1 Pita 3:22 - Bal cehec je haun

²² Jisas Krais uqa sao jobon ten, Anut eben meulana isec bilina. Odocob ensel cunugca, kis gagadic odoc cunugca, ceteh cunug gagadic odocca eu age Jisas Krais bisalu bilegina.

1 Pita 3:22 ပူးပေါင်းရင်းမြစ်များ

Matju 22:44

‘Anut Tibud uqa ijana Tibud odi madon, “Ijaca hu ebeni meulana isec bibilem ija odocomin hinana cad cunug hu ninijebil hina jaimna lahacadegan,” don,’ en. (Buk Song 110.1)

Matju 28:18

Jisas uqa cemenega humei odi maaden, “Anut uqa ceteh cunug agena ilo miten. Uqa ceteteh cunug mahanaca sao jobonnaca cofadecnu gagadic odocha iten.

Me Je i Mak Jaqen 12:36

Kis Gun uqa Dewid dado mudeceb uqadodoc maden: ‘Anut Tibud uqa ijana Tibud odi maden, “Ijaca hu ebeni meulana isec bibilem ija odocomin hinana cad cunug hu ninijebil hina jaimna lahacadegan,” en,’ Dewid odi maden. (Buk Song 110.1)

Me Je i Mak Jaqen 16:19

Odocob Jisas Tibud uqana malogom gami je madi hedocobil Anut uqa Jisas ehudeceb sao ohis timei uqa Anut eben meulana isec bilen.

Me Je i Luk Jaqen 20:42

Ge, Dewid uqadodoc buk Samna jaqen: ‘Anut Tibud uqa ijana Tibud odi madon, “Ijaca hu ebeni meulana isec bibilem

Me Je i Jon Jaqen 13:32

Anut uqa Dana Melah odocna kobolkobol onafi Anut uqadodoc Dana Melah kobolkobol utigian. Mele, uqa eu mahuc Dana Melah kobolkobol utigian.

Aposel 1:11

maadesin, “Galilidec dana, age eetanu sao jobonna tatii ene tawegina? Jisas i Anut uqa ehudeceb enedec sao jobon teia uqa teten feiga odi ceseli tonigian,” adesin.

Pol Uqa Jaqec Je Oso Rom Tamanec Jaqiaden 8:34

In oso uqa ege dewenigenu balijec je madecnu ihoc? Eu Krais Jisasfo ege dewenigenu balijigian? Qeeo! Uqa cal men, odimei Anut tulidocob ceseli cajen, uqa qila Anut eben meulana bilina oodi cesulgecnu ha inondona.

Pol Uqa Jaqec Je Oso Rom Tamanec Jaqiaden 8:38

Eunu ija odi wawi mele bahic ena, ceteh oso ege Anutna nalunige mecnadec besigecwe qee. Eu cal mecfo, qee cebac bilecfo, qee Anutna enselfo, qee buga gagadiccafo, qee ceteh qila biliafo, qee ceteh hib caligianfo, qee gagadic odoc filfilfo, qee

1 Korin 15:24

Odocob cit qoc deel hugian. Saen euna Krais uqa gabman cabi cunugca, ensel cunug age ilo bileginaca, ensel cunug age gagadic odocca, eu cunug qee madigian. Eu hedocob uqa Anutna cul eu Memige Anut ebenna migian.

Kolosi 3:1

Age Kraisca osoben cal mecnadec ceseli cajein. Eunu age ceteh sao ohisna isec nijia eu ocnu ebebaceigale. Ono Krais kingna cabalna bilina, uqa Anut eben meulana isec bilina.

Hibru 1:13

Anut uqa uqana ensel oso odi qee madol: “Ene hina ebeni meulana isec biliga. Ene bibilem hinana cad cilehadimig age cabal jaim bisalu isec madigen,” qee dol. (Buk Song 110.1)

Hibru 1:3

Melah uqa Anut meca bahic ihacgena. Uqa Anutca ale caca, uqa Anut cinigwe. Odimei uqa je gagadic odocca madeceb ceteteh cunug gaid gagadic tawena. Odimei uqa dana cajaca cunug agena silail cacuadi hedumei uqa sao jobon ono King Meca Bahic uqa eben meulana isec bilen.

Hibru 1:6

Odocob saen Anut uqana mel matu maha ina suldocob nigiannu ninijen uqa odi maden: “Anutna ensel cunug age gob cehimeig uqanu cuha foqagan,” en. (Loo 32.43)

Hibru 10:12

Euqa Krais uqa silail cagasecnu ihani osoldon eu saen cunugnu ihoc. Uqa eu odiodi hedumei ti Anut eben meulana isec bilen.

Hibru 12:2

Ege amige eu meciocomun Jisasca nuigian. Uqa egena wawige meleec gug odocob hibna uqa egena wawige meleec odocob ihoc ligian. Wele Jisas uqa ceelec hibna ugiannu waug ninijen gagadic bilen. Odimei culumen gahidumei na babalecna cal men. Uqa na babalecna ono majag hewudein eu ceteh gauc bahic ec cisdon. Qila uqa Anutna bilec cabal meulana isec bilina.

Hibru 4:14

Jisas Anut Melah, uqa egena nawel tawec ihanec dana ilo, uqa sao jobon dunuh bahic len. Eunu ege wawige meleec qasali madoqona eu hewi daugdoqale.

Hibru 6:20

Ege ijanigenu Jisas uqa aqunigec wele hamol eu dunuh len. Odimei nawel tawec ihanec dana ilo gaid bileceb catanigiannu calen, uqa nawel tawec ihanec dana Melkisedekwe odi bilina.

Hibru 8:1

Aria, je ilo ina ege madoqona eu odi. Egena nawel tawec ihanec dana ilo eundec uqa Anut King Ben uqana bilec cabal meulana isec sao jobon bilina.

Hibru 9:24

Ge, ege doqona, Krais uqa jo gun dana ebenegana mudein euna oso qee lel, eu jo gun sao jobon bilia eu ihicon qoc himec. Uqa tutuc sao jobon len. Odocob qila uqa Anut amegna camasac men, uqa ege cesulgec cabi ona.