2 Korin 4:6 - Bal cehec je haun

⁶ Ge, Anut uqa wele maden: “Fulacdoc tu gemonadec cali hoiale!” en. (Jenesis 1.3) Uqa madeceb ege wawigena fulacdoc bahic ileten. Eunu ege Krais ola fimeb ege Anutna gagadic odoc fulacdocca om.

2 Korin 4:6 ပူးပေါင်းရင်းမြစ်များ

Jenesis 1:3

Odocob Anut madeceb, “Camajac calagale,” eceb camajac calen.

Me Je i Luk Jaqen 10:22

“Mei uqa ceteteh cunug ija ebenina men. Dana oso uqa Anut Melah uqana gug qee du cuhadona. Euqa Memige Anut himec uqa Anut Melah uqana gug du cuhadona. Dana oso uqa Memige Anut uqana gug qee du cuhadona. Euqa Anut Melah himec uqa Memige Anut uqana gug du cuhadona. Odocob Anut Melah eu uqana gale docna dana oso Memige Anutna gug ihacdona euha Memige Anutna gug du cuhadugian,” en.

Me Je i Jon Jaqen 1:14

Je eu dana deweg ibuldumei ege gemona jo cehi bilen. Uqa Anut amegna me bilecca mele bilecca am bec. Ege uqana kobolkobol fom. Kobolkobol eu Memige Anut Melah osol uqana, Memige Anut uqa suldocob nen.

Me Je i Jon Jaqen 11:40

Odocob Jisas madon, “Ija hina, hina wawin meleecebfi hina Anutna kobolkobol fegan ec qee mahelemfo?” don.

Me Je i Jon Jaqen 12:41

Aisaia uqa Jisas uqana kobolkobol ugian eu fen eunu uqanu je eu maden.

Aposel 26:18

Hina eu age amaga hulelduadecem age tu hibemdumeig fulacdocna falicdoqagan. Odocob Setenna gagadic odoc culimeig Anutca hoqagan. Eunu ijanu wawaga meleeceb agena silail cagasiadecemin agena cudun Anut dana qagu maden ageca oqagan,’ ten,” en.

1 Korin 12:8

Kis uqa dana oso je cisdoc silecca maadecnu duman utina. Odocob Kis uqa dana oso doc meca maadecnu duman utina.

2 Korin 2:10

Odocob age dana oso uqana silail dahiniga celecebfi ijaha uqana silail dahini celigian. Odocob dana oso uqa cahuldon eu ija uqana silail dahini celigian ec mele nijecebfi eunu ija Krais amegna age cesuladigennu dana i uqana silail dahini celigian.

2 Korin 3:18

Odocob ege cunug, ege olanige jahuldocca qee biluquna, ege Tibud fulacdoc gagadic odocca foqona. Odocob Tibudna fulacdoc eu ege too qigimei fulacdocca ibulgena. Odocob ege fulacdoc eu haunhaun umeb ege Tibudwe caloqona. Ge, fulacdoc gagadic odocca eu Tibudnadec hona, odocob Tibud uqa Kis.

2 Korin 4:4

Seten, uqa mahanadec uhulec tibud, uqa iletec eu Krais gagadic odoc fulacdoccanu me je maadecnadec cali hona fowainnu uqa dana eundec age wawaga qee meleena agena cisdoc cufa quadeceb tucana bilegina. Krais uqa Anut wican bahic.

Efesas 1:17

Ija agenu Jisas Krais egena Tibudna Anut, uqa Memige fulacdoc benca gagadic odocca, odi inondugina. Anut uqa doc silecca cisdoc fogo adecca adeiale, odocob age uqanu du cuhadoqagannu ec inondugina.

Efesas 1:18

Ija Anut agena cisdoc fogo duadeceb eu age fulacdocca foqagannu gale tena. Eunu age uqana dana cajaca bilegina eu age cel ceteh me age ocnu utaaden eunu sumudi bilegina ec doqagan. Odocob age Anutna dana cajaca qagu bilegina eu cehewanaga me bahic hibna adigian ec mugumuga mec je maden eunu doqagan.

Efesas 5:8

O Efesas, age wele tucana biloloig, qilaqa age Tibud uqa uqana fulacdocna madeceb euna bilegina. Eunu age dana cajaca fulacdoccana bileginawe coboigale.

Filipai 2:6

Uqa Anut ihoc bilen, euqa uqa Anutwe bilecnu hewihewidocnu waug qee bilel.

Kolosi 1:15

Ege Anut fecwe qee euqa Anut Melah ege fecnu ihoc qa uqa Anut. Uqa ceteteh cunug Anut ifanen eu agena matu bilia.

1 Tesalonika 2:12

Ege agena cisdoc duuec tawecnuca age wawaga gagadic mecnuca je maadom. Age cebac bilec Anut uqa gale dona eu cobocnu je gagadic maadom. Anut eu uqa age uqana culna limeig Anut agena king bilecnuca uqana me bilec ocnuca utaaden.

Hibru 1:3

Melah uqa Anut meca bahic ihacgena. Uqa Anutca ale caca, uqa Anut cinigwe. Odimei uqa je gagadic odocca madeceb ceteteh cunug gaid gagadic tawena. Odimei uqa dana cajaca cunug agena silail cacuadi hedumei uqa sao jobon ono King Meca Bahic uqa eben meulana isec bilen.

Hibru 6:4

Dana leih age wele Anutnu fogo doc eu oin. Age bagol adec sao jobon ohisdec ageca nena eu wele jein. Odocob Kis Gun ageca wele nen. Eu age wele Anutna je temdumeig doin eu me bahic. Age Anutna kobolkobol odocca gesiladec gagadic odoc eu deel hib cit qocna ha eu odi caligian ecca wele doin. Dana eundec age wawaga meleec culecebilfi adi haun tului falicdocobil wawaga meleigian? Kobol eu odina eu agedodoc Anut Melah haun na babalecna tuitu qocobil cal mena. Odimeig age dana amagana uqa qesaldoqaga bili odi odogina. Eunu dana eundec age haun ceseli humeig wawaga falicdocnu jicca qee.

1 Pita 1:12

Euqa Anut uqa je hahun madec dana eu age je hahun inu agenel cesuladecnu qee nijel ec maadeceb doin. Je hahun i agena saenna qee camasac meiaun ec maadeceb doin. Euqa agena je hahun eu Anut uqa age qila hatu ilag bilegina eundec cahahaadigiannu maden. Anut uqa Kis Gun sao jobondec suldocob nen. Odocob dana sos age Kis Gunna gagadic odocna Jisas Kraisnu me je qasali maadecebil doin. Ensel ageha Anut uqa adi uqana dana cajaca cahahaadigian ec foqagannu gale adena.

1 Pita 2:9

Euqa age Anutna dana cajaca hatu ilagna bilegina eu wele age Anutna waug qoc qee oloin. Odimei age dana cajaca gauc bilein. Qilaqa age Anutna waug qoc eu oin, age Anutna dana cajaca bahic bilegina. Age Anut kobol me cunug uqa age odadennu qasali madoqagannu wele nesili cedaden. Qila age Anutna dana cajaca sihul bilegina. Age kingna nawel tawec ihanec dana bilegina. Age dana cajaca gun bilegina. Uqa age utaadeceb age tuca wele bilein eu culecebil uqa age ehadeceb age uqana fulacdoc me bahicna dunuh hoin.

2 Pita 1:19

Odocob ege je hahun madec dana wele bilein agena jenu gagadic bahic wawige meleecnu ihoc. Agena je eu adi Jisas Kraisnu wawaga meleecnuca, adi cobocnuca cesuladena. Agena je eu gowoc cudun tuna gogowi bilina cinigwe. Eu gogowi bibilen li walag dadaneb malaqa boei age wawaga dunuh wasigian. Eunu ageha agena je gagadicca hewifeig eu me bahic.