1 Pita 5:5 - Bal cehec je haun

⁵ Eu odiwe dana haun ha age tamanec cofadec matu bisalu bileigale. Ge, Anutna jaqec je odi madena: “Anut uqa dana ege binanige suli oqan egina eundec hewadeceb nag megina. Euqa dana wawaga lal qu jogoi cobogina eundec uqa eeladec uum adena,” ena. (Sindaun 3.34) Eunu age cunug agedodoc jogoec kobol umeig cotogail bisalu bileigale.

1 Pita 5:5 ပူးပေါင်းရင်းမြစ်များ

Me Je i Luk Jaqen 22:26

Euqa age odi cain odowain. Cain bahic. Dana age gemona ben bilina uqa dana milum bahic cinigwe biliale. Odocob agena ilo dana uqa cewel uadec odi cinigwe biliale.

Pol Uqa Jaqec Je Oso Rom Tamanec Jaqiaden 12:10

Age wawaga meleecna cotoga eunu age waliagwaliagwe nalug mecebmecebeigale. Age saolal mudecebmudecebecnu megameg meigale.

Pol Uqa Jaqec Je Oso Rom Tamanec Jaqiaden 13:14

Euqa age Krais Jisas Tibud umeig han lotoc cinigwe taqeiga. Odimeig dewenegana gale doc me qee toodocnu cain cisdowain.

Efesas 5:21

Age Krais binan sulimeig age cotogail agena je toodocobtoodocoboigale.

Filipai 2:3

Age ija didih ii ceteh oso cain odowain, age ija didih ii cain deboowain. Agena kobol me eu cotoga uqana kobol me wooldoc ec cain cisdowain. Euqa age cotoga bisalu bilimeig cotoga uqana kobol me eu agena kobol me wooldoc ec cisdoqagan.

Kolosi 3:12

Age Anutna dana cajaca qagoc, uqa nalunuga mimei age uqana bilituqagannu nesili cedaden. Eunu age wawaga qocca, me odadecca, jogoi cobocca, gemanaga jocosaigca euca, lalafanagaca, eu age taqeigale.

1 Timoti 5:1

Dana toia oso je gagadic cain madogaun, hina memenwe dahig hewagale. Dana haun age walinelwe odadagale.

Hibru 13:17

Agena cofadec eu age age cesuladec cabi hewegina. Odocob eu age gaid age dolonoga cofaadi bilegina. Odimeig hibna eu age cabi cunug odoginanu Anut qasali madoqagan. Eunu age eu agena je toodudu eu age bisalu bileiga. Age odi odifeig eu age ceelecca cabi oqagan, wawagaha qee culumen adeiaun. Eu age age cofadecnu wawaga culumen adeccafi eu age cesuladecnu ihocca qee.

Jems 4:6

Euqa Anut eelgec me geh bahic uum igena. Eunu Anutna jaqec je madena: “Anut uqa dana ege binanige suli oqan egina eundec hewadeceb nag megina. Euqa dana wawaga lal qu jogoi cobogina eundec uqa eeladec uum adena,” ena. (Sindaun 3.34)

1 Pita 3:8

Qila ija je i edi qee mudigen odigina. Age cunug cisdoc osolca wawaga osolca bileigale. Age osona culumen sol meigale. Age wawaga meleec cotogail cunugnu nalunuga meigale. Age osonu wawaga qoiale. Age cotogailnu jogoi coboigale.

1 Pita 4:1

Krais uqa dewegna dain sogoecca gahidon. Odocob oso uqa dewegna dain sogoecca gahidon eu uqa silailna kobol eu wele culen. Eunu ageha jic euna dih uqa cisdonwe age cisdoc eundec gagadicca heweiga.

1 Pita 4:5

Euqa Gesiladec Ben uqa dana cajaca cebac bileginaca dana cajaca cal mein eundecca gesiladigiannu saciadon bilia. Eunu haiden dana age Gesiladec Ben eu uqa amegna tawimeig age ege eetanu kobol me qee odom ec madoqagan.