1 Tesalonika 1:6 - Bal cehec je haun

⁶ Odocob age geh sogoein age me je eu ceelecca Kis Gunnadec hocob oin. Eunu age egeca Tibudca toogi coboc dana ibuldoin.

1 Tesalonika 1:6 ပူးပေါင်းရင်းမြစ်များ

Matju 16:24

Odocob Jisas uqana malogom maaden, “Feiga, Dana Melah uqa Memegna kobolkobolca uqana ensel gami hoqagan. Deel euna uqa dana abesabes age odoinnu ameg wadacadigian. Eunu dana oso mahamaha cehewan cunug oialumiqa uqana cebac bilec qee moubmi cehewan on eunu me biloubfo? Qeefi, dana uqa cebac bilec eu culecebfi cel cetehna uqana cebac bilec ceseli besi ocnu fajudigian? Oso uqa uqana cebac bilec cahahadugia odona eu uqa uqana cebac bilec felacudigian. Odocob oso uqa ijana bilina eunu uqana cebac bilec felacudecebfi eu uqana cebac bilec ugian. Eunu oso uqa ijanu madi, ija uqa jaih ceen lahacdudu toodugen, ena eu uqadodoc deweni me biligian ec cain madeiaun qa uqa uqana na babalec hewi gahidumei tooteiale.

Me Je i Jon Jaqen 8:12

Jisas uqa Farisi haun je maaden, “Ija mahamahanu fulacdoc. Oso ija tooti cobona eu uqa tuna qee coboiaun qa cebac bilecnu fulacdoc uqana biligian,” aden.

Aposel 13:52

Odocob malogom Antiok ono bilein eundec Kis Gun wawagana ihoc leceb age celeboein.

Aposel 5:41

Odocob aposel age cegulec culadein. Anut uqa age Jisasnu majanaga hewecnu eu ihoc ec cisdon eunu bebeli bileig age wawaga ceelen.

Aposel 9:31

Odocob eunu tamanec Judia hatunaca, Galili hatunaca, Sameria hatunaca malol bibileig age gagadic tawein. Age Tibud binan susuli cocobogin Kis Gun cesulaaden dana cajaca me jenu meleec fulusdon.

Pol Uqa Jaqec Je Oso Rom Tamanec Jaqiaden 15:13

Anut uqa cahahagecnu sumudi biluquna uqa uqanu wawaga meleecna odadeceb age ceelecca malol bilecca wawagana ihoc leiale. Eunu Kis Gunna gagadic odocna Anutna saen me ageca hugiannu sumudegina eu age wawagana cunug ihoc ligian.

1 Korin 11:1

Age ija ciciloni oiga eu odi ija Krais cicilon uginawe.

1 Korin 11:2

Age gaid ijanu cisdogina, odocob iwaladec je ija age ebenegana mem eu age toodu odogina. Eunu ija age binanaga suligina.

1 Korin 4:16

Eunu age ija ciciloni ocnu niniadigina.

2 Korin 6:10

Ege waloc gen. Euqa ege gaid ceeloqona. Ege sawen bilom qa ege dana mati cehewanagaca madom. Ege cetehca qee bilom qa ege mele bahic ceteh cunugnu ihoc biluquna.

2 Korin 8:5

Ege age meen qaig adoqagan ec casac cisdom qa agena odoc eu egena cisdoc wooldon. Age casac agedodoc Tibud utein. Odimeig age Anutna gale doc toodumeig age agedodoc egeha igein.

Galesia 5:22

Euqa Kis uqana dado madec aig qoc eu ihen. Eu cotigeilnu nalunuga mec, eu wawige ceeli bilec, eu wawige malol bilec, eu lalafanigeca, eu wawige susumulca, eu me odadec, eu tutuc cobocca,

Efesas 5:1

Age Anutna mel sim uqa nalunuga mena, eunu age Anutna kobol toodu odimeig Anut cicilon oigale.

Filipai 3:17

O wawige meleec cotiel, age cunug ija ciciloni oigale. Dana eu age ege odoqonawe odi odogina eundec feciadi cuhadumeig tooadeiga.

2 Tesalonika 1:4

Eunu egedodoc Anutna tamanec filfil amagana age ijanaga saolal mumudi agenu culai maadoqona. Age aaqati tootooadecnaca, gihacadec bilecnaca agena wawaga meleec eu duuec tawegina eunu ijanaga saolal mumudi agenu culai maadoqona.

2 Tesalonika 3:7

Ge, age agedodocha dogina, ege wele coboc ihacadom odi ageha coboqagan. Ege age gemona bibileb ege qee alal gel, ege cabi om.

2 Tesalonika 3:9

Egeha agena sab cetehceteh gauc oummiqa eu odi odocnaha silail qee moum. Ege gauc ocnu eu cois bahic. Euqa ege age me odoc ihacadec age eu odoc toogi odoqagannu odom.

2 Timoti 4:2

Me je mamadi gagadic tawagale. Me je madecnu saen me nijeceb euna himec qee madagaun, olosadec saenna ha me je maadagale. Je wawaga qugiannuca, cahacadigiannuca, cesusadigiannuca maadagale. Euqa wawin susumulca cabi eu ocnuca, iwaladecnuca cain culugaun.

Hibru 10:34

Ge, age agena ceteteh bahic eu qee cedelein eu gaid ageca biligian ec wele doin. Eunu age dana cajaca age wawaga meleenanu gihacdoc jona bileinnu waloc aden. Odocob saen leihna dana agena ceteteh cediadein qa age ceelecca hawaadein.

1 Pita 1:6

Age ceteh i cunug Anut odon eunu cisdumeig ceeleigale. Euqa qila age saen nag odi dih Anut gale docobfi temadec filfil ageca caleceb sogooqagan.

1 Pita 1:8

Age Jisas Krais qee felein qa age uqanu nalug megina. Age uqa qila qee fegina qa uqanu wawaga meleena. Agena wawaga meleec eu aig qona. Aig eu Anut uqa age dolonoga cahahadona. Odocob age uqanu celebo bahic egina. Agena celeboec eu ben bahic, eu celeboec cunug maha inadec wooldona, eu odi ege conigena qasali madecnu ihoc qee.

1 Pita 3:13

Age tutuc odocnu megameg mifeig in uqa age me qee odadigian? Euqa Anut gale donafi age tutuc odoc eunu culumen gahidoqagan eu me. Eunu age kobol tutuc odimeig eunu culumen gahidufeig age ceeleiga! Euqa age cahulec odoc eunu culumen gahidoqagan eu me qee. Anut uqa dana age, age Kraisna kobol me toodogina eunu je me qee maaadi bulamadifeig age je me qee maadec eunu majanaga adigiannu gale dona. Eunu “age dananu cain cucuiadowain, age cain jaen aqeiaun,” en. (Aisaia 8.12) Euqa age Anut amegna wawaga tutuc biliale. Odocob age wawagana Krais cuhanuc agena Tibud mudecebil bilia. Dana age ceteh me i age ocnu susumudi bileginanu, gug doqagannu sisiladecebilfi age saen gaid je wadacduadoqagannu saciadoiga. Odocob age wawaga jocosaigca dana agenu lal qu bibileig je wadacdu maadeiga.

3 Jon 1:11

O ijana danah bahic, hina qisol mec kobol cicilonoga cain ogaun qa hina kobol me odogina eundec cicilonoga oga. Dana oso uqa me odona eu uqa Anutnadec. Dana oso uqa qisol mena eu uqa Anut qee fel.