1 Pita 1:21 - Bal cehec je haun

²¹ Anut uqa Krais cal mecnadec tulidocob cajen. Odimei binan fulacdocca uten. Krais uqa age cesuladeceb age Anutnu wawaga meleen. Eunu age Anutnu wawaga meleena, odocob age Anut cahahaadigiannu sumudi bilegina.

1 Pita 1:21 ပူးပေါင်းရင်းမြစ်များ

Matju 28:18

Jisas uqa cemenega humei odi maaden, “Anut uqa ceteh cunug agena ilo miten. Uqa ceteteh cunug mahanaca sao jobonnaca cofadecnu gagadic odocha iten.

Me Je i Jon Jaqen 12:44

Jisas co suli u maaden, “Oso ijanu waug meleena eu uqa ijanu dih qee meleena qa uqa sulten eunu ha waug meleena.

Me Je i Jon Jaqen 14:1

Jisas uqa maaden, “Age wawaga cain qeleleiaun, cain cucuiuwain. Age Anutnu wawaga meleeiale, ijanu ha wawaga meleeiale.

Me Je i Jon Jaqen 14:6

Odocob Jisas uqa jejeg hewi madon, “Jic eu ija, mele gug eu ija, cebac bilec silig eu ija. Oso Memige Anutca qee leiaun, ija dih odocomin Memige Anutca loqagan.

Me Je i Jon Jaqen 17:1

Jisas uqa je eu madi hedumei uqa sao jobonna tatii imei Anut inondon: “O Mei, saen eu wele cali hoia. Hina dana mahamaha bilegina cunug Melem ebenna madem. Odimeg cunug uqa utem eundec age cebac bilec catanec eu adecnu gagadic odoc ihoc utem. Cebac bilec catanec uqana gug eu ihen. Age hinanu, hina himec mele Anut eunuca, Jisas Krais hina suldom eu uqanuca wawaga fogo doc bilegina. Eunu hina Melem uqa kobolkobol ihigiannu kobolkobol utugale,” don.

Me Je i Jon Jaqen 17:24

“O Mei! Hina ija item eu ageha ija biligina euna ija gami bileqan eunu ija gale hena. Eunu hina maha qee ifanec ninijen ija naluni memnu kobolkobol item eu age foqagan.

Me Je i Jon Jaqen 17:5

O Mei! Qila hina amenna kobolkobolca bilec itigale, kobolkobol eu maha qee ifanec ninijen ija hinaca biloh saen euna ijana bilen eu haun itigale!” don.

Aposel 2:24

Euqa cal mec uqa gihacdocwe qee. Cal mec uqana gagadic odoc qee mudimei haun ehuden. Eunu Anut cal mecnadec haun tulidocob cajen.

Aposel 3:13

Ebraham Aisak Jekobca agena Anut, ege jajanigeil agena Anut, uqa uqana cabi dana, Jisas, ijan meca gagadic odocca uten. Jisas i age Pailat ebenna mudimeig, uqa Pailat culdeceb nuigiannu wele cisdon, age Pailat amegna uqanu je me qee madein.

Aposel 3:15

Age madecebil age Dana Cebac Bilecna nuecnu jic dado migec eu qoin. Euqa Anut cal mecnadec tulidocob cajen. Ele eu fimeu qasali maadowona.

Aposel 4:10

age doiga. Isrel dana cunug ageha doiga. Dana laleg mec qila age amagana tawena eu uqa Jisas Krais Nasaretdec uqa ijanna me mudec tawena. Age Jisas Krais eu na babalecna tuitu qocobil cal men, euqa Anut haun tulidocob cajen.

Pol Uqa Jaqec Je Oso Rom Tamanec Jaqiaden 4:24

Jaqec je eu egenu ha madena. Ege Anut uqa Jisas egena Tibud cal mecnadec tulidocob cajennu wawige meleena euha Anut egenu dana cajaca ititom ec madena.

2 Korin 6:15

Odocob Kraisna culca Setenna culca eu adi cul osol? Odocob dana Kraisnu waug meleenaca dana Kraisnu waug qee meleenaca eu adi wawala osol bilesina?

Efesas 1:15

Ageha me je dah mimeig Kraisnu wawaga meleeceb Kis Gun oin gug inu ija agenu inondugina. Odocob ija age Jisas Tibudnu wawaga meleecca age Anutna dana cajaca qagoc cunugnu nalunuga mecca ec dah mem.

Kolosi 1:27

Anutna cisdoc eu odi, uqa uqana je jahunec eu odocob uqana dana cajaca doqagan. Je jahunec eu cehewanca, eu gagadic odoc fulacdocca eu dana cajaca mahamaha cunug bilegina agenu bilia. O Kolosi, je jahunec uqana gug eu odi, Krais uqa age wawagana bilina. Odocob age uqana gagadic odoc fulacdocca adigiannu sumudi bilegina.

1 Timoti 1:1

Ija Pol, ija Krais Jisasna aposel. Anut uqa egena Cahahagec. Ege Krais Jisas cahahagecnu sumuduquna. Ale madecebil ija aposel calem.

1 Timoti 3:16

Ege mele doqona, Anutna kobolnu je gug eu me bahic me, oso eunu qee sasac qocwe qee. Je gug eu ege odi qasali madoqona: “Uqa dana deweg ocna camas men. Kis Gun uqana gug eu tutuc bahic ege ihacgen. Ensel age fecidoin. Agena malogom age uqana je dana hatuhatu bilegina age gemo maadecebil dah mein. Mahanadec age uqanu wawaga meleena. Anut uqa ehudi sao jobon teceb uqa binan ben on,” oqona.

Hibru 2:9

Euqa ege Jisas foqona! Anutna eelgec uum igecna uqa dana cajaca mahanadec cunugnu cal migiannu Anut odudeceb saen nag odi himec uqa ensel bisalu bilen. Eunu Jisas uqa cal mec waug sogoecca egenu gahidonnu Anut king bilecca binanca muden. Eunu ege qila uqa king bilecca binanca ohis bilina eu foqona.

Hibru 6:1

Eunu ege Kraisna je gug sanan mec age hahawan iwalgein saen euna ege wawige meleec mel sim cinigwe. Ege je gug sanan mec eundec himec madoqonafi ege mel simwe gaid bileqan. Je gug sanan mec iwalgec eu odi, ege kobol cebac bilecca qee eunu tului falicdumeb Anutnu wawige meleecca bilecnu, odocob wa joc filfilnuca, ebenige dana ilona mecnuca, cal mecnadec cunug ceseli cajoqagannuca, silail dana eundec Anut gel hib madeceb je eu bileceb catanigiannuca. Ege je gug eundec himec madoqonafi ege jo nah gehgeh cehoqona qa jo qee cehi hedoqonawe. Cois, ege mel sim agena kobol eu culimeb wawige meleec je caunca dana ben mein eundec je madeginawe madoqale.

Hibru 7:25

Odocob uqa qilaca, odocob gaid saen cunugna ha dana cajaca age Anutca uqa ijanna legina eu uqa agenu Anut inondudu gaid bileceb catanena. Eunu uqa dana cajaca eu cahahaadecnu ihoc bilina.

1 Pita 1:11

Kraisna Kis uqa je hahun madec dana eu age dunuh bilen. Kis eu uqa conogana Krais culumen dain doc sogoecca filfil gahidumei hibna binan ben fulacdocca ugian ec saaden. Kis saaden saen euna je hahun madec dana age wawali sisilec cabi oin, “Cel dana uqa ege cahahagigian?” ein, odocob “Aadeb dana eu cahahagigiannu hugian?” ein.

1 Pita 1:3

Anut uqa egena Tibud Jisas Krais Memeg. Eunu ege Anut binan suluqale. Uqa egenu waug ben qon. Odimei uqa Jisas Krais cal mecnadec tulidocob haun cajen. Uqa jic euna ege cebac bilec haun igen. Odocob cebac bilec haun eu ege gagadic migeceb ege cebac bilec catanec Anut hibna igigiannu sumudi biluquna.

1 Pita 3:22

Jisas Krais uqa sao jobon ten, Anut eben meulana isec bilina. Odocob ensel cunugca, kis gagadic odoc cunugca, ceteh cunug gagadic odocca eu age Jisas Krais bisalu bilegina.