1 Pita 4:11 - Bal cehec je haun

¹¹ Oso uqa Anutna je madecnu duman uteceb on uqa Anutna je tutuc madigian. Oso uqa cesuladecnu duman uteceb on uqa dana cajaca cesuladecnu cabi eu uqa Anut gagadic odoc uten euna cabi ugian. Eunu dana age ege ceteteh cunug odoqona ec fimeig age Jisas Krais umna Anut binan suluqagannu kobol eu odoigale. Uqa binan fulacdocca, uqa gagadic odocca gaidgaid biliale. Mele.

1 Pita 4:11 ပူးပေါင်းရင်းမြစ်များ

Matju 6:13

Hina ege temgecna cain ehi li migigaun. Euqa qisol mec kobol eu cagasigagale,’ doigale,” aden.

Me Je i Jon Jaqen 13:31

Judas nueceb Jisas uqa malogom maaden, “Qila Dana Melah uqana kobolkobol ona. Qila Anut uqa Dana Melah odocna kobolkobol ona.

Aposel 7:38

Moses uqa Isrel tamanecca wadauna ono bilein, saen euna uqa ege jajanigeilca bibilegin ensel uqa Sainai aluhna ono je madon eu uqa cebac bilec je igecnu uten,” aden.

Pol Uqa Jaqec Je Oso Rom Tamanec Jaqiaden 11:36

Qee bahic! Anut uqa ceteh cunug ifanen. Eunu ceteh cunug bilegina. Odocob ceteh cunug eu Anutnu himec bilegina. Ege uqa binan sulocomun cataneiale! Mele!

Pol Uqa Jaqec Je Oso Rom Tamanec Jaqiaden 12:3

Odocob Anut eeltec uum itecna ija age cunug osolosol maadigina, age abesabes agedodocnu ija dana binanica wooladec ija meca ec wawaga cain madeiaun. Qee bahic! Age abesabes agedodocnu odi cisdoiga, ija dana binanica wooladec qee biligina ija meca qee ec cisdoiga. Age cunug Anut age wawaga meleec osolosol aden euna agenu ihoc nana cisdu cuhadoiga.

Pol Uqa Jaqec Je Oso Rom Tamanec Jaqiaden 16:27

Anut eu uqa osol himec uqa docca bahic. Uqa ceteh cunug Jisas Krais umna odon eunu ege binan sulocomun cataneiale! Mele!

Pol Uqa Jaqec Je Oso Rom Tamanec Jaqiaden 3:2

Ese, ceteteh me bahic mati calen. Casac ceteh me bahic oso eu odi, Anut uqana je Juda cofdoqagannu aden.

1 Korin 10:31

Eunu age sab jeginafo, age wa gab jeginafo, age ceteh fil odoginafo, cel ceteh odogina eu age Anut binan sulecnu odoigale.

1 Korin 12:4

Ege cabi ocnu dumanige igec filfil nijia qa dumanige igec Kis eu uqa osol bilia.

1 Korin 3:10

Anut uqa uqana jo cehecnu duman uum iten. Eunu ija jo cehecnu memei danawe jo big gug mem. Odocob dana oso uqa eu tatacanna cehegina. Euqa Anut uqa big gug osol men nijia eu Jisas Krais. Eunu oso uqa big gug fil mecnu qee nijel. Eunu dana cunug leih age adi jo cehec cabi eu tatacan cehi cuhadoigale.

2 Korin 2:17

Ge, ege dana mati bahic cinigwe qee, mati age cocobi Anutna je madecnu cabiwe eu meen qaig ocnu cabi ibuldogina. Euqa ege cabi i Anutnadec om, ege Anutna sos. Ege dana wawige tutucca, Kraisca wawige osol mimi Anut amegna je i Anut igen eu tutuc qasali madoqona.

2 Korin 9:13

Cabi i age cotogail cesuladecnu ogina eu agena kobol me camasac mudiadigian. Cotogail age, agenu Anutna je toodu cuhadogina ec doqagan. Odimeig ageha doqagan, age Kraisna me je eu mele oin, eunu age uqana me je toodu odogina. Odocob cotogail age, age dana leihca Anutna dana cajaca cunug ceteh geh adeginanu fimeig age Anut binan suluqagan.

Efesas 1:19

Odocob ege Anutnu wawige meleena uqana gagadic odoc euna cesulgena eu gagadic bahic ec doqagan. Anutna gagadic odoc ege sanijecnu ihoc qee. Uqa uqana cabi eu ege uqana gagadic odocna oqona.

Efesas 4:29

Socaec je conoganadec cain cali hoiaun. Ceteh oso cogogec nijecebfi tutuc migiannu je himec madeigale. Je eu eeladec oqagannu age dah mecebil cesuladigian.

Efesas 5:20

Age saen cunugnu ceteteh cunugnu egena Tibud Jisas Krais ijanna Anut Memige gaid hegaga doigale.

Efesas 6:10

Ija cit qoc je oso maadigen. Age Tibudca gabanadec bilimeig uqana gagadic odocnu cisdoiga. Uqa uenna tatawi gagadic meigale.

Filipai 1:11

Odocob agena coboc eu ceteh me bahic gehca Jisas Kraisnadec hona eu agenu am bigian. Odocob agena me coboc eu Anut binan uteceb binan suleqan.

Filipai 2:11

Odimeig age cunug beilamaga osol mi Jisasnu madi madoqagan, Jisas Krais uqa egena Tibud, oqagan. Age Memige Anut binan wasigiannu odi odoqagan.

Kolosi 4:6

Agena je eu gaid me bahic tinca madeigale. Odocob age dana cajaca cunug agena sisilec tutuc wadacduadoqagannu ihoc biloub.

1 Tesalonika 2:4

Euqa Anut uqa me je madec cabi eu ebenigena men eunu uqa cois maden. Eunu ege gaid Anut ege madecnu gale dona eu madom. Odocob ege dana mahanadec gale adigiannu cabi qee oqona qa ege Anut gale dugiannu cabi oqona, uqaha egena gug temdu fena.

1 Timoti 1:17

King saensaen cunug cal mecwe qee, eu uqa fecwe qee, uqadih Anut bilia eu binan sulocomun cataneiale, uqa kobolkobolca bileceb cataneiale! Mele.

1 Timoti 6:16

Uqa himec cal mecwe qee gaid bileceb catanena. Uqa fulacdoc bahicca bilina eu ege uqa cemenug lecwe qee. Anut eu dana oso qee fel, dana osoha fecwe qee. Ege uqa binan sulocomun cataneiale! Uqa gagadic odocca demico biliale! Mele!

Taitas 2:1

Hinaqa, hina je eu mele je toodona eu iwaladaga.

Taitas 2:15

Hina gaid dana cajaca je i maadagale. Hina tamanec cofadec dana eunu hinana tamanec dana cajaca je i toodu odoqagannu cesusadagale, age silail mecnu odowainnu ulauladagale. Hina tamanec dana cajaca oso culdecem hina dana gauc ec cain cisdoiaun.

Hibru 13:7

Age agena cofadec age wele Anutna me je qasali maadoloignu cisdoiga. Age eu agena cobocnu cisdoiga. Odimeig eu agena wawaga meleec kobol toodoiga.

Hibru 5:12

Ge, age wawaga meleec dana saen cecelac bilein eunu qila age iwaladec dana biloub, eu saen ihoc. Euqa age iwaladec dana qee. Agena cisdoc eu gohic, odocob dana oso haun Anutna je gug bahic eunu iwaladigiannu nijia. Age sab gagadic ocnu ihocca qee. Age su ocnu ihoc himec. Eu odi nijia.

Jems 1:19

O cotiel bahic, age ceteh eunu du cuhadoigale. Age abesabes oso je madeceb docnu waug nijecebfi age mahuc dahiniga ceheigale. Age je madecnufi mahuc fecwe cain madowain. Odocob dana gemag becna Anutna kobol tutuc odoc eu qee odona. Eunu gemanaga ha mahuc cain beiaun.

Jems 1:26

Dana oso uqa odi cisdona, “Ija Anutnu wawi meleecca me bahic Anut binan suligina,” qa uqadodoc co qee cofdona eu uqadodoc waug qaudona. Eunu uqana waug meleec cuha fecca eu gauc himec.

1 Pita 2:12

Gadgad haiden age agenu age dana cajaca me qee ec madowainnu. Age agena me odoc fifeig age Anut uqa dana cajaca cunug gesiladecnu deel hocob Anut binan suluqagan. Eunu age haiden dana cajaca gemona tutuc coboigale.

1 Pita 2:5

Ageha age meen cebac bilecca cinigwe. Odocob Anutna Kis uqa age meenwe umei Anutna jo cehigiannu gale dona. Eunu age Anutna Kis culdecebil uqa Anutna jo age cebac bilec meenwe mudec euna cehimei uqa jo euna biligian. Odocob age Anutna jo euna age Anutna nawel tawec ihanec dana gun bilimeig age ihanec Anutna Kis gale dona eu Anut utuqagan. Age odi odocobil Anut uqa Jisas Krais umna cisdumei ihanec eu ocnu gale bahic dugian.

1 Pita 4:10

Age cunug cabi ocnu dumanaga adec filfil Anut adeceb oin. Eunu dumanaga adec euna age cotogail cesuladecnu cabi oiga. Kobol euna age Anutna dumanaga adec filfil ila mecnu cabi dana me biluqagan.

1 Pita 4:16

Euqa age eundec oso uqa Kristen, eunu sogoifei uqa cain majag doiaun qa Kristen ijan euna uqa Anut binan suliale.

1 Pita 5:11

Anut uqa gagadic odoc euca gaidgaid biliale! Mele.

Jud Uqa Jaqec Je Oso Anutna Dana Cajaca Jaqiaden 1:25

Anut osol i dih bilina, uqa ege Jisas Krais umna cahahagen. Jisas Krais uqa egena Tibud, ege uqa binan suluqale. Uqa king ben bahic bilina, uqa gagadic odocca, uqa ceteteh cunug agena ilo bilina. Wele bahic saen cunugna uqa odi bilen, odocob qilaha uqa bilina, odocob hibna saen cunugna eu odi bileceb cataneiale! Mele.