2 Korin 13:8 - Bal cehec je haun

⁸ Ege mele je cilehdocnu ceteh oso odocnu ihoc qee. Ege mele je cesuldocnu himec cabi ocnu ihoc odoqona.

2 Korin 13:8 ပူးပေါင်းရင်းမြစ်များ

Me Je i Mak Jaqen 9:39

Euqa Jisas maaden, “Oso uqa ijanina kobolkobol odimei uqa saen nag gieceb ijanu je me qee madecnu ihoc qee. Oso uqa ege qee me qee migina eu egenu tawena. Ija mele maadigina, oso age Kraisna eundecnu cesuladimei wa gab oso adena eu uqa hibna ameg me bahic ugian. Eunu age cain cahacdowain,” aden.

2 Korin 10:8

Jisas Krais Tibud uqa age ege ebenigena maden. Uqa ege fadaladeqannu cabi qee igel qa uqa ege agena wawaga meleec gagadic mecnu cabi igen. Eunu ege cabi i oqona eunu ija ege binanige nag suliginafi ija eunu majani qee tena.

2 Korin 13:10

Tibud uqa ija uqana cabi cofdocnu miten, odimei uqa ija cabi i ihoc ugennu gagadic odoc iten. Ija agena wawaga meleec gagadic mudecnu Tibud uqa cabi i iten. Ija age fadaladecnu uqa cabi i qee itel. Eunu ija ageca humig ija agena kobol tutuc mudecnu je gagadic qee maadigaunnu qila ija onoca bibilig je i jaqiadigina.

2 Korin 13:7

Age cahuldoc oso qee odowainnu ege Anut inondoqona. Age ege aposel bahic ec foqagannu qee cisdoqona. Qeeo. Age ege aposel qee ec cisdoqaganfi eu odi fena. Euqa age kobol tutuc odoqagannu eu himec gale gena.

2 Korin 13:9

Ege lasdocca qa age gagadicca eunu ege ceeloqona. Odimeb ege agena wawaga meleec eu haun gagadic tawigiannu Anut inondoqona.

1 Timoti 1:20

Dana eundec gemonadec oso Haimeniasca Aleksandaca. Dana eu ale ulaulaleceb ale Anutnu je me qee madesina eu culuwasannu ija Seten ulaulaligiannu ebenna culalitom.