaqa, eu uqa cebac bilec catanec wele on. Uqa gesildocna qee leiaun qa uqa cal mecnadec cebac bilecnana wele leti len,” aden.

Me Je i Jon Jaqen 6:57

Memige Anut cebac bilec gug bilina, uqa ija sulteceb ijaha uqanu cebac biligina. Eu odiwe oso uqa jeitina eu uqa ijanu cebac biligian.

Pol Uqa Jaqec Je Oso Rom Tamanec Jaqiaden 12:1

O wawaga meleec cotiel, gug eunu ija niniadigina. Age Anut agenu waug qona, eunu age dewenega Anutnu ihanec cebacca ninijeb odiwe uteigale. Ihanec eu gunca Anut gale docca nijiale. Eu agena Anut cewel utoc bahic nijiale.

Pol Uqa Jaqec Je Oso Rom Tamanec Jaqiaden 4:25

Anut uqa Jisas suldocob nimei egena silailnu cal men. Odocob Anut ege dana cajaca ititom ec magigiannu uqa Jisas cal mecnadec haun tulidocob cajen.

Pol Uqa Jaqec Je Oso Rom Tamanec Jaqiaden 6:2

Qee bahic! Ege cal mecwe mimeb silail kobol eu wele culom. Odocob eu adi ege silail kobolna gaid biluquna?

Pol Uqa Jaqec Je Oso Rom Tamanec Jaqiaden 6:6

Ege odi doqona, silail uqana kobol ege dewenigena cabi ona eu qee mudigiannu, odocob silail kobol eu ege uqana cabi dana haun cain biluqaunnu ege wawige hilah eu wele Krais Jisasca gabandumeig na babalecna tuitu qocobil cal mesin.

Pol Uqa Jaqec Je Oso Rom Tamanec Jaqiaden 8:10

Silailnu age dewenega wele cal men eu mele. Euqa Krais age dunuhna bilecebfi age wele dana cajaca ititom calein. Eunu age dolonoga eu cebac bilina.

1 Korin 10:33

Anut uqa dana cajaca cunug cahahaadigiannu gale tena. Eunu ijaha dana cunug ija kobol cunug odigina eunu gale adigiannu odigina. Ijadodoc me mitecnu cabi qee ugina. Ija dana mati age me madecnu cabi ugina.

2 Korin 12:10

Eunu Kraisna cabi inu ija gagadicca qee, odocob dana age ijanu je me qee madegina, odocob ija cabi giagi mudigina, odocob dana age jabiti tootootegina, odocob ija culumen ben bahic gahidugina. Ge, ija gagadicca qee biligina saen euna ija gagadicca.

2 Korin 3:6

Anut uqa odigeceb ege bal cehec je haunna cabi dana biluquna. Loo je jaqec eu dana aqeceb cal megina qa Kis eu cebac bilec dana adena. Eunu Anut uqa bal cehec je haun i loo jena qee jaqel qa uqa Kisna jaqen.

2 Korin 5:16

Eunu ege qila dana oso dewegna odona eu fimeb uqana odoc eu mefo, me qeefo ec qee gesili madoqona. Eu mele, ege wele Krais dewegna cocobon fimeb uqana odoc ege gesili madom qa qila ege uqanu odi qee gesili madoqona.

Galesia 5:25

Kis uqa ege cebac bilec igen eunu culdocomun egena jic coboc ha uqa dado mudigian.

Efesas 4:17

Aria, ija Tibud ijanna je i ulauladigina, age haiden dana agena kobolna cain cobowain. Haiden age wawaga eu tahac qon. Eunu agena cisdoc eu ceteh gauc, agena cisdoc eu tuca. Eunu age Anutnu docca qee bilegina, odocob age Anut cebac bilec igina euna qee bilegina.

Efesas 5:14

Odocob ceteteh cunug camasac mena eu fulacdoc ibuldona. Eunu leih age je i madegina: “O dana us nijigina, hina camali cajaga! Hina cal mecnadec cajecem Krais uqa fulacdoc ihigian,” egina.

Kolosi 2:12

Odocob age wa joc oin saen euna age Kraisca heel cisadein. Odocob age wa jocna ha age Kraisca ceseli cajein, eu Anut uqa Krais tulidocob cal mecnadec ceseli cajen eu uqana gagadic odiodiecnu wawaga meleecna age ceseli cajein.

Kolosi 3:1

Age Kraisca osoben cal mecnadec ceseli cajein. Eunu age ceteh sao ohisna isec nijia eu ocnu ebebaceigale. Ono Krais kingna cabalna bilina, uqa Anut eben meulana isec bilina.

Kolosi 3:17

Ceteteh cunug age odoginaca je madeginaca eu Jisas Tibud ijanna odoigale. Age odi oodoig age Jisas umna Anut ege Memige hegaga doigale.

Kolosi 3:23

Age cel cabi ogina eu odocnu megameg meigale. Age dananu cabi oginawe cain odowain qa Tibudnu cabi oginawe odi odoiga.

1 Tesalonika 5:10

Jisas uqa ege cebac biluqunafo, qee ege cal mec biluqunafo ege uqaca cebac bileqannu egenu cal men.

Taitas 2:14

Uqa ege silail cunugnadec ceseli fajigecnuca, uqa uqadodocnu dana cajaca sihul soigeceb ege me odocnu megameg moqona eu uqana bahic bilocomun catanigiannuca uqadodoc egenu men.

1 Pita 4:6

Ge, gug inu Krais uqa dana cajaca cal mein euha me je qasali maaden. Anut uqa dewenegana gesiladeceb age danawe cal mein euqa age kisna Anutwe cebac biluqagannu me je qasali maaden.

1 Jon 4:9

Anut uqa Melah osol himec. Odocob Anut uqa ege uqanu cebac bilec oqannu Melah osol eu suldocob mahana nen. Kobol euna Anut uqa egenu nalunige geh bahic mena euna ihacgen.