2 Korin 2:14 - Bal cehec je haun

¹⁴ Qilaqa ija Anut hetaga dugina! Ge, Krais uqa na babalecna tibud me qee gagadic odocca agena gagadic odoc cagasi qee mudimei hannu wooladen. Krais hannu wooladen eunu Anut uqa ege uqana gihacdoc dana iwalgigi ehigina. Odocob Anut uqa ege odigeceb Kraisnu me je madocomun dana cajaca cunug Kraisnu dogina. Kraisnu doc eu dedeman tinca cinigwe anaana cunugna nuina.

2 Korin 2:14 ပူးပေါင်းရင်းမြစ်များ

Me Je i Jon Jaqen 16:33

Ija je i age ija dunuhna bibili malolca biluqagannu maadem. Age mahana bilecnana wawaga sogoecca biluqagan. Euqa ija maha wooldom eunu age wawaga toogdoiale,” aden.

Pol Uqa Jaqec Je Oso Rom Tamanec Jaqiaden 1:8

Ija je i casac maadigen. Dana cajaca age maha cunugna bilegina, age cunug wawaga meleecca bilegina eunu dogina. Eunu ija agenu Jisas Krais umna ijana Anut hetaga dugina.

Pol Uqa Jaqec Je Oso Rom Tamanec Jaqiaden 15:19

Ija cabi eu gaga odocnaca kobolkobol odocnaca Kis Gunna gagadic odocnaca odom. Eunu ija Jerusalem ono sanan mimig Kraisna me je cunug qasali mamadig cocobi nui Ilirikam hatu cunugna nuem.

Pol Uqa Jaqec Je Oso Rom Tamanec Jaqiaden 6:17

Mele, wele age silail kobolna cabi dana bilein qa hibna age Anutna je gadac dah mimeig age wawaga meleeceb je eu qila tutuc bahic toodogina. Eunu ege Anut hegaga doqale!

Pol Uqa Jaqec Je Oso Rom Tamanec Jaqiaden 8:37

Eu odi qee! Ege ceteteh i cunug egeca calecebfi dana uqa nalunige mena cesulgeceb ege ceteteh i cunug wooldoqan.

1 Korin 12:8

Kis uqa dana oso je cisdoc silecca maadecnu duman utina. Odocob Kis uqa dana oso doc meca maadecnu duman utina.

1 Korin 15:37

Odocob isi deweg haun migian eu qee cehagana. Hina wit aigfo, aig fil osofo cehaganafi hina cabina goman isi wasigian eu qee cehagana qa aig himec cehagana.

1 Korin 15:57

Euqa egena Tibud Jisas Krais cesulgeceb ege cal mec wooldoqona eu Anut igina. Eunu ege Anut hegaga doqona.

2 Korin 1:11

Eunu age Anut egenu inondodoig cesulgegina. Odocob Anut uqa egenu inondoc mati wadacdugian. Odocob Anut uqa ege eelgigian. Odocob mati age jejenega suli u egenu Anut hetaga doqagan.

2 Korin 8:16

Ege Anut hetaga doqona. Uqa Taitas tulidocob waug cajen. Odocob uqa ege cisdoqonawe odi cisdona. Uqa age cesuladecnu bahic gale dona.

2 Korin 9:15

Bagol igec i Anut uqa igen eu ben bahic. Odocob ege cunug eunu je madecnu ihoc qee. Ege bagol igec inu Anut hegaga doqale.

Efesas 5:2

Age wawaga meleec cotogailnu nalunuga mecna coboigale. Eu odiwe Krais uqa egenu nalunige mimei uqadodoc cebac bilec culimei Anutnu ihandon. Ihandoc eu dedeman me bahic wasena.

Efesas 5:20

Age saen cunugnu ceteteh cunugnu egena Tibud Jisas Krais ijanna Anut Memige gaid hegaga doigale.

Filipai 4:18

Ceteteh cunug ihocca geh bahic eu ija agenadec wele cedem. Ija wele am bem. Age bagol itec Epafrodaitas ebenna ija suldutein eu ija wele om. Bagol itec eu, eu ihanec dedeman me wasenawe age Anut utegina. Anut uqa ihanec i cois imei ona. Anut uqa ihanec i cinigwe ona eunu uqa waug ceelena.

Kolosi 1:23

Euqa age wawaga meleec gagadic hewimeig duuec taweiga. Odocob ceteh oso age diadeiaunnu age ceteh me ocnu sumudi bilegina eunu me je wele doin eu dahiniga cain celeiaun. Ija Pol, ija me je uqana cabi dana calem. Odocob me je eu, age dana cajaca cunug mahamaha bilegina eu qasali maadein.

Kolosi 1:6

Me je eu ageca hon. Dana cajaca ageha mahamaha cunug me je maadec cabi ogina. Odocob dana cajaca mati bahic age me je dah mimeig wawaga meleen. Me je eu dana cajaca mati bahic age gemona li hunawi ihoc lena. Kolosi ageha hahawannadec Anutna eelgec uum igec eu mele bahic ec dah mimeig me je eu age gemona li hunawi ihoc lenwe.

Kolosi 2:15

Odocob Krais uqa na babalecna tibud me qee agena iloiloca tibud me qee gagadic odocca agena gagadic odoc cagasi qee muden. Odimei uqa age wooladimei iwalaadi ehadeceb age dana cunug amagana ceteh gauc cinigwe toodu coboin.

1 Tesalonika 1:8

Eu Tibudnu je madec eu cali humei agenadec himec Masedonia Akaiaca qee lel qa agena Anutnu wawaga meleecnu je eu cudun cunugnana nuen. Eunu ege je madecnu nijia eu qee bilel.

1 Tesalonika 3:9

Ege qila agenu Anut hegaga doqale. Ege agenu egena Anut amegna ceeloqona eunu hegaga doqona.

1 Timoti 2:8

Ija maadigina, dana cunug age tamanec jonana inondoigale. Dana eu age Anut ijan saolal mumudi ebenega suli u inondoigale. Age inondodoig gemanaga becca fee dadanecca qa cain bahic odowain.

2 Timoti 2:2

Je ija dana mati amemeg maaadigin dom eu umeg dana me nalug mecca leih cofdocnu ebenegana magale. Odocob dana eundec age dana leihha iwaladecnu ihoc.

Jahunec Je Camasac Muden 7:12

Age odi madein: “Mele bahic! Ege egena Anut uqa kobolkobolca, doc silecca, binanca, gagadic odocca, hihibanca eunu ege gaid eeldocomun catanena, ege hegaga ec gaid madocomun catanena! Mele bahic!” ein.