1 Timoti 2:6 - Bal cehec je haun

⁶ Uqadodoc deweg ihandon, eu odocna dana cajaca cunug besiadigiannu ceseli fajen. Jisas Krais uqadodoc deweg ihandon saen euna dih Anut uqa dana cajaca cunug cahahaadigiannu odona eu camasac men.

1 Timoti 2:6 ပူးပေါင်းရင်းမြစ်များ

Matju 20:28

Ge, Dana Melah ha dana age ija cewel utuqagan imei qee toni nel. Qeeo. Dana Melah uqa dana cajaca cewel uadecnu toni nen. Uqa ijana cebac bilec eu dana cajaca mati besiadec fajadecnu culigen imei eunu toni nen,” aden.

Me Je i Mak Jaqen 1:15

Uqa maaden, “Saen Anutna cul cali hoia nijia. Anutna cul eu age cemenega hona. Agena silailnu tului falicdumeig me jenu wawaga meleeiale,” aden.

Me Je i Mak Jaqen 10:45

Ge, Dana Melah ha dana age ija cewel utuqagan imei qee toni nel. Qeeo. Dana Melah uqa dana cajaca cewel uadecnu toni nen. Uqa ijana cebac bilec eu dana cajaca mati besiadec fajadecnu culigen imei eunu toni nen,” aden.

Me Je i Jon Jaqen 6:51

Ija cebac bilec bred eu sao jobonnadec nen. Oso bred i jifei uqa cebac bileceb catanigian. Bred ija adigina eu ija deweni, eu dana mahana bilegina age jimeig cebac biluqagannu bred,” aden.

Pol Uqa Jaqec Je Oso Rom Tamanec Jaqiaden 16:26

Qilaqa Anut odocob je hahun madec dana agena jaqec jena me je eu camasac caligian. Anut uqa bileceb catanena uqa madeceb dana cajaca mahana cunug bilegina eu age me je eu dah mein. Eunu dana cajaca cunug age wawaga meleeceb me je eu toodoin.

Pol Uqa Jaqec Je Oso Rom Tamanec Jaqiaden 5:6

Wele ege egedodoc cesulgecnu gagadic odocca qee bibiluqun saen Anut maden euna himec Krais uqa ege dana Anut hibemdom eundec ceseli cedgigiannu cal men.

2 Korin 5:21

Ge, Anut uqa Krais, uqa silail osol qee mel, eu ege hehulgi egena cudunna silailcawe tawigiannu muden. Eunu ege Kraisca gabandoc bilecna Anutna dana ititom ibuldocnu odon.

Galesia 1:4

Jisas Krais uqa Memige Anutna cisdoc toodon. Odimei uqa qisol mec saen i qila bilina ege saen ina uqana gagadic odocnadec besigecnu egena silailnu uqadodoc deweg ihandumei cal men.

Galesia 4:4

Euqa Anut uqa, saen euna odigen en, saen eu hedocob uqa Melah suldocob nen. Eu caja uqa basen, odocob uqa loo je toodu odigiannu mudeceb bilen.

Efesas 1:17

Ija agenu Jisas Krais egena Tibudna Anut, uqa Memige fulacdoc benca gagadic odocca, odi inondugina. Anut uqa doc silecca cisdoc fogo adecca adeiale, odocob age uqanu du cuhadoqagannu ec inondugina.

Efesas 1:7

Anutna eelgec uum igec eu ben bahic! Krais ege ceseli fajigecnu cal men. Uqa egena silail cagasigecnu uqa golac basecdocob nen. Eunu ege Kraisca gabandu biluqunanu ege besigec biluquna.

Efesas 3:5

Wele bahic Anut uqa dana cajaca je jahunec i oso qee camasac mudi maadel. Qilaqa uqa uqana aposel gunca je hahun madec danaca je jahunec i Kisna camasac mudi maaden.

Efesas 5:2

Age wawaga meleec cotogailnu nalunuga mecna coboigale. Eu odiwe Krais uqa egenu nalunige mimei uqadodoc cebac bilec culimei Anutnu ihandon. Ihandoc eu dedeman me bahic wasena.

2 Tesalonika 1:10

Uqa deel euna ceseli hocob uqana dana cajaca qagoc cunug age camasac mecebil uqa euna binan ben ugian, odocob wawaga meleen dana cajaca cunug age binan suluqagan. Age je ege maadomnu wawaga meleen eunu ageha eu age gemo biluqagan.

1 Timoti 6:15

Uqana ceseli hoc deel euna Anut uqa himec king bahic, uqa eeldocca, uqa King agena king, uqa Tibud agena tibud eu madeceb camasac cali hugian.

2 Timoti 1:8

Eunu egena Tibudna me je dana cajaca qasali maadecnu majain cain heiaun. Odocob hina ija qila Jisasnu gihacdoc jona biligina eunuha majain cain heiaun. Euqa hina ijaca culumen lec Jisasna me je maadi cobowona eunu dewenilena hona, eu osoben sol jeli gahidocnu cain culugaun. Ge, Anut gagadic odoc ihina.

Taitas 1:3

Odocob saen euna Anut wele maden uqana jena odocob ceteh i camasac men. Eu ege me je qasali maadoqona euna dana cajaca dogina. Me je qasali maadec cabi i Anut ebenina men. Odocob Anut egena Cahahagec uqa maten eunu ija dana cajaca qasali maadigina.

Taitas 2:14

Uqa ege silail cunugnadec ceseli fajigecnuca, uqa uqadodocnu dana cajaca sihul soigeceb ege me odocnu megameg moqona eu uqana bahic bilocomun catanigiannuca uqadodoc egenu men.

Hibru 9:12

Odocob Krais uqa talah jo gun euna li osoldon. Euqa uqa sipsip golac bulmakau nag golacca umei talah jo gunna qee lel. Uqa uqadodoc golac u limei Anut ihandon. Odimei uqa golacna ege fajigimei saen gaid cunugnu ceseli oigen.

1 Pita 2:24

Krais uqa ege silail cunugnu hibemdumeb ititom kobol himec toodumeb cebac bilecnu eunu gale don. Eunu uqa uqadodoc egena silail dewegna gahidumei na babalecna cal men. Age uqa deweg tudoin, odocob uqana culumen dain doc sogoeccana uqa ege haun me migen.

1 Pita 3:18

Age Kraisnu cisdoiga, uqa dana ititom. Euqa uqa dana cajaca ititom qee cunug agena cudun umei hehuladen. Odocob uqa dana cajaca agena silailnu cagasiadimei ehadimei Anutca lecnu cal men. Krais uqa mahana cocobi dana bilen. Odocob dana age deweg tudocobil cal men. Uqa saen osolna dih cal men, uqa haun qee cal meiaun. Euqa Anut uqa tulidocob haun cajen. Qila uqa sao jobon kis deweg on bilia.

1 Jon 4:10

Anut uqa nalug mec kobol me bahic eu odi ihacgena. Ege casac Anutnu nalug mom eu qee nijel. Euqa casac Anut uqa egenu nalunige meceb uqa Melah uqadodoc Anut ihandumei uqa euna Anutna gemag bec gondocob egena silail cagasigigiannu suldocob nen.

Jahunec Je Camasac Muden 1:5

Jisas Krais uqa Anutna me je cunug qasali maaden, uqa dana age cal mecnadec ceseli cajec agena aquniadec, uqa dana mahanadec agena king cunug cofadena uqaha eeladec uum adeiale, uqa malol bilec adeiale. Age cunug feele adegina. Jisas Krais nalunige mena, uqa uqana ihanec cal mecna egena silail cagasiigen.

Jahunec Je Camasac Muden 5:9

Odimeig age due haun oso odi silein: “Age qihecebil cal mem. Hina hinana ihanec cal mecna Anutnu dana caja sihul filfilnadecca, je madec filfilnadecca, dewenega filfilnadecca, hatu filfilnadecca fajadem. Hina odadecem age nawel tawec ihanec dana ibuldoin, age cofaadi bibilebil egena Anut cewel utoin. Age mahamaha cunug agena king biluqagan Eunu hina jaqec je col qoc eu umeg uqana sisi mec libec wagaladecnu ihoc,” ein.