2 Korin 13:11 - Bal cehec je haun

¹¹ O cotiel, ceeleigale! Age cabi ooig kobol tutuc bahic odoigale. Age ijana je dah meiga. Age cisdoc osol dih hewimeig wawaga malolca bileigale. Odocob Anut nalunuga mecca malol bilecca uqa ageca biligian.

2 Korin 13:11 ပူးပေါင်းရင်းမြစ်များ

Jenesis 37:4

Odocob Josef waliagul age memega Josefnu nalug ben bahic men eu fimeig age uqanu gemanaga ben. Eunu age je me bahic madocnu eu wawaga qee nijoloi.

Jenesis 45:24

Odimei uqa waliagul suladeceb belein. Age bebelegin uqa maaden, “Age jicna cain fee dadanowain,” aden.

Matju 1:23

“Feiga, mel aid taula oso waugca mimei mel basigian. Odocob age mel eu ijan Emanjuel qoqagan,” en. (Aisaia 7.14) Je eu Anutna jaqec je tawena. (Ijan Emanjuel eu uqana gug eu, “Anut egeca biluquna.”)

Matju 5:48

Age Memega sao jobon bilia eu uqa odoc me ihoc lec bilina. Eunu ageha agena odoc me ihoc lec bileigale,” aden.

Me Je i Mak Jaqen 10:49

Jisas tului tawimei dana cajaca maaden, “Utadocobil hoiale,” aden. Odocob age dana ameg galuc mec eu utadu madoin, “Uqa hina utahena. Hina wawin toogdoiale. Cajaga,” doin.

Me Je i Mak Jaqen 9:50

“Macas eu me bahic qa uqana tin tebandoc eu qee mecebfi age adi uqana tin tebandoc weledec eu haun muduqagan? Age dool cuhunugana macas mecebil gaid me bilina eu odiwe age agedodoc wawagana macas mecebil cotogailca malol bileigale,” aden.

Me Je i Luk Jaqen 9:61

Odocob dana oso madon, “O Tibud, ija hina toohigenqa casac cultecem ija cotiel odio adecemin,” don.

Me Je i Jon Jaqen 17:23

Ija age dunuhna biligen, hina ija dunuhna bilegan, age deweg osol bahic moqagannu adem. Eu odocna mahanadec eundec age, hina ija sultem eunuca hina ijana eundec nalunuga magana, hina ija naluni maganawe eunu wawaga fogo dugian,” don.

Aposel 15:29

Age kadan tibud ihanecnadec sab cain jowain. Ceteh golacca eu cain jowain. Dool benega coldocobil cal men eu cain jowain. Dana uqa caja qee oc cajaca cain nijuwasin. Age ceteteh i ilag qee odifeig eu age me odoqagan. Odio,” adein.

Aposel 18:21

Euqa uqa odi maaadi cuculadi nuen, “Anutna waug odi nijecebfi ija ageca haun ceseligen,” aden. Eunadec Efesas ono wag umei Sisaria taun nuen.

Aposel 23:30

Odocob saen ija Juda dana leih uqa qagadocnu saciadogina ec dumignu hinaca mahuc suldocomin hoia. Ija dana age uqanu um qoin eu age eetanu uqa hewudein eu hina amenna madoqagannu je gatiti maadem,” don.

Pol Uqa Jaqec Je Oso Rom Tamanec Jaqiaden 12:16

Age wawaga osol meceb coboigale. Cain deboii cobowain, age jogoii coboigale. Age agedodocnu ege dahinige qolocijec cahulec cain owain.

Pol Uqa Jaqec Je Oso Rom Tamanec Jaqiaden 12:18

Agena odocna jiccafi dana cunug gami wawaga osol mimeig bileiga.

Pol Uqa Jaqec Je Oso Rom Tamanec Jaqiaden 14:19

Eunu ege kobol cunug euna malol biluquna eu toodocnu. Odocob kobol cunug cotige waug meleec gagadic mudecnu euha cesuldocobdocoboqale.

Pol Uqa Jaqec Je Oso Rom Tamanec Jaqiaden 15:13

Anut uqa cahahagecnu sumudi biluquna uqa uqanu wawaga meleecna odadeceb age ceelecca malol bilecca wawagana ihoc leiale. Eunu Kis Gunna gagadic odocna Anutna saen me ageca hugiannu sumudegina eu age wawagana cunug ihoc ligian.

Pol Uqa Jaqec Je Oso Rom Tamanec Jaqiaden 15:33

Anut uqa egena malol bilec uqa ageca cunug biliale. Mele.

Pol Uqa Jaqec Je Oso Rom Tamanec Jaqiaden 16:20

Odocob Anut uqa malol bilec eu saen nag odi Seten lahacdocob jaimaga bisalu nugian. Egena Tibud Jisas Krais uqana eelgec uum igec eu ageca biliale.

1 Korin 1:10

Ija wawige meleec cotiel, ija egena Tibud Jisas Krais ijanna age gemona cel je madegina eu age wawaga osol migiannu niniadigina. Eunu age gemona qatani nahanaha doc cain biluwain. Age cisdoc osolca wawaga osolca gabandoigale.

2 Korin 1:4

Uqa culumen cunug egeca calena euna wahohoggena. Eunu ege leih age culumen filfilna bilegina eu wahohogadecnu ihoc eu odiwe Anut wahohoggena.

2 Korin 13:14

Egena Tibud Jisas Kraisna eelgec uum igecca, Anutnu nalunuga mecca, eu ageca cunug hu biliale. Odocob Kis Gun uqa ageca osoben bileigale.

2 Korin 13:9

Ege lasdocca qa age gagadicca eunu ege ceeloqona. Odimeb ege agena wawaga meleec eu haun gagadic tawigiannu Anut inondoqona.

Efesas 4:12

Uqa Anutna dana cajaca qagoc age Anutna cabi ocnu saciaadugia bili eu odi odon. Odocob uqa tamanec, eu Krais deweg, ceheceb gagadic tawigiannu odi odon.

Efesas 4:3

Kis uqa ege wawige osolna bilecnu kobol igina, odocob kobol i ege haluna cinigwe libigecebil ege sihul osolna malol biluquna. Eunu age kobol i hewecnu gagadic meigale.

Efesas 6:23

Malol bilec ageca biliale. Memige Anutca Jisas Krais Tibudca ale cesuladecebil age wawaga meleeceb wawige meleec cotigeil nalunuga meigale.

Filipai 1:27

Ceteh oso ben nijia. Agena coboc eu Kraisna me je toodoiale. Age odi odocobilfi eu ceteh me bahic. Eunu ija li age feciadigenfo, qee ija qee ligaunfo ija agenu je dih suldocobil dah migale, age wawaga osolna taweginaca, age cisdoc osolna wawaga meleec uqana me jenu osoben eb li cabi gagadic oginaca ec dah migale.

Filipai 3:16

Euqa ege ceteh wele dom eu gaid hewi toodu odoqale.

Filipai 4:2

O Juodia Sintikica, ale Tibudca gabanadi wawala osol mesiale ec ninialigina.

Filipai 4:4

Age Tibudca gabanadi bibili wawaga ceeleiale. Ija haun maadigina, ceeleigale.

Filipai 4:9

Ceteh ija iwaladecemin oinca, ceteh ija odom ec doinca, ceteh ija odom ec feinca eu cunug odoigale. Odi odocobil Anut uqa malol bilecca eu ageca biligian.

1 Tesalonika 3:10

Ege witic cahinegca Anut uqa ege age olanaga fecnuca, age wawaga meleec naha ihoc qee lenafi eu cesuladecnuca, jic qahigeceb ege ono leqan ec ninidudu inondoqona.

1 Tesalonika 4:1

O wawige meleec cotigeil, age Tibudca gabanadec bilegina eunu ege niniadoqona. Ege adiadi cobocomun, Anut uqa egena odoc fimei gale dugian, eu ege dado madocomun doin. Age jic tutuc odi cobogina eu mele. Euqa age jic tutuc coboc haunhaun odoigale eu odiwe age qila odogina.

1 Tesalonika 4:18

Eunu age je euna wahohogdocobdocobi bileigale.

1 Tesalonika 5:13

Age cabi ogina eu agenu nalunuga mimi saolal madeigale. Odocob age wawaga osolna malol bileigale.

1 Tesalonika 5:16

Age gaid ceeli bileigale.

1 Tesalonika 5:23

Anut uqa malol bilec gug uqa agena wawaga cunug soidudu eeladeiale. Uqa agena kisca age dolonoga dewenegaca eu cofdudu heweiale. Odocob egena Tibud Jisas Krais ceseli hoc deelna age tutucca cahuldocca qee eu camasac migian.

2 Tesalonika 2:16

Egena Tibud Jisas Kraisca Anut ege Memigeca ale nalunige mesina. Anut uqa eelgec uum igimei wahohoggeceb catanena, ege uqa cahahagecnu sumudi biluquna.

2 Tesalonika 3:1

Ege wawige meleec cotigeil, ege je osoha maadoqona. Age Anut cesulgeceb Tibudna je agena gemona memeli cunug ihoc lenwe odi Tibudna je memeli mahucwe mahamaha cunug ihoc ligiannu, odocob age Tibudna je binan suluqagannu inondoigale.

2 Tesalonika 3:16

Tibud uqa malol bilec gug, uqadodoc age saen cunugnana jic cunugnana malol bilec adeiale. Tibud uqa age abesabesca li biliale.

2 Timoti 2:22

Mel haun agena golanaga me qeenu sililec eu hibemdogale. Odocob ititom cobocca, wawin meleecca, nalug mecca, wawin malol bilecca eu ocnu sis qocwe biligale, hina gami dana cajaca age wawaga cataniec Tibud cesulgaga ec utadogina odi odoga.

Hibru 12:14

Age dana cunugca ege gami wawige malol bilecnu cabi gagadic oiga. Odimeig kobol gun euna bilecnu cabi gagadic oiga. Dana oso uqa kobol gun qee toodona uqa Tibud qee feiaun.

Hibru 13:20

Anut uqa egena Tibud Jisas tulidocob cal mecnadec ceseli cajen. Jisas uqa sipsip cofadec dana me bahic. Uqa ihanec cabi gug eu golacna bal cehec je bilec catanec eu hedon. Odocob Anut malol bilec gug uqa uqana gale doc toodoqagannu ceteteh meme ihocna himec age adeiale. Odocob ege cunug gemona kobol me uqadodoc gale dona, odi camasac mudecnu ihoc Jisas Krais umna. Saen cunugna Krais uqa ijan benca bileceb cataneiale. Mele.

Jems 1:4

Odoc me bahic duman eu age cunugnu ihoc ligiannu, odocob age euna me bahic ititom cobocnu biluqagannu age saen cunug gagadic tataweig culumen gahidoigale.

1 Pita 3:8

Qila ija je i edi qee mudigen odigina. Age cunug cisdoc osolca wawaga osolca bileigale. Age osona culumen sol meigale. Age wawaga meleec cotogail cunugnu nalunuga meigale. Age osonu wawaga qoiale. Age cotogailnu jogoi coboigale.

1 Pita 5:10

Anut uqa eelgec uum igec cunug uqana gug. Uqa age Kraisca gabanadeceb age uqana gagadic odoc fulacdocca oqagannu utaaden. Gagadic odoc fulacdocca eu gaid biligian. Age culumen dain adec sogoecca saen gohicna dih gahidoqagan. Odocob hibna Anut uqadodoc age haun me madigian. Odimei uqa me madeceb tatawebil gagadicca biluqagannu hehadigian.

Jahunec Je Camasac Muden 22:21

Jisas Tibud uqana eelgec uum igec eu age cunugca biliale. Eu mele.